خبر واعتقد انه مفاجئه سيتواجد فئه للصنى الجديده بجنوط بـــ 106
بلاضافه الى الفئه الاعلى الى قال عليها استاذ احمد مصطفى وحيكون سعرها بـــ 113
ودى طبعا اسعار رسميه
الكلام ده على عهدة واحد صاحبى مالك لمعرض سيارات وعلى اتصال دائم بنيسان مصر وكان بيأكد الخبر ده بكل ثقه والله اعلم
تحياتى للجميع
مشكوووووووور
والله لو كده يبقى زى الفل
بس سؤال: هو حضرتك متعرفش الى ب106 دى فيها حاجة زيادة غير الجنوط ولا لأ
واللى ب113 فيها مرايات ضم ولا لأ
لو كده اعتقد تكون معقولة بس الفكرة امتى فعلا هتنزل ولو نزلت الفئة اللى ب 106 اكيد هيتوفر الجنوط بتاعتها فى التوكيل وممكن الناس تشتريها لوحدها ولا ده مش ممكن؟
مشكوررر علي الخبر يا باشا ..
مشكور على الخبر بس اظن الفئه اللى ب 106 الف المفروض حاجه تانيه غير الجنوط صعب يضيفوا 6000 جنيه للجنوط بس
أستاذ حسام هو خبر كويس بس لو الاضافة جنوط بس برضه كتير الفرق يعنى يزودوا كاوتش محترم و أى حاجة تانية بسيطة نواكل داخلية مثلا
صحيح المقابل جنوط بسسسسسسسسسسسسسسسسسسسسس ؟
على فكره يا جماعة لازم كلنا نعرف أن الصنى الموجودة حاليا سعرها هيكون 103000 لأن ده فعلا تمنها الحقيقى بس هى بتتباع ب 100000 عشان موديل جديد ولسه الناس بتتعرف عليه وده منتهى الذكاء من نيسان فطبيعى جدا تنزل فئه جديدة بجنوط بسعر 106000 يعنى ثمن الجنوط 3000 جنيه وده معقول جداا
هو احنا سمعنا قبل كدا ان فى توكيل نزل عربيه بفئة مختلفة بجنوط بس فى العربيات اللى رنجها فى حدود 100 الف
صعب على ما اظن ان نيسان تعمل كدا .. وزى ما قولتلكم .. تقربوا الى اخر لحظة
بس اللى متاكد منه ان سعر العربية الاى اكس عمره ما يوصل الى 106 الف .. وفيها جنوط فقط !
ودايما نيسان بتنزل اسعار منافسة
وبردوا ادينا متابعين .. ولعل وعسى يصل مفاجاءت فى صالحنا
اولا: شكرا ع الخبر الحصرى ده وفى انتظار تأكيده او نفيه مع مرور الايام..
ثانيا: لست مقتنع بأن نيسان هاتطرح فئتين من الاتوماتيك
واحدة ب100 الف وفيه كلام على زيادة سعرها 2-3 الاف
التانية ب106 الف والفرق فقط هو الجنوط
ولو انا منهم الغى ام 100 خالص وانزل ام 106 فقط مع جنوط وبعد كده السوبر صالون وشكرااااا
يعنى زيادة السعر يقابلها زيادة فى الكماليات ..
وما ننساش يا اهل قسم نيسان الكرام ان جنوط الصنى القديمة الاصلى فى التوكيل الواحد ب2200ج يعنى الطقم ب8800ج وبدون ضريبة كمان ههههههههه !!!!!
فمابالك بالصنى الجديدة والمشابهة لجنوط التيدا
اوعوا تفتكروا انهم هايجيبوا اطقم صينى مثلا ام 1800ج ولا حاجة ..
ثالثا: لاحظت مؤخرا فى دفعات الصنى الجديدة اللى وصلت السعودية استبدال الاطارات الماكسيس اياها بأخرى بريدجستون b250 :wink14: ..
يعنى لسه فيه تعديلات وملاحظات ممكن تتغير بناءا على طلب الجماهير زى الشماسات المعكوسة ومقابض السقف فى الكنبة الخلفية والبطارية الجافة وكل ملاحظات السوق المصرى ..
والهدف الاول والاخير هو ارضاء نيسان لعملائها .. والاستثمار المستمر مش سياسة بيع واجرى :beatbrick: وريح دماغك زى باقى التوكيلات فى مصر !!!
الخبر الى عرفته انها جنوط بس ......... ونسيت اقول لكم ان الفئه الى بــ 113 حيبقى فيها فتحة سقف والعهده على الراوىاقتباس:
المشاركة الأصلية كتبت بواسطة mahmoud magdy
والله اعتقد صعب موضوع فتحة السقف لان زى ما انا فاكر تصميم السقف فيه خطين كده علشان يزود ثبات العربية مع السرعة فصعب يشيل ده ويحط فتحة سقف الا ان كان فتحة السقف هتبقى بعيدة عن الخطين دول (مش عارف الابعاد كويس) وربنا يقدم اللى فيه الخيراقتباس:
المشاركة الأصلية كتبت بواسطة hossam_elwani
عمر نيسان ما تنزل فتحة سقف فى عربية تقفيل محلى ابداااااااااا
والكلام دده ثقة
طيب هيا اصلا نزلت بره مصر بفتحة سقف ؟؟اقتباس:
المشاركة الأصلية كتبت بواسطة ahmed.tv
وليه لو فتحة سقف متتجمعش فى مصر .. مش ده مؤشر على عدم الثقه فى التقفيل المحلى على الرغم من انه تحت اشراف خبراء يابان؟؟
نحن في انتظار مفاجئات نيسان و اللي ان شاء الله حاتكون محترمه و في صالح عملاءها
رأيي الشخصي .. شايف انه مع تصميم سقف العربية يصعب علي نيسان عمل فتحة سقف للعربية لأن التصميم له رؤية في التعامل مع اتجاه الرياح و شايف ان نيسان تستبعد فعلا موضوع عمل فتحة سقف للعربية لأنها هتأثر كتير علي سعر العربية .. يعني لو رحتوا ارابكوم عشان تركب فتحة سقف كهرباء هتكلفك 3500 جنيه و بدون ضمان .. فأعتقد ان نيسان مش في فكرها الموضوع ده
علي فكرة دي صورة العربية الفيرسا اللي بتتباع بره مصر
عشان يعلموه صح حيجيبوا جهاز تمنه غالى عشان يشتغلوا بيه .. ولازم عشان يحققه تمنه يعملوا تارجت عالى منه .. واكيد يوم ما حيعملوا ساعتها فتحة سقف .. حيكون فى فئة واحدة السوبر صالون اللى بتتقفل هنا .. وبعدين حندخل فى قصة بقا الله الغنى عنها .. وهى ممكن يحصل عيب فى التقفيل مثلا .. ويحصل مشكلة .. لان متضمنش تقفيل العامل المصرى حيكون عامل ازاىاقتباس:
المشاركة الأصلية كتبت بواسطة hossam_elwani
مع اننا بنشجع الصناعة المحلية .. بس حيكون فى خوف
بره مصر الموضوع سهل لان بيتشغلوا على عربيات كتيرة جدا غير الصنى .. والموضوع سهل والقفيل والشغل بيكون باتقان
فالموضوع هنا فى مصر مغامرة .. وصعب
وبصراحة على قد ما نتمنى انه يكون فى عربياتنا فيها .. بس عن نفسى ما شجعش انه يتعمل فى العربيات اللى تقفيل محلى
ممكن اوافق ينزل فى العربيات اللى جاية مستوردة من بره زى التيدا والجوك والليفينا والبلوبيرد وعربيات نيسان المستوردة
برة مصر خاصة فى منطقة الشرق الاوسط واسيا بتنزل بدون فتحة سقفاقتباس:
المشاركة الأصلية كتبت بواسطة hossam_elwani
انما امريكا الله اعلم ممكن تكون بتنزل بفتحة هناك
وفكرة نزولها فى مصر من عدمه عشان تجميع محلى او مستوردة تتوقف فعلا على الجدوى الاقتصادية وحجم الانتاج المتوقع فى مصنع مصر زى ما احمد مصطفى وضح
لكن رأيى ان تركيب فتحة سقف بيكون فى المصانع المزودة بخطوط انتاج بها روبوتات لحام وتجميع وليس التجميع اليدوى زى مصنع مصر لأن القطع اللحام المفروض يتم باجهزة موجهة بالليزر ودقيقة وليس اعتمادا على كفاءة العاملين ..
شكرا على الاخبار الجديده