انا معايا كيا سيراتو 2011 اتوماتيك يوجد صوت فى عصا الفتيس مع كل دوسة فرامل رحت التوكيل اكثر من مرة وكل مرة يقولوا لى هذا طبيعى هل فعلا هذا طبيعى ارجو الافادة يا اصحاب الخبرة
عرض للطباعة
انا معايا كيا سيراتو 2011 اتوماتيك يوجد صوت فى عصا الفتيس مع كل دوسة فرامل رحت التوكيل اكثر من مرة وكل مرة يقولوا لى هذا طبيعى هل فعلا هذا طبيعى ارجو الافادة يا اصحاب الخبرة
انهي فرامل بالضبط والعربيه وماشيه صعب
انما لو العربيه واقفه عادي لان ممكن الفتيس بيبقى على p ومش بينزل الا لما تدوس فرامل عشان تنزل للريفرس او دي او من d to n ده بيبقى لوك وده ممكن يبقى صوت اللوك
والحوار ده يعتبر يعتبر safety option لانه موجود ف عرييات وعربيات تانيه لا على حسب خليجي او توكيل
الصوت ده صوت لوك الفتيس بيظهر بعد المشى فتره فى الحر لما تدوس فرامل تسمع صوت تكه بص هى القكرة عبارة عن ان فى واير ما بين دواسه الفرامل و لوك الفتيس لما بتدوس فرامل بيشد جزء بلاستيك اسمه المطرقة بيخبط فى جسم تانى بلاستيك الصوت اللى انت بتسمعه ده عبارة عن صوت خبط البلاستيك فى البلاستيك فى التوكيل لو انت مش عارف القصة دى بيقولوا زى ما قالوا لحضرتك كده و بيقولك ده طبيعى لكن لو رحت و قلتلهم لوك الفتيس بيعمل صوت و عاوز يتشحم بيعملهولك لأنهم بيعرفوا انك عارف المشكلة ايه
لكن حتى بعد ما بيشحموه بيرجع الصوت بعد كام شهر تانى و لاحظت انه بيعلى مع الوقت , انا بقى عملت ايه , جبت لزق دبل فيس و لزقت وش واحد منه على المطرقة و فعمل زى عازل طرى بين المطرقة و البلاستيك اللى بيخبط فيه و ده حل الصوت تماما , كل اللى انت محتاجه انك تفك الكونسول من الجنب و من العلبة اللى فى النص و تعمل اللى قلتلك عليه
تمام ياباشا تفسيرك سليم 100% ومتشكر جدا
اللخبط فى سببين
ده سبب منهم
و التانى هتفتح الكبوت و هتبص تحت علبة فلتر الهوا و هتخلى العربيه دايره و مموره و تخلى حد يدوس فرامل و يسيب هتلاقى حته كده بتلف و تعمل صوت .هتزيتها او تشحمها و لازم و انت بتشحم تخلى حد يدوس و يسيب الفرامل و خد بالك من ايدك و اوعى تتحرق او ايدك تتعور
خلى بالك كويس جدا جدا جدا جدا من نفسك
و الحل ده عمله المهندس حاتم و قالى عليه و جاب نتيجه محترمه .
هنحاول نعمل تقرير بالموضوع ده مصور و ربنا يسهل