http://www.nileup.com/uploads/13472623541.jpg
عرض للطباعة
عملتها كذه مرة على السخنة واسكندرية
لا لا بلاش السرعه ...........ياجماعه
ربنا يستر على الجميع
بس الغريب في الصورة ان عداد الار بي ام ( لفات الموتور) أظن انه معداش ال 5500 لفة !!!!!
المفروض انه في الحالة و انت بتقفل العداد بيكون علي اواخر عداد الار بي ام و لا انا غلطان
عموما يا ريت بلاش السرعات العاليه حتي لو كانت لمجرد التجربة و قياس قدرة العربية
الطرق عندنا غير مجهزة للسرعات دي و الحوادث بتحصل في كسر من الثانية لا قدر الله
و ربنا بحفظنا جميعا من كل شر
تشد يا كابتن ؟؟؟؟
ربنا يستها معانا كلنا، معلش الطرق الطويله بتغري للجري بس رجاء كفاية ١٣٠ أو ١٤٠. حتي سيب لنفسك فرة لرد الفعل. وكمان فيه ناس غلابة زي حلاتي (آخرهم ١١٠ أو ١٢٠) بيوترهم السرعات العاليه إللي الناس بتشرخ بيها جنبهم :)
هتفرق قد إيه ٣٠ دقيقة ٤٥ دقيقة؟ بس إن شاء الله هتوصل، أحسن ما لا قدر الله ... ربنا يحفظنا جميعا.
طبعا شكرا لكل الردود
وشكر خاص ل عمرو بيه (انا مش قدك ياباشا)
انا اساسا سواقتي هاديه جدا
واخري 120
مفيش غير مره واحد اول ماجبت العربيه قولت اجربها كده
جبت 140 (او 170 مش فاكر بصراحه) على طريق مصر اسكندريه الصحراوي ومرضيتش ازود عن كده
لكن المره دي كنت رايح مشوار السخنه ومكنش في دماغي الحوار
بس لاقيت الطريق شرح وبرح كده ........ فقولت اجرب واهو بالمره الموتور يفوق شويه
لاقيت العربيه ماشاء الله فتحت
والله ياجماعه العداد كان معدي ال 200
فضلت ماشي تقريبا دقيقه كده
و اول لما جه في بالي اني اصور العداد
كنت اطريت اهدي شويه عشان كان في عربيه ظهرت قدامي على بعد
وتقريبا كان عداد الار بي ام على 5000 او اقل حاجه بسيطه
طبعا الحوار ده مش هيتكرر تاني ... دي مره وعدت...
يا قلبك الجامد كل الى شوفتهم بلوجان كان اخرهم 180 وميكملوش
دة موتور جديد اكيد شكلة معداش ال 40 الف لسة ؟!
القصة مش بس قصة موتور جديد .. الطريق برضه بيساعد جامد خصوصا لو ف منزل .. عن نفسى جبت 190 قبل كده كتير علي طريق الكريمات
ارجو الرد بصراحه :-
الناس اللى بتجيب 190 و 200 واثقة فى العربية من ناحية الثبات و الفرامل ؟؟
اسوأ عيبين فى اللوجان الفرامل و الثبات و عن تجربة ( كنت شادد مع كورولا 160 كم/س على طريق زراعى و كانت الساعة 2 صباحا و الطريق فاضى و طلبت شد و فجاه طلعتلنا عربيه من بين الشجر ، فرملنا مع بعض و كان على شمالى وقف مكانو اما انا اتصدمت من الفرامل لانها زحفت 20 متر و الحمد لله ان شوفت العربية من بعد مناسب غير ده كنت لبست فيها و انا زاحف ،،،
حابب اقول متجريش الا فى طريق واسع و نضيف و بشرط كفائة الاطارات لكن غير كدا لوجان عربية عائلية مش عربية شقية و ممكن متلمكش فى الزنقات.
على فكرة انا لوجانى و بحب لوجى جدا عشان محدش يفهمنى غلط
ابدا يا استاذ زياد .. كلامك صح 100% .. العربية فعلا فراملها خفيفة شوية و نص الدواسة هوا .. و لو الهوا شديد شوية هاتحس الثبات مش أد كدة .. انما اللي احنا بنعمله ده (الوصول ل 180 فما فوق) بيكون ف طرق صحراوية ممهدة كويس والطريق بيكون فاضى و الرؤية واضحة .. وسرعة 190 بتكون لوقت محدود جدا دقيقة او 2 بهدف تجربه العربية لا اكثر .. انما الأمان انك ع الزراعي ماتزيدش عن 80 والصحراوى 140 مع تهدئة السرعه ف المنحنيات .. بذمتك ياراجل حد يمشى اكتر من 120 ع الزراعي؟ .. ممكن تفاجأ ب عيل طالع بيعدي الطريق جري او بهيمة سارحة ده غير ان كل من هب ودب عامل مطب قدام بيته
انا عندى مشكلة كبيرة بالنسبة لى على الاقل
اول ما جبت العربية جبيت ال 170 مستريح وما كملتش
الكلام ده فى 1500 كم الاولى
دلوقتى انا عامل 15500 كم والعربية كنت راجع بيها على مصر اسكندرية الصحراوى واخرها وعامل كيك داون وافلام وبتجيب 160 كم بالعافية
مع العلم انى لسه مرصص و مظبط زوايا
بس مش عارف
فى واحد قريبى بيقولى انت بتسيب التنك لما يفضى ؟
قلتله : ايوه
قال : الرشاشات عايز تنضف لانها هى اللى بتزود السرعة
انا زعلان قوى ان العربية ما بتزيدش معايا على الطرق السريعة
موديل 2012
ياريت اقلاقى حد عنده اجابه
ملحوظة : طبعا انا مش كل يوم بجيب ال 160 كم
طبعا ده قليل جدا وبشروط الطريق الواسع ورايق ومفيش مطبات نهائى واحتمال الزحمة قليل زى السخنة او الصحراوى
ممتاز ما شاء الله
ربنا يستر طريقك و طرقنا اجمعيييييييييييييين
بص يا باشا
موضوع الفرامل و الزحف ده مش مرتبط بالفرامل
ده مرتبط بنوع الكاوتش
و افتكر كلامي
المره الجاية علي خير و ان بتغير الكاوتش
ركب ماركة كويسه زي بريدجستون مثلا و جرب و ادعيلي
زحفة العربية دي من الكاوتش
و لو عاوز تتاكد بنفسك شوف اي حد معاه لوجان مركب بريدجستون
او شوف العربية الكورولا اللي كنت بتشد معاها كاوتشها ايه هتلاقيه ماركة كويسة
و ربنا يستر طريقك
فى ملاحظه من صاحب الموضوع+رد اخر
ان السرعات العاليه rpm بيبقى على خمسه او خمسه وشويه !!! ازااااااااااااااااااااااا اااااااااااى ده كده يبقى الموتور مستريح اوى وممكن تقفل العداد بسهوله
جميــــــــــــــــل جدا و للعلم الـــــــــــ ار بى ام مش بيزيد عن 5.5 فى اللوجان حتى لو كنت ممور و دايس على الدواسة للأخر و انا جربتها بنفسى ..
و ابقى خلى بالك من العربية و متثقش فيها اوى كدة لأن الفرامل مش حلوة و مفيهـــــــــاش abs و قبل كدة زحفت معايا و خلتنى اكل مطب وحش ...
موضوع زجف الفرامل ده حقيقي فعلا ودايما لما بجري ببقى خايف منها .. بتزحف مسافة طويلة
المشكلة في الكاوتش وليس الفرامل.
طالما العربية زحفت لما دوست فرامل يبقى العجل قفل أو توقف عن الدوران وده معناه إل الفرامل تمام، المشكلة إن الكاوتش مش بيمسك في الأرض كويس وبيزحف لمسافة لحد العربية ما تقف.
فيه عوامل كتيره بتأثر علي اقصي سرعه توصلها بالعربيه منها انتا محمل اد ايه ع العربيه كام شخص و الشنطه مليانه ايه يعني منها الطريقن فسه عامل ايه منها الكاوتش منفوخ بضغط كام ... اتجاه الرياح و سرعتها ,الطريق نفسه طالع و لا نازل يعني مثلا لو انتا رايح اسكندريه هتلاقيك و انتا رايح بتروح اسرع عشان الطريق نازل وانتا راجع الطريق طالع فا بترجع ابطيء .. طبعا الجو و درجة الحرارة هيفرقوا معاك كل ما الجو يكون احر الموتور هيسخن بسرعه و مش هايديك الاداء اللي انتا عاوز توصله
نصيحة بلاش تشد بلوجان في السرعات العاليه بتخف عن الارض و دا بسبب انها عاليه فا مركز الثقل بتاعها عالي و ف نفس الوقت التصميم بتاعها و الايرودينامكس مش معموله علي انها تعمل داون فورس عند السرعه العاليه بالعكل بتعمل ليفت فورس كأنها بترفع العربيه فلو لا قدر الله حصلت اي حاجه هتلاقي نفسك طاير
العربيات اللي بتبقي مجهزة للسرعات العاليه دي كل ما سرعتها بتزيد كل ما بتتقل ع الارض زي مثلا اللانسر كل ما بتزود سرعتك بتنزل لتحت اكتر او العربيات السبور اللي معموله عشان الجري و الدريفتات و ربنا يسترها علينا و عليكم
يا جماعة العربية دي مش بتاعة السرعات العالية دي حتى لو لوقت قصير...
المظبوط بتاعها 130-140 بالكتير قوي...لكن أرجوكم بلاش أكتر من كده...
و ده مايعبهاش في حاجة... بالعكس..انا جايب المانويال و الاوتوماتيك بتوعها لأنها أكتر سيارة مناسبة في الفئة السعرية بتاعتها... و بتديك كل اللي انت عايزه و أكتر كمان...بس في موضوع السرعات العالية...مش منتظر منها أكتر من كده بصراحة
ربنا يحفظ طريقكم
امشي بالراحه توصل بسرعة ههههه ربنا يسترها معانا جميعاً