انا حاليا في التوكيل فرع المقطم بعمل صيانة ال10000 لو حد عاوز حاجة يقلي
عرض للطباعة
انا حاليا في التوكيل فرع المقطم بعمل صيانة ال10000 لو حد عاوز حاجة يقلي
لو ممكن تسألي على الغطاء اللي في الاكصدام الخلفي اللي بيغطي الشداد اللي بيتحط فية الواير اللي بنقطر بية
صباح الخير . ...انا بس نفسى اعرف هل سماعات الابواب موجودة في فرع المقطم و سعرها كام و شكرا جزيلا لحضرتك
ممكن تسأل عن تركيب سنسور بارك للفلوانس بكام و هل ينفع اجيبه من برة و اركبه في التوكيل؟؟؟
عايز بس اسأل موضوع عزل السخونه ده بيتعمل ؟؟ انا عربيتي موديل ٢٠١٢ وفي فرع العبور قالوا لي هي بتنزل بعزلها ومش هنعمل حاجة وبصراحه انا بعاني من الصهد والسخونه اللي طالعه من التابلوه والدوسات وكأني راكب عربيه التابلوه مفتوح ع الموتور ...يا ريت بس حضرتك تسألي ايه العمل في المشكله دي علشان لو في حل ممكن اتصل احجز في المقطم ويحلوها هما ...مع الشكر
صباح الخير
ممكن تسأللى السينسور بارك بيركب على اللوجان مانيوال و بكام و لك جزيل الشكر
أزيك يا جبريل يا جميل
اسألى كده انى عاوز اركب بوجيهات بلاتينيوم او اريديوم ماركة ngk
هل ليه تأثير على الضمان و لا لأ
لو لسه موجود يا باشا ياريت لو تعرف تجيب الأتي
1- أسعار الصيانات لو فيها تغيير
2- أسعار قطع الغيار الإستهلاكية تيل, مساعدين, طنابير ألخ
و يا سلام لو شوية قطع غيار على مزاجك كده :)
المرايا اليمين فى الوجان فول اوبشن لما اجي المها ترجع تانى هل من يعرف السبب والاصلا ح وهل لها ضمانا ارجو السؤال وشكرامشكوووووور والله يعطيك الف عافيه
يا ريت سعر المساعدين امامى وخلفى؟
انا لسة مغيرة المساعد امامى شمال 440 شامل الضريبة
معلش انا عايز اعرف العربية خدت اد ايه وقت فى الصيانة و الناس محترمة ولا لأ و حضرتك فى فرع ايه و شكرااا
هو حضرتك فى المقطم مش القطامية؟ ليه قالولى مفيش 10000 فى المقطم..هو حضرتك كنت حاجز؟
انا بعتذر يا جماعة على التأخير في الرد بس ده علشان هما النهاردة كانوا يتحسدوا بصراحة =) و خلصوا العربية في نص ساعة + 15 دقيقة للغسيل و اضطريت اجري علشان كان ورايا شغل
هو كان السؤال ده اتسأل على صفحتهم قبل كدة السينسور نفسو ب 350 و تركيبو 450 !!!
معلشا يا احمد بس للاسف انا مشيت =(
عبد المقصود باشا سامحني بس انا مشيت من هناك
بس بالنسبة للتيل انا لسة مغيرو للعربية ال2010 من حوالي اسبوعين تقريبا و كان بالتركيب و الضريبة 320 جنيه
العاكس اللي في الاكصدام الوراني كان ب 55 جنيه
فلتر الزيت سعره زاد من 30 جنيه ل 45 جنيه
الزيت ال4 لتر ب275 و اللتر الواحد ب 70 جنيه
اجمد عليها يا باشا لحد الاخر و هي هتقفل معاك ان شاء الله لأن هي فيها سوستة قوية
انا اسف يا ذكر الله بس انا للاسف مشيت =(
العربية اخدت من ساعة ماستلموها 45 دقيقة بالغسيل 30 دقيقة صيانة و ربع ساعة غسيل
المقطم فعلا مش بيعمل اي صيانة قبل ال30000 و ده علشان الضغط اللي عليهم بس انا كان عندي مشكلة في الفرامل كمان فعلشان حاجة فيها اصلاح فوجهوني على المقطم او العبور لأن القطامية للصيانات السريعة و السمكرة فقط
بجد بعتذر ليكوا على الاسئلة اللي معرفتش ارد عليها و اني كنت مستعجل بس و الله عندي ربكة في الشغل جامدة جدا و مشروع كبير ضاغطني
سامحوني معلش =)
ان شاء الله اقرب فرصة وانا في التوكيل هجيبلكوا اجابات اسئلتكم
إستهلاك البنزين عامل معاك ايه ؟
جزاك الله خيرا يا جبريل و لا يهمك ربنا يستر طريقك
شكرا جدااااااااااااااااااااااا ا
و الله على حسب بس انا جربت العربية على طريق السخنة السرعة من 100 الى 120 رحت السخنة و رجعت و فولت عند مثلا 370 كيلو حطيت حوالي 32 لتر
لكن في سكتي العادية اللي هي دائري و محور و صحراوي و كدة ممكن اللتر يعمل على اسوء تقدير 8 كيلو و افضل تقدير 11 كيلو و ان شاء الله ارفعلكم Excel فيه التفويلات بتواريخها بمتوسط الاستهلاك في الصفيحة
اللهم امين
العفو يا فندم
+11111111111111111111111
انا مقتنع في الحاجات دي بالذات ان برة هتبقى افضل لأن العرض اكثر و في نفس الوقت ارخص
شكرا لحضرتك جدااااا اصل انا نفسي ابدأ ادلع الستب واي بتعتي فهبدأ بالسماعات.اللي في الابواب بس هل فعلا مقاسها 10 بوصة بس....حاسس انها صغيرة اوي وهل في 10 بوصة اكترمن 2 مخرج.اصل كل اللي اعرفة بيبقى 13 او 16 بوصة...و هل هلاقي وصلاتها جاهزة في الباب و لو ملقيتش اعمل ايه وهل ده هيأثر عبى الضمان.... انا عارف اني سآلت كتيير بس ياريت تساعدني و شكرا مرة تاااااانية