حضرتك أنا لسه جايب نوبيرا 2 أوتو 99 من شهر 10 إللى فات وجبتها ب 29 ألف مع أن كان ممكن أنزل فيها تانى بس اشتريت العربيه لأنها كانت فبريكه الاسعار ساعتى أنا كانت كالآتى :
شوما 23 ألف
لانوس 1 21 ألف
لانوس 2 26 ألف
لافيتا مانوال 37 ألف
لافيتا اتوماتيك 38 ألف
سكودا من 45 وطالع
نصيحه منى ليك أنا معايا النوبيرا تحفه وشغاله معايا زى الفل ومفيش أى مشاكل نهائى واجهتنى ابعد عن اللانوس وخليك فى النوبيرا أوسع وأبشنز أعلى زى مثلا تكييف تاتش وإنزار وكاسيت والسماعات تحفه بس خلى بالك لازم تاخد حد ناصح فاهم قوى لأن العربيات دى بتبقى رشه كتير وبيبقى ساعات فيها برومه أنا مثلا لفيت ولا على 100 عربيه لغايه مالقيت العربيه حالتها حلوه . معايا العربيه مغيرتش إلا تيل فرامل أمامى فقط والعربيه فبريكه والفتيس اتو عشره على عشره مفهوش أى مشاكل أتوكل على الله ونوبيرا 2 ومش هتندم بس خلى بالك وانت بتشترى !
المفضلات