موقعة السوق أول يوليو 2008
نزلت النهاردة السوق علشان أأشتري عربية
محدد نفسي إبيزا 2000 إلى 2002 حالة ممتازة
انا كنت مواعد الراجل بتاع الاسماعيلية أني أرحله بس قلت ألف السوق الاول
ملقيتش فى السوق كله الا واحدة 2001 متشحورة من:boxing_smiley: بره بس من جوه شكلها كويس
قلت ياواد ده كده فل الناس مبتبعش العربية دي يعني عربية ممتازة زين ماختارت
رحت للراجل بتاااع الاسماعيلية
وكانت المفاجأة
المفاجأة
المفاجأة:superman:
بعد مكنت قايله على ظروفي وكنت متصور أني هخلص
قال 35 مقدم و10 بعد شهر
يا إما تدفع عربون وتستلم مع باقى المبلغ:fool:
طبعا قلتله خلاص لما تبقى معايا الفلوس كاملة هكلمك
روحت البيت سايق العربية اللي اشتريتها اللى كانت موديل "خفي حنين":wheelchair:
لقيت واحد بيعلن فى الوسيط عن واحدة 2001 على 44 اتصلت بيه ووافق على التقسيط على مرتين
ورحتله لقيت العربية لابأس عليها شوية تظبيطات من برة وخلاص
وانا قاعد فى العربية لقيت اتنين جم بصو فى العربية وقالو للراجل هيا فيها رقمين شاسيه ،قالهم هوا دا كلام ،قام واحد موطي عليا وقالي "نصيحة لله متشتريش" معرفش اشمعنى وخد بعضه ومشي
لسه بنزل أكلم الراجل قالي تدفع النص بعقد ابتدائي والورق لما تكمل ومش هتاخد أي أوراق:oops:
قلتله طيب ولو البوليس وقفني
قالي احنا ظباط مباحث وهنعرف نجيبها ولو من عند اسماعيل الشاعر
قلتله هفكر
بس طبعا الكلام معجبنيش
يعني أمشي شهر من غير رخصة عربية لو كمين وقفني يبهدلني ومراتي والواد وبعدين أجيب العربية من مديرية الأمن "مش كلام"
+ أن كلام الراجل بتاع الاتنين شاسيه دا خوفني
ورجعت البيت أجر أذيال الخيبة بعد مشربت بتاع 4 لتر مياه فى كام ساعة واتهريت من الحر باحثا عن موقعة أخري مع ابيزا الحبيبة
انا حبيت أدي فكرة عن البيحصل للي بيفكر يقسط ولو على مرتين خلال شهرواحد
دعواتكم بعربية حلوه
وجزاكم الله خيرا
محمد