عايز أغير أكس وباب أشتريهم جداد منين وقطع غيارة يا جماعة بعد أذنكم ؟؟؟
عرض للطباعة
عايز أغير أكس وباب أشتريهم جداد منين وقطع غيارة يا جماعة بعد أذنكم ؟؟؟
عندك الحاج ابراهيم من شارع شبرا عند محطة مسرة مشهور ممكن اى حد يدلك
وعندك ورشة الصفا من جسر السويس عند مدينة قباء
وكلهم ممكن يغيرلك ويصلحلك الاكس والباب
موضوع تغيير الأكس والباب دة يعتبر مسكنات للكربراتير أعمل حسابك هتغيرة يعنى هتغيرة لا مفر
ومش هينفع انك تعملة على ايدك لأنة لازم يروح على ورشة الخراطة علشان يظبط الاكس على الكربراتير ويركب الباب وكل دة بيحصل فى شبرا وانت قاعد عند بتاع الكربراتير
نصيحة غير الكربراتير من الاول وريح بالك
لأنك هتفضل رايح جاى على بتاع الكربراتير علشان الظبط و دواسة البنزين هتتقل جامد فى الاول لحد ما الاكس يلين مع الكربراتير
انت عارف الكرباريتر جديد بكام ولو استيراد مش مضمون ومعلومة للجميع بتاعوا الكرباريترات مش بيغيروا اكس وباب لم يلقى الكرباريتر اللى امامة خلصان بيغير لة جلب و بيكات و باب تجى تقول لة ما غيرتش الاكس لة يقول لك كرباريتر لادا مش بيتغير لة اكس طبعا علشان هو حسابها فى دماغة لو عمل لك اكس وخد منك 100 ج يباق هيطلع لة مصنعية قليلة الافضل وعن تجربة لو الكرباريتر بتاعك وحش هتخلى ميكانيكى يفك لك وتشوف فى اية وتنزل تجيب لة حاجاتة وتروح عند الخراط يعمل لك اكس للكرباريتر لان بصراحة بتاعوا تصليح الكرباريترات نصب فى نصب وان دقعت 100 ج فى كرباريتر ولم يكمل سنة وبياكل بنزين نتيجة الافندى لم يغير الاكس بحاجة كرباريتر لادا مش بيتغير لة اكس ومش مسامحو
لو هتصرف 100جندى على اصلاح كربراتير و الموضوع واضح انة فية أشتغالات و نصب يبقى أشترى واحد استيراد ب200 او 250 جندى باسل من عزبة شلبى و ريح نفسك وهناك بتاخد الحاجة عن تجربة يعنى لو فية حاجة هتغيرة
وياسلام لو تقدر تفكة من على مكنة أو تاخدة من نص عربية يبقى أضمن مفيهوش لعب
كاربيراتير الادا صعب جدا جدا جدا تشترية استيراد ويطلع تمام
عامل زى علبة دريكسيون الفيت تمبرا اغلى من مكنة العربية بالفتيس وصعب صعب صعب جدا تجيبوة استيراد ويكون تمام
بص نصيحة لوجة الله - فى فلوس -اعمل حسابك على استيك (1000ج ) وتجيب واحد روسى جديد من حمدى لادا وممكن يكون اقل من كدة (سعرة من 3 سنين 750ج)
مفيش فلوس - اعمل اكس وباب ويسند معاك شوية لحد ميكون تمام
فاكس حوار الاكس و الباب ده اشترى واحد استيراد احسن
مهنه تصليح الكاربراتير
عباره عن مجموعه نصابين يضحكو علي الناس
مفيش حاجه في مصر اسمها تصليح كاربراتير
باظ غيره بجديد او استيراد
هاتصرف اكثر من ثمن الكاربراتير الجديد ومش ها يتصلح
وفر فلوسك ووقتك
شويه نصابين
والله فعلا شوية نصابين بس فى عندهم ضمير بس حرقين يشوف الكرباريتر يقول لك هيصرف 150 ج وهتنسى الكرباريتر بس اللى يخليك تصرف 150 ج هات واحد استيراد على التجربة