الرمز ده نور عندى .. هو ده خاص بزيت الفتيس ؟؟ شكرا مقدما
عرض للطباعة
الرمز ده نور عندى .. هو ده خاص بزيت الفتيس ؟؟ شكرا مقدما
ديه يابشا لمبه SnowFlake رمزها نجمه فعلا زي مانت بتقول وخاصه بدرجه الحارارة الجو علي سب تحت الصفر او فوق الصفر
دوس علي الزرار جمب الفتيس اللي عليه نفس العلامة
هتروح اللمبة طافية من التابلوه
لا دة indicator for external temperatre مش اكتر اما يبئا احمر تبئا الحرارة فوق الصفر اصفر تبئا تحت الصفر
يا جماعه انا روحت كشفت و عرفت ان النجمه دى بتنور علشان مروحة التبريد لما الحراره بتعلى فوق الثمانين مابتشتغلش و لقيت ان الميكانيكى اللى غير لى الاسطوانه و الديسك و بلية الدبرياج الله يخرب بيته هو و بتاع قطع الغيار الحرامى اللى اسمه ايمن الصعيدى اللى باع لى بليه دبرياج بـ 900 جنيه مضروبه .. لما فك او ركب وقع لى علبة الفيوزات بتاعة التكييف و المروحه دى و علشان كده كانت منوره .. الحمد لله الاسطى على اوبل او اخوه احمد اللى اشتغل فى العربيه لعلاج ما فسده الميكانيكى المهبب الاولانى لم العربيه و غير لى اويل سيل لان الفتيس ضرب تانى لانه حاطط جلده بلدى ضربت بعد يومين ووصف لى كهربائى رائع فاهم جدا جدا فى الاوبل اسمه حسنى بيونيير فى السيوف بالاسكندريه عمل الواجب و العربيه بقت لله الحمد تمام التمام
تمام ياباشا الحمد لله انك عرفت السبب وعلاجته بلنسبة للميكانيكى الاولانى ايه الى خلاك ترحلو ده الواحد ما بيصدق يعرف واحد كويس ويثبت معاه عشان حوار الفتى والعك بتاع الصنيعية, انت تسمع عن محمد ابو الحمد الى عند مطار النزهة صنايعى كويس وبيفهم فى العربية, وياريت نمرة الاسطى على اوبل اخليها معايا من باب الاحتياط محدش عارف الظروف, بلنسبة قطع الغيار ش صلاح الدين فى اولاد العربى قبل الاشارة على اليمين قبل المدرسة الالمانى مباشرتا ناس محترمة بجد والسعر من الاخر وفى واحد تبع عائلة الصعيدى بس مش فاكر الاسم احسن واحد فيهم فى الاسعار وعنده مخزن قطع غيار مشاء الله اعتقد منصور معندوش زيو فى كمية البضاعة هو بعد الاشارة على الشمال حتمشى خطوات بسيطة حتلاقى قهوة حاطه عصافير كنارية كتير قدمها هو جنبه على طول ومخزنو فى وش المحل على الجنب التانى كل ده طبعا فى ش صلاح الدين الرئيسى.
أسف على التأخير فى الرد أصل انا فى الشغل فى البحر الاحمر .. بالنسبه للميكانيكى التعبان ده انى اول مره اتعامل مع ميكايكى من ساعة ما اشتريت العربيه من اربعة سنوات و ما كنتش اعرف على اوبل او اخوه احمد و بالنسبه لرقم تليفون احمد اخو الاسطه على (احمد صنايعى هايل و هادى جدا جدا و امين للغايه بصراحه) غير انه حافظ العربيه 01229132368 و عنوانه الشارع اللى بعد دادى بتاع الفطير فى السيوف ثالث او رابع شارع .. إسأل اى حد هيقول لك . و شكرا جزيلا على تعريفى ببتوع قطع الغيار فى صلاح الدين .. و اتمنى ابقى اقابل حضرتك فى الاجازه لو عندك وقت ..
عندك كمان الاسطى مجدى ميكانيكى امين وحنين وبتاع اوبل مكانه فى الشارع اللى قبل دادى بتاع بان بان فى السيوف باردو وبالنسبه لقطع الغيار فى صلاح الدين فى واحد اسمه خميس فى نهاية شارع صلاح الدين شمال فى شارع جانبى ممتاز وامين والقطع اصلى