سؤال بخصوص الفتيس الأوتوماتيك

**Admmostafa** · 10-09-2012 04:39 PM

السلام عليكم إخواني

معايا كورسا 2012 عاملة حوالي 7000 كيلو فيها حاجة عايز أسأل عليها

لما بارجع الفتيس من ال d لل n بيحصل رجه في الفتيس من تحت زي ما يكون في حاجة مش مربوطة كويس فا بتحرك الفتيس من تحت – كمان لما برجع الفتيس لل p وادوس فرامل واسيب بتبقي في تكة مع الدوسة بحسها وانا حاطط ايدي علي الفتيس . بس الحمد لله لما بمشي مفيش حاجة والنقلات عادية ولما برفع رجلي من البنزين بحس بالنقلة اللي بتنزل أعتقد ده طبيعي.

كده يبقي الفتيس فيه مشكلة وهل ضروري اروح لمركز الخدمة والا استنى لصيانة ال 15 ألف واقولهم علي اللي بيحصل مع العلم اني لما اشتريت العربية مكنتش بحس بده فا مش عارف ده تركيز زيادة ولا ايه.

**Mina-Magdy** · 27-09-2012 06:11 PM

شوف حد معاة عربية زى بتعتك وجرب دي حاجة
تانى حاجة الرجة وخصوصا فى المور مش طبيعية ممكن يكون الفتيس عاوز يتربط
وراى تلحق علشان دول ما بيصدقو الضمان ينتهى والحق علشان لو فى حاجة لاقدر الله تتابع معاهم
وعاوز اقولك نصيحة لوجه الله بلاش منصور سيفورلية الى فى شارع الطيران خليك فى اخوان مقار الى فى الدقى مهندسنهم بتفهم

**medododo** · 27-09-2012 06:31 PM

بص في حاجة عايزك تعملها الأول وقف العربية وانت على d
وهات n
وشد فرامل اليد وبعدين شيل رجلك من الفرامل وبعد كده تجيب p
والعكس لما تيجي تتحرك تدوس فرامل وتنزل الهاند وتجيب d
شوف كده لأن ساعات العربية بتكون على شبه منزل أو مطلعأو ترييحة في الأسفلت فلما تيجي تنقل تسمع خبطة في الفتيس