عامود الكرنك مبوّش في البيتل

**kar!m** · 09-09-2012 05:47 PM

السلام عليكم و رحمة الله

أنا عربيتي فولكس بيتل 1302 .. هي كانت مرفوعه فترة طويلة .. و جيت أستخدمها مؤخرا لاحظت ان صوت الموتور عالي شويه و زي ما يكون بيخبط كده .. و لما بسافر بيها الزيت بينقص .. و لما بكون مسافر و رجعت ركنت العربية الاقي زيت تحت العربية.

رحت لميكانيكي .. مسك الطنبورة لقاها بترج معاه .. قال لي يبقى عامود الكرنك مبوّش.

أنا عاوز أعمل الموضوع ده بنضافه .. فعاوز أعرف مين ميكانيكي شاطر يعمل الموضوع ده .. و كمان يتكلف أد ايه تقريبا .. فلوس ووقت.

و لو حد يقول لي ايه اللي هيحصل بالضبط كمان يبقى جزاه الله خيرا.

**ahmad_salama** · 09-09-2012 05:59 PM

متابع

**kar!m** · 11-09-2012 02:45 PM

ايه الصحرا دي؟

.

**sakr84** · 28-11-2012 09:35 AM

انا مبحبش اعمل اعلانات لحد ومعلش الاجابه جت متأخره أكتر واحد ميكانيكى اتعاملت معاه وبيجى دوغلاى على طول من غير لف ودوران وبيلملك الدنيا بأرخص تكلفه هو عاطف عبده فرج اللى فى أثر النبى جمب موقف الاتوبيسات

**kar!m** · 28-11-2012 11:06 AM

المشاركة الأصلية كتبت بواسطة sakr84

انا مبحبش اعمل اعلانات لحد ومعلش الاجابه جت متأخره أكتر واحد ميكانيكى اتعاملت معاه وبيجى دوغلاى على طول من غير لف ودوران وبيلملك الدنيا بأرخص تكلفه هو عاطف عبده فرج اللى فى أثر النبى جمب موقف الاتوبيسات

أنا متشكر جدا لردك .. أنا عملت البوش ده من فترة .. جبت سبيكة جديدة و عملتها الحمد لله.

أنا سمعت عن عاطف عبده فرج فعلا و كل الناس بتشكر فيه .. كنت عاوز أضبط التاكيهات و الكربراتير و الكهربا .. هو شاطر في الحاجات دي؟

**ابوهاشم** · 28-11-2012 09:25 PM

عاطف شاطر فى كل حاجه تخص البيتل

**sakr84** · 29-11-2012 08:45 AM

عاطف فعلا زى ما قال ابو هاشم استاذ فى كل حاجه واهم مميزاته انه سريع جدا جدا جدا مهما كان عنده زحمه وكمان رخيص جدا بالنسبه للناس التانيه ومبيحبش يعمل شغل على الناس بيلم الدنيا يعنى