أشترى لانوس 2 ولا نوبيرا 2 ( بورسعيد - معاقين )

**أبو يوسف** · 10-09-2012 10:12 AM

السلام عليكم
أنا عندى إعاقة , ونازل أشترى عربية من بور سعيد , ودى أول مرة أشترى عربية
ومحتار جداً .. جداً ,, وكمان جداً , مابين 3 عربيات
كيا شوما ( 27000 ج ) , لانوس 2 ( 29000 ج ) نوبيرا 2 ( 32000 ج )
وهتجنن ومش عارف أخد قرار , مع أنى سئلت كتيير
وأنا محتاج عربية , تكون مش مكلفة فى المصاريف , وتكون عائلية , لأن معايا زوجتى , وطقل , و,ابويا وأمى , ونسافر كتيير
ممكن حد يفيدنى أشترى أية \دة رقمى
01110336039
أبو يوسف

**JAM** · 10-09-2012 10:16 AM

اولآ الانوس سعرها عالى جدآ جدآ
بس نصيحة لأن العربية اللى انتا ناوى تجيبها وعايزها تكون عربية عائلية ومريحة.. مع انى معايا 2 لانوس منهم واحدة من بورسعيد. الا إنى بنصحك تجيب عربية كبيرة.. يعنى نوبيرا او مثلآ دايو لاسيتى اللى هية زى الاوبترا

**أبو يوسف** · 10-09-2012 10:24 AM

المشاركة الأصلية كتبت بواسطة jam

اولآ الانوس سعرها عالى جدآ جدآ
بس نصيحة لأن العربية اللى انتا ناوى تجيبها وعايزها تكون عربية عائلية ومريحة.. مع انى معايا 2 لانوس منهم واحدة من بورسعيد. الا إنى بنصحك تجيب عربية كبيرة.. يعنى نوبيرا او مثلآ دايو لاسيتى اللى هية زى الاوبترا

شكراً جداً على سرعة الرد
الاسيتى , بحوالى 40000 ألف جنية
وانا مش معايا المبلغ دة , لو كان معايا المبلغ كنت أشتريت لافيتا ( ماتريكس )
طيب لو انت بتقارن بين الانوس 2 , وكيا شوما , تشترى أية ؟

**MohammedAladel** · 10-09-2012 11:51 AM

فعلا اللانوس سعرها زيادة لأن واحد عندنا اشتراها بأقل من كدا بس مش عارف موديل كام بالظبط

**moumen_hs** · 10-09-2012 12:06 PM

ياباشا خذ قرار وأشترى نوبير ا2 وأنت مغمض وبلا تردد أنا كان معايا لانوس ونوبيرا والفرق كبير بينهم المهم حالة العربية تكون كويسة لان فى هناك لعب كتير فى التجميع يعنى لو هتخلص فى عربية أتاكد من الجنوط واحدو والمريات شغالة وهما بيبقى عندهم قطع غيار لو أثريت على أنهم يجبوها بيجبو ها انا رحت زمان وشفت بعينى ومفيس سعر استندر زى ماحضرتك كاتب هو فى الرنج المهم الحالة وجيب أتوماتك وياريت تكون موديل 2003 اللالمانى الى هيا التكييف بتاعها تتش وفيها اير باج ولو هتفرق فلوس خليك فى المتاح بس عربية فرصة جدا وسعرها فى البيع عالى تختلف عن المصرى خالص وفيها تكنولوجيا مختلفة وأكرر أتاكد من العربية بمعنا ميكانيكى ثقة ثقة ثقة مش أى حد العربيات هناك بالكوم وشكلها مغرى جدا وربنا يوفق

**أبو يوسف** · 10-09-2012 12:29 PM

المشاركة الأصلية كتبت بواسطة moumen_hs

ياباشا خذ قرار وأشترى نوبير ا2 وأنت مغمض وبلا تردد أنا كان معايا لانوس ونوبيرا والفرق كبير بينهم المهم حالة العربية تكون كويسة لان فى هناك لعب كتير فى التجميع يعنى لو هتخلص فى عربية أتاكد من الجنوط واحدو والمريات شغالة وهما بيبقى عندهم قطع غيار لو أثريت على أنهم يجبوها بيجبو ها انا رحت زمان وشفت بعينى ومفيس سعر استندر زى ماحضرتك كاتب هو فى الرنج المهم الحالة وجيب أتوماتك وياريت تكون موديل 2003 اللالمانى الى هيا التكييف بتاعها تتش وفيها اير باج ولو هتفرق فلوس خليك فى المتاح بس عربية فرصة جدا وسعرها فى البيع عالى تختلف عن المصرى خالص وفيها تكنولوجيا مختلفة وأكرر أتاكد من العربية بمعنا ميكانيكى ثقة ثقة ثقة مش أى حد العربيات هناك بالكوم وشكلها مغرى جدا وربنا يوفق

انا عارف ان الاسعار مش ثابتة الاسعار اللى أنا كاتبها متوسط الاسعار يعنى ممكن تزيد وممكن تقل
طيب أنت أية رأيك فى الكيا شوما , أوسع من النوبيرا ,وأقل منها فى السعر
الفرق حوالى 5000 جنية , قولت أية ؟

**moumen_hs** · 10-09-2012 01:02 PM

المشاركة الأصلية كتبت بواسطة أبو يوسف

انا عارف ان الاسعار مش ثابتة الاسعار اللى أنا كاتبها متوسط الاسعار يعنى ممكن تزيد وممكن تقل
طيب أنت أية رأيك فى الكيا شوما , أوسع من النوبيرا ,وأقل منها فى السعر
الفرق حوالى 5000 جنية , قولت أية ؟

المقارنة تكون بين الشوما واللانوس

ياباشا الكيا قطع غيارها غالية وفى قطع مش موجودة اصلا فى الشوما بالمقارنة بالدايو-النوبيرا أفضل من الشوما بمراحل وبعد فك الحذر النوبيرا بياعة جدا وخصوصا لو جبت الموديل الخليجى أو الالمانى الى قلت لحضرتك علية غير الشوما خالص

**JAM** · 10-09-2012 02:24 PM

الشوما والنوبيرا هما فى نفس فئة
بس من ناحية قطع الغيار وإعادة البيع والإعتمادية... النوبيرا تكسب.. وراجع كويس جدآ جدآ على العربية.. راجع كل حاجة فيها.. من اول الجنوط لغاية غطاء الفوانيس الخلفى اللى بيبقة فى حوض العربية

**mo3tazanas** · 10-09-2012 04:02 PM

بص ياباشا انا معايا نوبيرا من هناك
اولا النوبيرا افضل فى كل حاجة عن الشوما انما الانوس دى ماتفكرش فيها اصلا
ثانيا تحاول تجيب موديل عالى فى السنة يفضل فوق 2001 يعنى 2002 او اعلى
ثالثا تفتش فى العربية كويس
حالة الماتور مايكنش ماشى كتير يفضل مايكنش معادى 100 الف علشان لو كان معادى هاتجبها وشواية هتحتاج طقم شنبر
جنوط اسبور
تكيف التاتش بكر لا
حالة الصالون من الداخل مهم جدااااا ميكنش الفبر مجرح لانة لو مجرج او متخربش ملوش حل
التكيف شغال مش مشكلة لو مش مشحون انما بيلقط معاك لما بتشغلة
ابقى بص على زيت العربية قبل ما تداور لو ناقص كتير يبقى الماتور مش كويس ومش هتعرف اللى بعد ما تخدها هاتلاقيها بتاكل زيت
يفضل لو فى اير باج ومالتى فانكشن اللى فى الدركسيون دة كلة بيعلى سعر العربية
طبعا مانوال والا اتوماتك حسب الكمسيون بتاع حضرتك طبعا اتوماتك افضل بكتير من المانوال
هو طبعا الاسعار اللى موجودة دلواتى عالية جدا يعنى 32 اللف نوبيرا كتير جدا انا كنت جايب من سنتين النوبيرا 99ب24 الف
فى النهاية خلى بالك كويس وعنك فى وسط راسك العربية ممكن تبقى كمان مغيرة نص برة وانت ما تخدش بالك
موفق ان شاء اللة