هو ايه يعنى مصطلح تفتيح الموتور؟؟؟؟؟؟؟؟؟؟؟؟؟؟
عرض للطباعة
هو ايه يعنى مصطلح تفتيح الموتور؟؟؟؟؟؟؟؟؟؟؟؟؟؟
سلام عليكم يا فندم:
تفتيح الموتور ده مصطلح دارج بين الناس فى مصر و خاصة لما بتكون عايز تجرى و لسة العربية جديدة أولا موتور السيارة ده زى اى اله حضرتك بتتعامل معاها فهو نازل من المصنع ليه مواصفات للسرعة و العزم معروفين بس الموصفات دى بتتغير بشكل مش كبير اوى مع الوقت و طريقة القيادة.
ثانيا: تفتيح الموتور ده هو عبارة عن الحرق على الغيار او بمعنى اصح قبل ما ال rpm يدخل فى الاحمر تحط الغيار الاعلى وهكذا لغايت الخامس او الرابع حسب عدد الغيارات فى عربية حضرتك ده كدة بشكل نظرى هو تفتيح الموتور اما المفهوم العملى هو ان الضغط على دواسة البنزين بشكل كبير و مستمر بيجعل بتالى سرعة دوران الموتور اعلى و تحرك اجزاه اسرع (بمعنى ان ممكن تقطع واحد كيلو متر بالعزم العادى عند 2.5 الى 3 rpm و ممكن نفس المسافة ب5 الى 6.5 rpm بس فى وقت اقل) نيجى بقا للميزات و العيوب لعملية تفتيح الموتور
الميزات:
1) رفع استجابة الموتور فى الغيارات القليلة و السرعات الوطية بمعنى لو مثلا فى الزحمة و مش بتجري تقلاقى بمجدر متدوس على البنزين الموتور اتنرفز و إستجاب بسرعة.
2) على الطرق السريعة او المفتوحة تلاقى العربية جمعت سرعة عالية فى وقت اقل من المعتاد (و زى ما قلت ده شيئ نسبى و على حسب دة حيكون نمط قيادتك بعد كدة على طول و لا حتعمل التفتيح ده مرة او اتنيت) وطبعا التجميع السريع بيفيد فى مواقف كتير زى مثلا حاجة عايز تعدى منها بسرعة او لو حضرتك من هواه الشد معا عربيت تانية الموتور المتفتح اكيد حيكون ليه السبق عن المقفول او العادى.
3) سرعة دوران المحرك بتؤدى بالتباعية الى دخول البنزين بشكل سريع الى الرشاشات وده بخليها اقل عرضة للإنسداد من رواسب التنك البسيطة (الكبيرة لآ طبعا). علشان كدة حنلاقى مصطلح تفتيح الموتور مرطبت بمصطلح (تفوق العربية) و هو يعنى تجريها علشان تنضف الرشاشات.
العيوب:
1) صوت المحرك حيكون دائما عالى، سرعة دوران = صوت عالى
2) كما ذكرت فى النقطة 3 ميزات عن سرعة دخول البنزين الى الرشاشات هى نفسها عيب حيث يوجد بالتالى ارتفاع ملحوظ فى استهلاك البنزين مثلا ممكن تسافر إسكندرية بنص التنك فى الظروف العادية إنما مع الحرق و الشد ممكن تخلص 3/4 التنك و عن تجربة.
3) سرعة دوران اجزاء المحرك اكيد تؤدى على المدى البعيد الى تأكلها بس ده له بردو اعتبرات أخرى زى نوع السيارة و بالتالى جودة المواد المصنوع منها اجزاء المحرك، الصيانة الدورية، نوع الزيت المستخدم ...... إلخ. بس اكيد ان إسلوب تفتيح الموتور بيفرق فى عمره الإفتراضى و منها بنصح بعدم المشى على الغيار فترة طويل فى منطقة الأحمر من ال rpm.
وفى النهاية الأمر طبعا بعد إرادة الله راجع لحضرتك و أرجو أن أكون أفدتك من دون إطالة
و شكراُ
كفيت وعوفيت الف شكر
مهو يا باشا أى عربية فى الدنيا ممكن تقرص على الغيارات عادى جدا يبقى كل واحد شد شوية بالعربية يبقى كدا هو فتح الموتور ؟؟
بعدين العربيات دلوقتى فيها تكنولوجيا عالية وحساسات وحقن ألكترونى وكل شئ محسوب
يعنى مثلا عندى فى عربيتى فيه أوضاع مختلفة للقيادة العربية بتسجلها مع ضغطة رجلى على دواسة البنزين وبناءا عليها بتستجيب
بصراحة الكلام دا مش داخل دماغى وبالنسبة للعربيات الحديثة مش مقتنع بحاجة اسمها تفتيح وتقفيل موتور من الأساس
أولا شكرا جدا يا باشا على المداخلة الجميلة دى و أنا سعيد بالمعلومة بتاعت تسجيل دوسة البنزين و إستجابة العربية ليها و إذا كانت عربية حضرتك فيها زراير لأنماط القيادة زى الجوك مثلا فيها عدة أنماط تناسب جميع اساليب القيادة فى بردو عربيات لسة شغالة بالنظام اللى انا ذكرتة فى الموضوع السابق زى الصنى 2011 اللى معايه و عن تجربة الكلام ده.
أخيرا شكرا على المعلومات الجميلة دى و سعيد جدا بمعرفتك.
الله ينور يا ابو حميد .. شرح مفصل ومبسط
واضيف جزئية صغيرة ان العملية بتتم تدريجيا يعنى مش من اول مرة بعد اما تكون معود الموتور على النقل بين السرعات على 2.5-3 rpm
تنط مرة واحدة وتفضل تحرق الغيار على 5.5-6 rpm
ويفضل التدرج كل .5 -1 rpm فى كل مرة
وكمان لا تثبت سرعتك على سرعة واحدة فترة طويلة خاصة فى الطرق الطوالى ويا حبذا لو بمشط رجلك تتكتك على دواسة البنزين هاتحس مع الوقت ان استجابة العربية زادت
واخيرا طبعا الافضل الموضوع ده كله يتم بدون تكييف فى المرحلة الاولى وبعدين مع التكييف كمرحلة تانية
وافكرك يا احمد انك قولت ان الصنى جابت 200 وهى مرفوعة عن الارض !!!
وده يوضح كم الهدر فى طاقة وسرعة المحرك على الارض ووزن العربية ومقاومة الهواء ..
ياريت لو حد عنده تفسير علمى عشان انا مش فاهم غيه اللى بيحصل
والله المعلومة اللى ذكرها الاستاذ abono فى رده انا سمعتها قبل كدة بس من واحد فكنت عاوز اتاكد وشكرا للمعلومات القيمة من رجاله القسم والف شكر