الموضوع: غطونى و صوتوا الحقوا حطوا بنزين

واللهى أنا رأيي يتشال الدعم وتتشال الجمارك كمان. البلد هتوفر واحنا هنوفر وبالارقام.

نص مليار جنيه هى قيمه الجمارك المحصله على السيارات فى الربع الاول من 2012 (لينك للمصدر) يعنى تقريبا 2 مليار جنيه فى السنه.


البنزين بقى:-

بنزين 80 يمثل 45% من الاستهلاك.
بنزين 92 يمثل حوالى 30% من الاستهلاك.
بنزين 90 يمثل حوالي 20% من الاستهلاك.
بنزين 95 يمثل حوالى 5% من الاستهلاك.

قيمه الدعم الموجه للبنزين أكتر من 20 مليار جنيه يعنى أد حصيله الجمارك 10 مرات.

بالنسبه للمستهلك بقى هيستفيد ايه؟ تعالو ناخد تويوتا كرولا كمثال (عشان بس انا عارف سعرها من غير جمرك)

العربيه ب 100 الف جنيه وبتتباع ب 170 الف طيب أنا لو معايا 100 الف وعايزها كنت الاول هدفع 100 وأقسط 70 لكن لو هيه ب 100 مش هحتاج التقسيط وابقى وفرت 70 ألف والعربيه هتتكهن قبل ما تصرف 70 الف بنزين حتى على السعر الغير مدعوم وحتى لو صرفت هيبقى بالتقسيط الممل.

السؤال بقى المهم جدا جدا جدا

لو هشيل الدعم عن المواد البتروليه (أو على البنزين بس) هحتاج القرض ليه؟ ماهو ال 20 مليار جنيه دعم البنزين يساوى 3.27 مليار دولار. حلوين قوي نمشي نفسنا بيهم وبدل ما كنا هنشترى حاجه ب 10 نجيب من اللي ب 8 وبدل ما المحافظه تجيب شيروكي ولا مرسيدس للمحافظ يمشوها ب هيونداى ولا كيا ولا أى حاجه من ام 100 الف مش لازم 300 يعني.