الموضوع: غطونى و صوتوا الحقوا حطوا بنزين

كلام غير مقنع
لكن لو شال الدعم والجمارك قعدت يوم بعدها يبقي جني علي نفسه

اعتقد الدعم مش هايتشال لحد ما انتخابات مجلس الشعب تخلص
وبعد الإنتخابات ماتمشي زي ماهو متوقع الدعم يبدأ يترفع
والله اعلم

الوطن جريدة مثيرة للفتنة و كدابة
الناس مستوية و مش متحملة قرش ساغ زيادة في اي حاجة
يزيد البنزين ؟ ده معناه زيادة اسعار كل شيء حتى الهوا هيبقى ليه تمن ..
كلام فارغ و مقصود بيه تهييج الناس على الفاضي ..

و أهم حاجة بقى :::::::::::: مين اللي يقدر ياخد قرار بتقليل نسبة الدعم ؟ البرلمان مش الحكومة .... طيب فين البرلمان ؟ مش موجود حاليا ... يبقى مفيش اي تعديل هيحصل الا لما يبقى عندنا برلمان و طبعا هيكون برلمان منتخب بحرية و نزاهة و مش هيوافق على قرار أحمق زي ده ابدا ....

المشاركة الأصلية كتبت بواسطة survival

لازم الدعم يتشال لانه نظام فاشل لانه بيصل لكتير مش من مستحقيه زى الاجانب اللى راكبين عربيات كبيرة و بياخدوا دعم من البلد وهم مرتباتهم وهمية اصلا.

مش الاجانب بس و المصريين برضه الى الحمد لله ربنا كارمهم ما هما برضه بيركبوا عربيات كبيرة و استهلاكها عالى برضه و بياخدوا دعم برضه!!

المشاركة الأصلية كتبت بواسطة hossam_elwani

كلام جرايد فارغ انسى الكلام ده دلوقتى خالص

يا رب يكون كده فعلا

المشاركة الأصلية كتبت بواسطة shnory

يعني هنا عاوزين الحكومه توفر 4.8 مليار علشان يقرضوهم 4.8 مليار ؟؟
بالذمه الي حيقري الخبر ده ممكن يصدقه ؟؟
يعني علشان استلف 1000 جنيه من واحد يقولي ويشرط عليا اني احوشهم الاول ؟؟
ههههههههههههههههههههههههه هههههه

هماا يمكن قصدهم ان دى شروط القرض يعنى فى المستقبل اما ييجى معاد السداد يكون التانى ضامن لنفسهان الدولة تكون وفرتله فلوس تكفى تغطى القرض

المشاركة الأصلية كتبت بواسطة aly_moh

الحكومة المصرية بتدعم الطاقة ب 101 مليا كل سنة يعنى تقريبا ضعف الدعم الموجة للتعليم و الصحة و اللى اقترح انة الدعم هيتشال جزئى مش كلى عن البنزين ال 95 بس و هيبقى اللتر ب 6 جنية

تعليم و صحة اصلا تقريباا كده على بعض مش واخدين 10%
منه لله الى كان السبب

المشاركة الأصلية كتبت بواسطة hossam_elwani

الى عليه العين بجد هيا المصانع كثيفة الاستخدام للطاقه المفروض دول هما الى يتشال عليهم الدعم لان حصتهم اكبر من بنزين وسولار العربيات بكتير

ما هو ده الى انا بقول عليه المصانع كثيفة الاستهلاك والى بتصدر كمان لبرة

المشاركة الأصلية كتبت بواسطة axel

بغض النظر عن موضوع القرض بصراحة انا معنديش مشاكل ان الدعم يتشال من ع البنزين و خاصة 95 و اللي بيستفاد منه ناس مش محتاجيين اساسا
و افضل لو يتم توجيه الدعم للصحة و التعليم و البحث العلمي اكتر من كده مع زيادة دخول الافراد و المعاشات بدلا من دعم الطاقة و خاصة المصانع و الاماكن الكبييرة اللي واخده دعم اد كده يعني هنقول المواطن العادي يوصله دعم في مصادر الطاقة زي الكهربا و الغاز لكن المنشأت الكبييرة ليه دعم ؟؟

و مش كل ما نسمع زيادة في اسعار نقول اسعار المواصلات و الخضار هيزيد هو مفيش غير مواصلات و خضار في البلد و لا ايه هههههههه

ع فكرة المواصلات بتمشي بالسولار او الغاز الطبيعي و دول مفيش ارخص منهم احنا اساسا عندنا احتياطي غاز ما شاء الله ممكن الاستفادة منه في المواصلات و العربيات بدل البنزين و سعر متر غاز حوالي 45 قرش يعني يفوول بمبلغ تافه يعني كله يحول غاز او سولار احسن و السولار لو فولت التانك ممكن يوصل معاك لــ800 ك هتقولي عربيات بالبنزين يحط 80 بقي و ده برده مش غالي و كده كده قالوا هيبقي عليه دعم

لازم الدعم يتظبط شوية و يتنظم ميبقاش ع كل حاجة لأن البلد عليها ديون و لازم تتسدد و لازم نبني اقتصادها و بعدين نبص للدعم منقدرش نربط الحزام شوية بدل ما تروح تشتري بالكيلو و الاتنين كيلو خضار و لا فاكهة اشتري ع اد الاشخاص اومال ايه لازمة السوبر ماركت حتي لو حاجة واحدة كله بالميزان انا بستغرب ع الناس اللي بيشتروا كميات كبييرة ياما نظام اسراف ياما نظام ياكل اللي ياكله و الباقي يرميه ده اسمه افتري الا لو بتشتري للشهر كله و هتركن ع كده طب تمام

و ع فكرة نظام الكارت الذكي في المحطات مطبق فعلا برة في الدول الاجنبية
بتروح تحط الكارت في الطرمبة و تحط الرقم السري و تحدد كام لتر و بعدها الطرمبة تتفتح و تحط بنزين بدون عامل او اي شخص تحط و كله بيتخصم من الكارت الخاص بيك خلصت العدد المسموح او اللي حددته المسدس مبيطلعش نقطة بنزين تانية و خلاص

كان اتقال و الله ان نظام الكارت الذكى ده هيفعلوه و هيبقى لكل واحد حصة فى البنزين كل سنه بس اهو كلام زية زى غيرة

المشاركة الأصلية كتبت بواسطة mohaakotb

مش عارف ليه اللي بيصدق الاخبار دي ويهول فيها ويقعد يكبر فيها يا يبقي فلول يا يبقي جواه فلول صغير وعايز يطلع
بيبقي عمال يهول ويقول داحنا استنينا مش عارف ايه ومش هسكت لما يعمل ايه ونظام الاخوان هم اللي عايزين يبوظو البلد ومش عارف ايه !!
ازاي اصلا حد يصدق الاخبار دي ... مستحيل مستحيل مستحيل تحصل في الظروف دي .. الجرايد اللي بتجيبو اخباركو منها يا ما هجصت وفبركت حوارات واخبار للتسخين وعشان الجماعه الطيبين يصدقو ويحتقنو اكتر

هو تقريباا كده من الى انا فهمتة بعدين ان الكلام ده على الجريده دى بس ملوش وجود تانى

بس اعتقد انه مش هيحصل الا فجأة و فى يوم و ليلة تلاقيها زادت
بس انا قولت اجيب الخبر نتناقش فيه لا اكثر ولا اقل تخياتى لكم جميعاا