الموضوع: افيدووووووووووووووووووووو ووووووووووونى

المشاركة الأصلية كتبت بواسطة mohamedhagrass

هيا الفكره مش صيني او لا انتا هتحسبها من كذا نقطه
اولا:سعر قطع الغيار الصيني مش كلها رخيصه وساعات مبتبقاش متوافره على طول انا بتكلم في المحافظه الي انا فيها
2-سعر ال resale مفيش تقريبا لان محدش بيشتري صيني مستعمل وحتى لما بتيجي تبعها سعرها بينزل جامد هنقول مثلا الاسبرنزا هتجبها ب 64 الف او 70 جاري هنا جابها عمل بيها 5000 كيلو وقعد 6 شهور يبعها وبعها ب 48 الف هيا كانت 2011
3-مش هنقول ان التقفيل الصيني احسن من المصري لان ده مش صح تماما اتفرج على الاتنين في المعارض واحكم بنفسك وده وجهات نظر
4-الصيني مش وحش ولا صناعه الصين وحشه الصين انضف صناعه المشكله في تجارنا احنا الي بيستوردوا الحاجات التعبانه
الصين ماشيه بمبدا عاوزها بكام وانا اعملها 100 الف هعملها نفسها بنفس الامكانيات ب 50 الف برضو هعملها لاكن بتكون على حساب الجوده والخامات مثلا والدي كان عامل طلبيه اجهزه تبع المستشفى الي شغال فيها لقى الجهاز عندهم نفسه ب 5000 الي طلبه ونفس الجهاز ب 3500 احسبها انتا ودورها في مخك
5-لو اتكلمنا عن اسبرنزا 516 العربيه رخيصه في الفئه بتاعتها لاكن عاوز تشوف عيوبها بعد 4 سنين واتفرج وكمان لو قلنا في السرعات العاليه اتفرج على الثبات صحيح العربيه نضيفه لاكن هيا بمعنى اصح على قد لحافك مد رجليك :d
وانا شايف ان المبلغ الي معاك كويس وممكن يجيب حاجات اعلى وتعمر

هيا وجهات نظر وطالما انت مستريح للعربيه مش مهم بقى صيني هندي يباني مش مهم المهم انك مستريح وممكن تسوق ده وتسوق ده وتقارن وده احسن حل لان الاراء مختلفه انا عن نفسي شايف ان الصيني كويس في حاله خد خيرها وغيرها والاعضاء هنا يفيدوك اكتر مني واسال على قطع غيار كل عربيه انتا هتشتريها علشان برضو تكون عارف الدنيا فيها ايه وبالتوفيق ان شاء الله وطالما مستريح اتكل على الله

كلامك منطقى وعقلانى جداً اشكرك بجد على الكلام الجميل ده
بس الواحد برده مش لاقى فرصة إنه يجرب علشان هو مشتت بس الواحد بيحاول يقرا عنها ويشوف اراء الأخرين