الف مبروك وربنا يكفيك شرها
الف مبروك وربنا يكفيك شرها
ألف مبروك يا باشا وربنا يباركلك فيها وعلى فكرة انا فكرت ذى حضرتك بالضبط قبل ما أشترى الصنى الجديدة وفعلا العربية ممتازة مقارنة بسعرها أرجوا من حضرتك تسجيل بياناتك فى رابطة مالكى الصنى الجديدة ومبروك مرة تانية
الف مبروك يا باشا ..
ألف مليون مبروك ويارب العربية تكون عند حسن ظنك واحسن كمان
وتقريرك هذا ان شايف انه لازم يثبت لأن فى ناس كثير ممكن تستفيد منه لأنه خلاصة دراسه استمرت عامين يعنى ماجستير ربنا يجعله فى ميزان حسناتك
ولاكن اسمح لى ان أعرض وجهة نظرى بالنسبة للسيراتو وتحديدا السيراتو الخليجى المتوافر بها abs و وساده هوائية و dvd ,بالأضافة إلى كاميرا خلفية و طبعا فتيس 6 غيار وموتور قوى على ما اتذكر 123 حصان وضيف على ذلك خامات وتقفيل كورى يعنى ولا فيها هندى ولامصرى والسعر 109 ألف جنيه وممكن 107 ألف كمان - قطغ غيار طبعا متوفرة بشكل مبالغ فيه - انتشار رائع - شكلها انسيابى ورائع وعلشان يتقادم قدامه كثير قوى واحسن من عربيات كثير لسه نزله - موضوع العفشه الكل عارف انه اتحسن من اول 2012 ولو قولنا انها نشفة شوية برضو مش سيئه وهذه شهادة خالصة لوجه الله وأضافه حبيت اشارك بيها
وجزاك الله كل خير
اسمحلى .. حرام ادفع فى عربية خليجى اى مبلغ .. عشان حتكون خارج الضمان .. والضمان اللى بيتعمل مع شركات ده بتضمن الخليجى دى .. انا مش بتعرف فيه .. لان الناس كانت بتعانى معاهم
وبخصوص العربيات الخليجى .. خير مثال كان ابو ليلى.. اللى داخ السبع دوخات على عربيته السيراتو واعتقد الكل فى قسم كيا عارف الموضوع ده واشتبهوا فى الكنترول والفتيس وحاجات كتير عشان مكنتش بتنقل غير على الغيار التالت واعتقد ان طلع بسبب الضفيرة .. وكان كله خارج الضمان طبعا
وطبعا اى عربية سيراتو وكيل فيهم اللى حضرتك بتقول عليه من امكانيات .. اكيد بتعدى ال120 الف
====
الف مبروك لصاحب العربية واختيار موفق وفقا لظروف امكانياتك وتفكيرك الاقتصادى السليم اللى بحييك عليه
وبعد اذانك انا طلبت من الادارة تنسيق الموضوع .. واتمنى ان التنسيق يعجبك
تحياتى
الف مبرووووك
الف مبروك و شكراً على التقرير
استاذ احمد سيف النصر ..
اولا: باهنيك على العربية
ثانيا: وعلى التقرير الراااااااااااااائع ده :018A1D~146:
بصراحة حضرتك شخصية تحليلة من الطراز الاول TYPICAL ANALYTICAL ومجهودك فى البحث والتحليل والمقارنات لم يذهب طيات الريح او هباء وربنا يباركلك فيها .
مممممممممممممممممممم يعنى ينفع كده يا ابو حميد !!!
شكلك كده عاوز تنضم لينا فى التنسيق قريب :wink14:
نصيحة بلاش نقطع على بعض والا :colsmil: هاستغل سلطاتى وبابا غنوجى
تسلم يا زعيم ع المجهود وفعلا الموضوع كان محتاج تنسيق
بغض النظر عن فرق السعر والكماليات والانتشار لصالح الخليجى سواء فى كيا سيراتو او غيرها
الا انى وغيرى كتير ماعندناش استعداد نشترى عربية زيرو بمبلغ فوق ال100 الف ج وفى الاخر اروح للاسطى بلية عشان يغيرلى زيت وفلتر وتيل وانضف فلتر الهواء فى المغسلة وخلاص على كده ..
من الاخر مهمة التوكيل الاساسية هو الضمان قبل الصيانة
وده اهم ما يميز توكيل نيسان فى مصر واحنا اكتر ناس عارفينه كويس لأننا فى القسم كأعضاء غيرنا حاجات كتير فى الضمان وبدون اى مشاكل
لدرجة انى اتحدى اى توكيل تانى غير نيسان فى مصر بتلاقى فيه عربيات قديمة خلصت ضمانها ولسه بتعمل صيانات فيه لحد يومنا هذا وتلاقيها معدية ال150-200 الف كم وفى كمان 400 الف كم (مثلما ذكر العضو بيشوى فى مركز مودرن شبين الكوم) وانا شوفت بعينى صنى موديلات 99 و98 و اوائل 2000-2004 كمان
تفتكر ايه اللى يخلى اصحابها بيروحوا التوكيل لحد دلوقت (تحديدا مركز السبع) ؟!!!
اكيد فلوسهم مش كتير لدرجة انهم يروحوا يرموها ع الارض ..
وعلى فكرة اللى كان ممكن ينافس نيسان النهاردة سكودا ارتوك اوتو لو كانوا استمروا على المنوال اللى بدأوا بيه فى اواخر التسعينات مع موديلات فيليشيا واوكتافيا A4
عكس التوكيلات التانية الموجودة دلوقت فى مصر .. كلها فعلا نصب وفلوس عالارض
من الاخر انا اولوياتى عند شراء اى عربية فى مصر هو التوكيل قبل العربية
فعلا الموضوع بعد التنسيق بقى أفضل شكرا للأستاذ أحمد رمضان