رقم العضوية : 128488
تاريخ التسجيل : 04Aug2012
المشاركات : 3,988
النوع : ذكر
الاقامة : ★ قسم تويوتا.★
السيارة: ♠ وشيخ الياباني حالياً ♠
السيارة[2]: ♥ عمدة تويوتا ♥ سابقاً
دراجة بخارية: ♥♥♥♥♥♥♥♥ ♡ ☜
الحالة :
[COLOR="Black"]بقالي فرة كبيرة قاعد عاوز أغير البرفريز الامامي
بس كنت محتار أغيروا ولا ماأغيرهوش بالذات اني عندي كام خربوش كدة في الحته الي قدام السواق بسبب منهم لله السياس الي بيمسح القزاز بحته وسخه ومسنفرلي القزاز وباينة السنفرة والخرابيش
بس الحقيقة كنت مستخسر القزاز بتاع عربيتي باالذات انو الاصلي بتاع الفبريكة
الحقيقة يوم قلت لمراتي اني عاوز اغيروا قالت لي ليييييييه وحرام ماهو شغال اهو وزي الفل
قلتلها لاياستي انا كل ما اشوف القزاز قدامي وهو متجرح كدة بحس ان العربية كلها قديمة ومشخرمة المهم قالت لي لأ متغيرهوش ومش ناقصنا مصاريف
قلتلها حاضر وهاودتها .... ولمن سئلت الشباب هنا في المنتدى وكعادة بعض الشباب
لازم يسمعوك قصيدة شعر في اي حاجة والسلام ... وفعلاً سمعت قصيدة شعر في دكتور جريش
ماعدى اتنين نصحوني اني ما اركبهووش وقالوا رأيهم بأمانه ياريتني سمعت كلامهم
ده حتى زمايلي في الشغل ماقلوليش قصيدة شعر في دكتور جريش لا لا دول سمعوني موااال و غنولي اغنية لاحمد عدوية في دكتور جريش ... ومنهم الي وراني عربيتوا النيسان صني مكتوب عليها دكتور جريش وبيقول ده بتاع الفبريكة .... وحتى الهونداي الفيرنا تلاقي مكتوب على القزاز بتعها دكتور جريش ... غبور
لاحظت تفاوت في أسعار الزجاج بتاع اليارس
في التوكيل ب ٢٢٢٥
عند العالمية ب ١٢٥٠
عند عرفة جابر ب ٨٥٠
عند امان او دكتور جريش ب ٣٥٠ جنية
وعند Dok ب ٤٥٠ جنية
بس بعد قصيدة الشعر الي سمعتها قلت اروح اركبوو وبالفعل تم التركيب في شارع دمشق عند الفرع بتاع دكتور قريش
[/COLOR]
الفرق بين الزجاج الاصلي وبين دكتور قريش[/CENTER]
١- بعد تركيب الزجاج الاصلي لاحظت فرق واضح وجلي في اللون رغم ان دكتور جريش مخضر بس ياراجل فرق السما عن العما ... التاني الاصلي أخضر آخضر التاني الرئية فيه تحس انك قدامك الشارع على طووول زو كأنك حاطط كرسي في الشارع ... بخلاف الاصلي الي بيديك عمــــــق كدة واحساس بنعومة الطريق وفخامة العربية .
٢- قزاز دكتور قريش من النوع الي بيشبر بسرعه ... مش عارف ازاي اشرحهالكم الحكاية دي ... بس عارفين
لمن تبقى قافل الشباك وقافل العربيه وقاعد فيها شوية وتلاقي القزاز شبر كده ... اهو نفس الحكاية محتاج كل يوم مسحه من بره ومسحه من جوا بخلاف الزجاج الاصلي بتمسحوا مره كل اسبوع من جوا .
٣- وانتا ماشي الصبح بدري ورايح الشغل او ماشي بعربيتك ساعت العصرية والشمس جيه او طالعه في وشك .... بصيت لقيت وشي بيحرقني حسيت بلسعت الشمس ... ولاول مره بقيت استخدم الشمسات الامامية ... بس برضو الحته الي تحت الشنب كدة لحد رقبتك لسعه من الشمس حتى لو مشغل التكييف .
٤- حتى سخونة التابلوة قدامك تحس ان التابلوة ابتدى يسخن بخلاف لمن كان قزاز العربية الاصلي فيها كان في الصيف بس تحس بيه .
طرف القزاز من الزوايا الزويا اليمين و الشمال فوق تحس انها مشطوفه شطف بخلاف الزجاج الاصلي الي تلاقيه بمومبااااااي كدة ومؤلوظ و تحس ان الزجاج الاصلي مش جي لوح كدة كأنوا خشبة لأ تحسوا كآنوا جي بشكل كروي أو نص دايرة الشكل البومباي بتاع القزاز هتفتقدوا في دكتور جريش وأحساسك بالعمق والرفاهية الي بتوفرها ركوبت تويوتا عن باقي السيارات .
ده غير يا أخي بجد فرق فرق بين الاصلي بتاع الفبريكة وبين قزازه الحاجة سقعه الي اسمها دكتور جريش بس كل شيء على قد تمنها يعني شوف الاصلي ب ٢٢٢٥ جنية ودكتور جريش ب ٣٥٠ جنية
في الأخيرررر وبعد تركيب لم يدوم أكتر من أسبوع واحد بس أظاهر العربية الي كانت ماشية قدامي على المحور ... كان محشور في كوتشها زلطة او نوات بلح ومع السرعه طارة الزلاطاية على البرفريز الجديد طبعاً انا سمعت صووت تااااااااااااك في القزاز الامامي بس كملت عادي ومشيت النهردة ببص عليها لقيت القزاز أتخرم ههههههههههههههههه كان رصاصة اضربت في قزاز مانع للرصاص عارفين الحفرة الي بتعملها في القزاز اهي الحفرة دي عندي .... وياعالم بكرة هشوفها تسرح ولا هيحصلها أيه ...
وطبعاً مسلمتش من شماتت أم العيال وهيا بتقولي : شووووووووووفت قلتلك خلي القزاز الاصلي بتعها وانتا مابتسمعش الكلام وتقلي تجاريح وخرابيش وبرضوا نفذت الي في راسك ورحت من ورايا وشلت القزاز القديم وركبت واحد ميسواش تلاته تعريفه .... نفسي مرررره وحدة تسمع كلامي ....والي بيسمع كلامي بيكسب .... ادي القزاز الجديد اهو اتخرم وبكرة يتشرخ ويسرح كدة كدة لحد ما تشوفش منو خالص ... وانا اقولها ياستي اهمدي ده كلو تمنوا ٣٥٠ جنية هجيب غيروا .... وهيا مفيش فايدة وتقولي ما انتا هتجيب واحد تاني وبرضوا هيتكسر مالو بس القزاز الاصلي الي كان فيها ...
وانا قاعد في سري اقول وادعي على كل واحد نصحني بدكتور جررررررريش
وأقول منهم لله ... ياريتني ما كنت شيلت الاصلي الي كان فيها
لذلك حبيت انقل تجربتي مع قزاز دكتور جريش واقول ده متركبهوش غير في حالة وحدة فقط
لوقزاز عربيتك اتكسر ومتطر تركب حاجة تمشي الحال لانك مفلس ركب دكتور جريش في تويوتا
بس أول ماربنا يكرمك ركب الاصلىىىىىىىىىىىي وبلاش استخسار
وتحياتي ....
رقم العضوية : 128540
تاريخ التسجيل : 09Aug2012
المشاركات : 3,252
النوع : ذكر
الاقامة : Cairo
السيارة: ...
السيارة[2]: ...
دراجة بخارية: NO
الحالة :
رقم العضوية : 120598
تاريخ التسجيل : 17Feb2012
المشاركات : 7,632
النوع : ذكر
الاقامة : المنيا
السيارة: لا يوجد
السيارة[2]: Megane II 2007
دراجة بخارية: عجلة فاين آند فاين
الحالة :
تعيش و تكسر
سبحان الله والحمد لله ولا إله إلا الله ولا حول ولا قوة إلا بالله العلى العظيم
رقم العضوية : 33656
تاريخ التسجيل : 22Feb2009
المشاركات : 20,472
النوع : ذكر
الاقامة : مصر الجديدة
السيارة: Fiat 128
السيارة[2]: Fiat Linea
دراجة بخارية: no
الحالة :
تعيش وتكسر
وأمان احسن من دكتور جريش بكتير
أنا حصل معايا بس ملاقيتش غير صيني ب1000 جنيه وفي التوكيل ب2500 بس محترم قوي بس برده بينقر ويتخربش بسهولة
[img3]http://img21.imageshack.us/img21/3957/28138510150332809507433.jpg[/img3]
رقم العضوية : 128488
تاريخ التسجيل : 04Aug2012
المشاركات : 3,988
النوع : ذكر
الاقامة : ★ قسم تويوتا.★
السيارة: ♠ وشيخ الياباني حالياً ♠
السيارة[2]: ♥ عمدة تويوتا ♥ سابقاً
دراجة بخارية: ♥♥♥♥♥♥♥♥ ♡ ☜
الحالة :
ههههههههههههههه
تعيشوا وتاخدوا غيرها انتم كمان هههههههه اده هو مفيش حد سلم في البلد دي من الزلطاية المشكلة يا اخي بتطيررررر ولا اجدعها رصاصة ترشق كده في القزاز .... الجميل في الامر ان بصراحة كنت عاوز اركب الحماية الفيلم الي بيركب على القزاز من بره رحت سئلت عنوا عند توكيل فيه حتت موظفة انما ايه قطة كده صغيرة اسمها اماني
قالتلي القزاز الامامي هيتكلف ٥٠٠ جنية. حمايه علشان الزلط
ولو عاوز العربية كلها عزل حراري وعزل ضدد الكسر انا ممكن اعملك تخفيض وعرض خاص واخلهولك ب ١٧٠٠ جنيه العربية كلها عزل للحرارة وحمايه ضد الكسر وضمان خمس سنين .... بس بيني وبينكم استخسرت اركب. العزل والحماية على قزاز زبالة زي دكتور جريش ... وفعلاً يا اخي الغالي تمنو فيه .... وانا كنت بسئل نفسي ايه الي يخلينا نستورد قزاز من اليابان ولا من كوريا يعني من اخر الدنيا لغيات مصر وعندنا مصانع قزاز هنا في مصر .... ونسيت خالص حبيبتي مصر بتصنع ايه ههههههه يا حبيبتي يامصررررر ده حتى على مستوى القزازة بتاعت الحاجة السقعه الغيار. مكتوب عليها ميد اين يو اي ايه. يعني صنع في الامرات دلوقتي عرفت ليه بنستورد قزايز حاجة ساقعه من بره هههههههههه
رقم العضوية : 11655
تاريخ التسجيل : 27May2008
المشاركات : 983
النوع : ذكر
الاقامة : Cairo
السيارة: sunny 2013
السيارة[2]: peageot 504
دراجة بخارية: no
الحالة :
رقم العضوية : 47706
تاريخ التسجيل : 21Sep2009
المشاركات : 1,742
النوع : ذكر
الاقامة : Alexandria , Egypt
السيارة: ياريس 2009
السيارة[2]: كابريس 1992
دراجة بخارية: لا طبعا .. نار بقى و حرايق
الحالة :
معلش تعيش و تكسر غيره
انا رأيي روح ركب واحد جديد اصلي و ريح دماغك .. حيعيش و انت حاول تحافظ عليه قد ما تقدر ...
[img2]http://i945.photobucket.com/albums/ad291/BLOODY_STONE_2010/isamuIsamu.jpg[/img2]
رقم العضوية : 128488
تاريخ التسجيل : 04Aug2012
المشاركات : 3,988
النوع : ذكر
الاقامة : ★ قسم تويوتا.★
السيارة: ♠ وشيخ الياباني حالياً ♠
السيارة[2]: ♥ عمدة تويوتا ♥ سابقاً
دراجة بخارية: ♥♥♥♥♥♥♥♥ ♡ ☜
الحالة :
قصدك على العازل ياباشا
في محل في اكتوبر مخصوص للعوازل الحرارية للسيارات بس خلي بالك انتا عند في التويوتا في عزل بنسبة ٦٥٪ للاشعه فوق البنفسجية والحمراء فلو ركبت عازل فوق عازل هتبقى باينة قوي والي غظني يا اخي لقيت واحد عندوا اوكتافيا فانتازيا قاعد بيركبلها عازل بقيت اضرب كف على كف واقول يانهر ازرق طب مالعربية فيها عازل. يقوم يركبلها عازل .... شباب معاهم فلوس مش عارفين يودوها فين .... بس هو مفيد جداً في العربيات الي زي هونداي او شفورلية بتنزل من غير عوازل من الحرارة ودي بتحسها معاليك لو قافل الشباك ومشغل التكيف فبتحس بلسعة الشمس على جلدك او تقدر تقول كده زي الحرقة لكن مع وجود عازل مبتحيسش بحرارة او لسعة او حرقة الشمس وتحياتي.
رقم العضوية : 71514
تاريخ التسجيل : 25May2010
المشاركات : 26,773
النوع : ذكر
الاقامة : EgYpT-ⵍⵎⵖⵔⵉⴱ-
السيارة: -- -- all FiaT ---
السيارة[2]: ToYoTa CorOllA ---
دراجة بخارية: - - - - - - -
الحالة :
لا متغيروش تاني كفاية الي حصل اول مرة
مش محتاجة خسارة تانية سيبه ياخد وقته خالص وبعدين فكر
هتعمل ايه
وربنا يستر طريقك يا عزيزي ..
رقم العضوية : 119672
تاريخ التسجيل : 27Jan2012
المشاركات : 6,807
النوع : ذكر
الاقامة : النزهه الجديدة
السيارة: اتباعت
السيارة[2]: lanos 1.5 16 v
دراجة بخارية: لا يوجد
الحالة :
اتعود وخلاص ههههههه
المفضلات