على كيا السبع هيا يا نمور كيا .حمله فحص مجانى تنتهى يوم الخميس13/9/2012
السلام عليكم
باختصار
عرفت امبارح ان فى حملة فحص مجانى من كيا فرع السبع و ممتده حتى الخميس القادم
حجزت امبارح و رحت انهارده .
و ملاحظاتى:
1-اتعمل اوردر و العربيه دخلت علطول مع انى رحت متاخر ساعه و نصف عن ميعادى الساعه 12 ظهرا .
2- بداو شغل فورا .و شيكوا على الميكانيكاو العفشه و الفرامل و الكهربا .و الحمد لله كله تمام
3- مدفعتش شلن واحد احمر .
4- لاحظوا ان فى لمبه بتاعة النمر محروقه و غيروها على حسابهم . و مدفعتش شلن .
5-العربيه اتكنست و اتغسلت براو جوا و موتور بالفوم و اتلمعت بملمع تابلوه .و كل ده ببلاش و مدفعتش شىء .
6- الناس فى الاستقبال و فى الاستراحه 100% و محترمين و بشوشين جدا .و كمان فهمين .
7- ادونى كوبون ب 15 جنيه مشاريب مجانيه تبع الكافيتريا بتاعتهم .و فعلا شربت اسبريسو و بعت جابهالى مخصوص من كافيه مشهور جنب التوكيل لان المكنه بتاعه الاسبريسو بتاعتهم كانت عطلانه .و شربت كانز كمان . و كل ده مدفعتش شىء.
8- الاستراحه مكيفه وواسعه و بتبقى شايف عربيتك و هما شغالين فيها فى كل لحظه .
9- مهندس الاستقبال قالى العربيه هتاخد 3 ساعات فحص عشان بياخد وقت و استلمتها بعد ساعه و نصف فقط .مغسوله و كله تمام .
10-كان من يومين حصلى مشكله فى الكهربا بتاعه العربيه وحلتها قبل ما اروح التوكيل .و انا بحكى للمهندس عليها لقيته قالى على الحل على طول من قبل ما اكمل كلامى هههه بصراحه فهمين شغلهم كويس جدا فى الكهربا .
11- ناس امينه و انا كنت متابعهم من الزجاج و شايف عربيتى كويس جدا .و العمال فى الورشه بيشتغلوا بسرعه و معاهم عده محترمه و سريعه ما شاء الله .الورشه حجمها كبير بس منظمه جدا .
فى النهايه احب اشكرهم جدا جدا جدا .
و اجب اقولهم يا ريت لما يبقى فى عروض جمده كده ابقوا انشروها فى المنتدى و انا اجبلكم عربيات الموقع كلها .
اشكر كل العاملين فى توكيل كيا و خصوصا المهندس ياسر .و فى مهندس تانى كمان بس مش فاكر اسمه .بجد ناس 100%
و احب انصح كل اعضاء كيا انهم يروحوا يستفادوا من العرض ده .
هتروحوا هتفحصوا عربياتكم و تشربوا مشروب لطيف و تقعدوا قعده مريحه جدا فى الاستراحه فى التكييف و العربيه هتتغسل .و هتشوف ناس محترمه و اهتمام كبير .و مش هتدفع شلن .
و الله اعلم
و السلام ختام
يا رب اقدر افيد اى حد باى شىء
و يارب يجعله فى ميزان حسناتهم يا رب
سلام يا نمور