-
واللهى أنا رأيي يتشال الدعم وتتشال الجمارك كمان. البلد هتوفر واحنا هنوفر وبالارقام.
نص مليار جنيه هى قيمه الجمارك المحصله على السيارات فى الربع الاول من 2012 (لينك للمصدر) يعنى تقريبا 2 مليار جنيه فى السنه.
البنزين بقى:-
بنزين 80 يمثل 45% من الاستهلاك.
بنزين 92 يمثل حوالى 30% من الاستهلاك.
بنزين 90 يمثل حوالي 20% من الاستهلاك.
بنزين 95 يمثل حوالى 5% من الاستهلاك.
قيمه الدعم الموجه للبنزين أكتر من 20 مليار جنيه يعنى أد حصيله الجمارك 10 مرات.
بالنسبه للمستهلك بقى هيستفيد ايه؟ تعالو ناخد تويوتا كرولا كمثال (عشان بس انا عارف سعرها من غير جمرك)
العربيه ب 100 الف جنيه وبتتباع ب 170 الف طيب أنا لو معايا 100 الف وعايزها كنت الاول هدفع 100 وأقسط 70 لكن لو هيه ب 100 مش هحتاج التقسيط وابقى وفرت 70 ألف والعربيه هتتكهن قبل ما تصرف 70 الف بنزين حتى على السعر الغير مدعوم وحتى لو صرفت هيبقى بالتقسيط الممل.
السؤال بقى المهم جدا جدا جدا
لو هشيل الدعم عن المواد البتروليه (أو على البنزين بس) هحتاج القرض ليه؟ ماهو ال 20 مليار جنيه دعم البنزين يساوى 3.27 مليار دولار. حلوين قوي نمشي نفسنا بيهم وبدل ما كنا هنشترى حاجه ب 10 نجيب من اللي ب 8 وبدل ما المحافظه تجيب شيروكي ولا مرسيدس للمحافظ يمشوها ب هيونداى ولا كيا ولا أى حاجه من ام 100 الف مش لازم 300 يعني.
-
هذا كلام فارغ وليس له اى اساس من الصحه
-
دعم ايه يا ابني انتا وهو الي يشلوه
دول حيالله موظفين في الدولة والبانزين ده بيجي من بترول وطنا يعني من ارضنا .... ولاهما فاكرين نفسهم اصحاب البلد واحنا مش عارفيين ده بترول ارضنا واحنا لينا حق فيه وعوائد قناة السويس لينا حق فيها. وان مكنش عاجبهم يستقيلوا ويقعدوا في بيوتهم وبلاش كمية موظفين الحكومة الي ملهمش لازمة. غير انهم يقرفوا المواطن بالروتين والبيقراطية .... انا بعتبر مشكلة مصر الحقيقه هيا عالة المجتمع موظفين الحكومة الي قاعدين لابيقدموا بل بياخروا البلد. .... ده بيقلك في وزارة الاعلام مش عارف خمس مليون موظف ملهمش لازمة في مبنى اتحاد الازاعه والتلفزيون على ما اتذكر. ومش قادريين يمشوهم لينزلوا يتظاهروا ومش قادرين يخلوهم علشان موازنة الدولة. يعني هو انتا علشان توظف واحد تمص دم واحد. ده مش عدل وربنا مقالش كده. لا للجمارك ولا لحاجة اسمها دعم على حقي البترول الي في مصر ده جزء منو حقي. وحق عيالي مش من حق الدولة
Content Relevant URLs by
vBSEO 3.6.0 PL2