ياجماعه الموتور بياكل الزيت

**ahmedagad** · 10-09-2012 05:22 PM

المشاركة الأصلية كتبت بواسطة mido51eg

هل الموضوع ده مرتبط بأنه غير الزيت واستعمل نوع زيت مختلف عن النوع اللي كان بيستعمله؟
اذا كان كده ممكن يكون نوع الزيت الجديد معدل بخره عالي ، بس لدرجة 2 ليتر دي غريبة جدا الصراحة.

هو بيستعمل زيت شل هيلكس الترا من اول مشترى العربيه

**ahmedagad** · 10-09-2012 05:24 PM

المشاركة الأصلية كتبت بواسطة hugan

2 لتر في يومين
مش قصه موتور تالف وبياكل زيت
الموضوع اكيد فيه تسريب
لازم ميكانيكي يراجع علي الموتور او التوكيل لو بتتعامل مع التوكيل

اقل من يومين ده فى 12 ساعه هو هيروح التوكيل بس هو خايف التوكيل يستسهل و يقوله الموتور محتاج يتغير

**ahmedagad** · 10-09-2012 05:25 PM

المشاركة الأصلية كتبت بواسطة osa92003

حضرتك اتاكد انك بتقيس يمقياس الزيت صح واطلع على اى ميكانيكى يكون عنده مجرى وبص على الموتور وعلى الفلتر صح وبعدين قياس الزيت لازم يتم وتكون العربيه بارده تماما وماينفعش تقيس وانت لسه عامل مشوار والعربيه سخنه

فعلا هو قاس بعد موصل على طول مستناش لمل تبرد العربيه بس على كل حال الفاقد كتير جدا فى 12 ساعه

**ahmedagad** · 10-09-2012 05:28 PM

المشاركة الأصلية كتبت بواسطة velkouf

2كيلو زيت فى يوم دة انت تلاقى عربية ناموس ماشية فى الشارع
.
.
.
أكيد هتلاقى فية تسريب للزيت وممكن يكون الزيت ردئ جدا
وقف العربية فى مكان نظيف و انزل بص عليها الصبح وحاول تبص كويس فى بطن العربية و عند الفتيس و كارتير الزيت و ان شاء الله هتعرف سبب المشكلة

هو كان بسيب العربيه لحد الصبح وينزل يبوص تحتها ميلاقيش حاجه خاص والزيت مش ردي ولا حاجه هو بيستخده شل هيلكس الترا على طول

**ahmedagad** · 10-09-2012 05:30 PM

المشاركة الأصلية كتبت بواسطة hm414

انا حاسس ان في مشكله في طريقة القياس!!

لان مستحيل مفيش تسريب ومفيش دخنه واللي ينقص 2 لتر!!

تيرموستات الكوع موجود ولا مفصول؟

تحياتي

مش عارف بس هو بيملى الزيت الصبح يروح الشغل و يجى يصح تانى يوم يلاقى الزيت بيشطب بقى ماش بجركن زيت على طول

**bassemali** · 10-09-2012 08:00 PM

ده تهريب زيت بس مش واضح .... يعني الزيت بيهرب جوه الموتور نفسه من خلال جوانات المكنه ... لكن مستحيل تكون العربيه عايزه عمره ... دي لو عايزه عمره حتى مش هتاكل 2 ليتر في 12 ساعه ممكن تاكل ليتر كل 200 كيلو لو المكنه ضايعه خالص .... خليه يروح التوكيل ... يعمل كشف بس ويعرف الول أيه الحكايه وهما كده كده مش بيعملوا حاجه غير لما يقولولك دي هتتكلف كذا .. نشتغل ولا أيه ؟ ... فخليه يروح على طول ومايقلقش .

**akmm** · 11-09-2012 12:38 PM

متابع وباهتمام .

**ahmedagad** · 26-09-2012 12:03 PM

المشاركة الأصلية كتبت بواسطة bassemali

ده تهريب زيت بس مش واضح .... يعني الزيت بيهرب جوه الموتور نفسه من خلال جوانات المكنه ... لكن مستحيل تكون العربيه عايزه عمره ... دي لو عايزه عمره حتى مش هتاكل 2 ليتر في 12 ساعه ممكن تاكل ليتر كل 200 كيلو لو المكنه ضايعه خالص .... خليه يروح التوكيل ... يعمل كشف بس ويعرف الول أيه الحكايه وهما كده كده مش بيعملوا حاجه غير لما يقولولك دي هتتكلف كذا .. نشتغل ولا أيه ؟ ... فخليه يروح على طول ومايقلقش .

فعلا بعد دوخه و غسيل موتور اكتر من مره طلع فعلا تهريب الحمد لله مطلعش الموتور فيه حاجه

الف شكر ياجماعه على الاهتمام و اسف على الرد المتاخر