-
عطل جننى فى الجولف 4
السلام عليكم ورحمه الله ... خبراء الجولف ارجو المساعده عندى مشكله فى جولف 4 - 1400 cc , سير المجموعه ( باور-دينامو-تكييف ) اتقطع ... انا قولت عغمره الافتراضي . رحت غيرت السير .. تانى يوم لقيت السير متفرتك .. رحت تانى للميكانيكي كشف على البلي كويس ملقتش فيه اى مشكله ... غيرت السير وجبت نوع تانى .... تانى يوم السير برضه اتقطع ... بلاحظ ان السير بيهرب من على بليه الباور وبيتقطع بالطول مش بالعرض ... ياترى ايه ممكن يكون المشكله
-
حضرتك محتاج حد بيفهم يراجع علي الطنابير (جمه طنبورة) و البلي اللي بيلف عليهم السير لأن أكيد فيه يا اما طنبورة فيها مشكلة او غير مستوية او معووجه او بلية الشداد
ثانيا ياريت تتأكد من نوع و مقاس السير اللي بتركبه لأنك ممكن تكون بتركب مقاس اقل او اكبر من السير الأصلي و ده اكيد بيخلي السير يفلت او يتشد بقوة او يحتك بين البلية و الطنبورة اللي تحتها
ثالثا تأكد ان السير اللي بتركبه نفس عدد خطوط السير الاصلي و هل مخطط من ناحية واحدة ولا من الاتنين لأني شفت سيور لبعض محركات فولكس مخططة 6 خطوط و من الجهتين
و انا عارف ان محركك ده 1400 16 فالف و دائما المحركات ال 16 فالف دي رخمة جدا في سيورها سواء سير المجموعة او سير الكاتينة لأني لما جيت اغير سيور محرك عربيتي 1000 سيسي 16 فالف برده زهقني في تغييرهم
-
مهندس ايهاب شكرا لمرورك الكريم ... المكانيكي فعلا راجع على الطنابير والبلى كويس وقالى مفهاش اى مشكله وقالى اخيرا على عيب ( هو بيقول ان دا السبب ) طرمبه البور قالى محتاجه تتغير ... طيب اعرف منين انها فعلا باظت واعرف منين حاله اللى هشتريها لو كانت مستعمله ؟
-
انت بتشتكي من الباور ؟؟؟
لو مش بتشتكي من الطرمبة ممكن تغيير الطنبورة بتاعتها بس (الطنبورة هو الجزء اللي بيلف عليه السير) ودي ممكن تلاقيها بسهولة اما عند الميكانيكي بتاعك او انك تخلي الخراط يظبطلك العيب اللي فيها
تحياتي
-
شكراً لاهتمامك ... شكوتى من الباور ممكن تكون غريبه شويه ... الباور شغال زى الفل ... بس لو كسرت الباور على الاخر العربيه ممكن تبطل .. فهل معنى دا ان الطرمبه فيها مشكله ؟
-
لا
كدة المشكلة في حاجة تانية
المفترض انك لما تكسر الدريسكيون علي الأخر الأر بي ام بيتأثر واساسا طول مانت بتلف الدريكسيون هتلاقي الموتور صوته بيتغير
مش عارف اقولك هل دة كنترول ولا مجرد عطل ميكانيكي
عموما حطها علي الكمبيوتر وشوف هيقولك ايه الأعطال
المفترض ان سير الأدارة داير علي التكييف والباور والدينمو
يعني مشكلتك ممكن تكون في الدينمو لأن المفروض الدينمو بيغير لفات المحرك بناء علي الأحمال وكذلك التكييف
بدليل انك لما بتشغل العالي بتحس ان الأر بي ام اتهز وايضا التكييف عند تشغيله بيرفع قيمة الأر بي ام
لازم تحطها علي الكمبيوتر وتشوف الدنيا فيها ايه
Content Relevant URLs by
vBSEO 3.6.0 PL2