الموضوع: الكاوتش بقى زي الصابونة بعد اقل من 15 الاف كيلو !!! ؟

[QUOTE=reallistic;3874515026]يا ريت توضيح بالتفصيل !

اانت لما بتركب 4 فرد جداد

المفروض كل 10 الف كيلو تغير مكانهم بترجع الي قدام ورا والي ورا يطلعوا قدام لانه الكاوتش بيبقى اتنحل باسلوب معيين ولما بتغير مكانه بيرجع يستوى تاني من حيث العالي والواطي

كل عربيه في الكتالوج بتاعها مكتوب تغير الكاوتشات امت والطريقه ازاي

يعني في النيو اكسنت كانت الكاوتشات الي قدام ترجع ورا زي ما هي والي ورا يتعكسوا ويطلعوا قدام في النيسان الي معايا الكتالوج بيقول بس الي ورا يبقوا قدام والعكس بدون ما تعكس

ده حركه لازم تتعمل في كل الكاوتشات لانها فعلا بعد فتره بتلاقي اصوات صفير وضعف ثبات عموما وزحف مستمر تزبط الموضوع ده العربيه تمسك نفسها تاني(طبعا الموضوع ده نسبي الي حد كبير يعني العربيات الثابته الموضوع ده مش بيفرق اوي معاها عموما او الكاوتشات النضيفه برضو مش بتحس بفرق جامد لان كاوتش زي البردجستون ده في اضعف حالاته بيبقى ممتاز فما بالك انه يبقى جديد مثلا)


وممكن تبقى في الحاله بتاعه الاخ صاحب الياريس ممكن يكون عنده مشاكل في العفشه هي الي مسببه الموضوع ده مساعدين ناعمين وبرا بينصحوا عموما بتغيير المساعدين كل 50 الف بس مش فاكر كيلو ولا ميل لانه ممكن لو المساعد مبازشي بينعم والنعوميه دي بتتسبب في تطويل فتره التوقف وضعف ملحوظ في الثبات

هو المفروض كل واحد ادري بعربيه وبيحس بيها

بس انا متهيالي في الحاله بتاعه عربيه صاحب الموضوع الكاوتشات بنسبه كبيره محتاجه تغير مكانها

وعموما الماركات الي موجوده في السوق دي كلها فستك وميقولش كده غير الي عرف يعني ايه بردجستون وميشلان وكونتننتال ودانلوب وجود يير وانواع من البريللي فرد مالهاش حل فعلا

انما كومهو هانكوك ماكسس نيكسن اكستيرا ولا مش عارف ايه والارورا كل الماركات الاسيويه الرخيصه دي اداءها اكيد هيبقى متواضع

وكلهم بيبقوا حلوين اول 10 الف كيلو بعد كده تحس فرهضوا

المشاركة الأصلية كتبت بواسطة MohammedAladel

بالنسبة لتركيب الكاوتش بيبقى ليه عدل يبقى زى سهم كدا أو كلمة inside و outside

الدوران (Rotation)

انا برضه غيرت الكاوتش بتاع السوبارو بتاعتى بجنوط 16 و ركبت الكاوتش الاكسيليرا مقاس 16/50/205 و ده من سنة 2009 .. و عامل بيه دلوقتى 50000 كم . و مشتكتش منه بالعكس ده ناشف و حلو فالفرامل .. عيبه انه ناشف اوى فى المطبات . بس انا هغيره قريب و هجيب بريدجستون تايلاندى عامل 620 الفردة ... الاكسيليرا كان عامل ايامها 400 الفردة.

انا رأى اكشف على محاور العجل عندك الأول لانه صعب الكاوتش على 15000 كم و يحصله كده لو أنت بتسوق سواقة عادية مش فرك و حرق..
أه و زى ما الشباب قالوا الاكسيليرا عجلة ذات اتجاه دوران واحد : يعنى لها وش داخاى و وش خارجى و اتجاه دوران معين شوف الحاجات دى الأول قبل متغير