الرادياتير بيسرب في الساجا

**ahmedfair** · 09-09-2012 05:13 PM

السلام عليكم يا شباب
ده أول بوست أكتبه من عامين تقريبا لما كنت باخش هنا عشان أشوف تقييم العربية الساجا قبل ما أجيبها و و بعد كده انقطعت تماما عن الدخول عشان ماكنش عندي مشاكل ، و لكن ظهرت عتدي مشكلة اليومين دول إن العربية ابتديت تسخن المهم في الإخر اكتشفت إن الرادياتير عاوز يتغير ونتيجة إن أنا مشيت عليها و هي سخنة و أنا رايح عصام و صفا وش السلندر ضرب ، فانا عندي الأسئلة الآتية:
1 - هل الرادياتير بيتغير في الضمان ؟ (يا ريت لو في حد تبع التوكيل يجاوب)
2 - هل تأثير السخونية يكون علي وش السلندر بس ؟
3 - حد حصله المشكلة ده قبل كدة و هل طبيعي إن عربية جديدية تحتاج تغير رادياتير بعد سنتين بس؟

وجزاكم الله خيرا يا شباب

**MohammedAladel** · 09-09-2012 07:01 PM

متابع

**Ali_mehrem** · 09-09-2012 08:23 PM

ازاااااااااااااى اصلا عربية يحصل فيها كدة و اية اللى خرم الردياتير حدثة ولا انت لاحظت انة بيسرب لوحدة ولا اية ؟ ياريت توضيح اكتر عن المشكلة

**ahmedfair** · 09-09-2012 09:03 PM

لأ مش حادثة ... هو الرادياتير إبتدي يسرب لوحده رغم إني العربية بقاها سنتين وعامل بيها 18000 بس و مابحرقش بيها إلي قليل جدا لكن في الغالب سواقتي عادية ، هو الموضوع ظهر فجأة كدة بدون مقدمات

**eng.m7md.ali** · 10-09-2012 01:59 AM

ربنا يعينك
لو العربية في الضمان هيتغير الردياتير مدام مفيش خبطة في الامام او ترييحة جامدة على العربية

**ahmedfair** · 10-09-2012 04:17 PM

الحمد لله بعد التواصل مع البشمهندس آمر و التأكد من الباشمهندس عصام الموضوع حايتعمل في الضمان إن شاء الله
فجزي الله كلا من البشمهندس آمر اللي اهتم بالموضوع وأكد علي البشمهندس عصام إن الرادياتير جاي من التوكيل من غير حتي ما أطلب منه(أنا كنت باستفسر بس ) و الباشمهندس عصام اللي استحمل ضيقي امبارح وكان همة إن العربية تتصلح قبل مين حيتحمل التكلفة فجزاهما الله خيرا