حد يقدر يفيدنى فى المشكلة دى؟

**NaderNabil** · 21-06-2007 03:55 PM

المشاركة الأصلية كتبت بواسطة معاذ الشرباصى

لو شوفت واسطة و طلعت غيرها هيبقى فى مشكلة لو رجعت الرخصة المسحوبة؟

لو رجعت يبقى معاك اتنين

انا اعرف واحد عمل كده و بقى ماشى معاه اتنين فى الاخر :twisted:

Me 2 , but my friend did another one without the first being lost

:lol:

**hazem_khidr** · 21-06-2007 03:55 PM

السلام عليكم
اوعي تعمل بدل فاقد للرخصتك علشان دي تعتبر جنحه و تاخد فيها 3 سنين سجن تزوير في اوراق رسميه.
كل فرد من حقه يشيل رخصه واحده بس ف حضرتك اتسحبت رخصتك عملت بدل فاقد يبقي ايه الحال بقي لو اتسحبت الرخصه التانيه و بقي في المرور رخصتين؟؟؟؟؟ :lol: ساعتها تتعمل ليك قضيه و مشاكل امشي قانوني احسن

**أبو_حمزة** · 21-06-2007 04:06 PM

بص يا سيدى أنا هحكى لك اللى حصل معايا شخصيا
أنا الرخص اتسحبت على الدائرى من حوالى سنة
و روحت بالوصل ما كنتش جت و خدت اسبوع كمان
بعد اسبوع روحت. و برضه ما جتش
حكيت لأمين شرطة واقف هناك. قال لى يا اما تروح مكان ما اتسحبت و تدور على اللى اخدها يمكن ناسيها معاه :roll: يا حلاوه
يا اما تروح تعمل بدل فاقد
روحت على القسم عملت مذكرة بفقد الرخصة (مش محتاج ضامن ولا أى حد معاك)
وتانى يوم عمات البدل
و معايا لحد النهارده بدون مشاكل و الحمد لله
اعمل بدل فاقد و خلص نفسك
ربنا يسترها معانا جميعا

**hazem_khidr** · 21-06-2007 04:14 PM

اعمل بدل فاقد و خلص نفسك
ربنا يسترها معانا جميعا

و لو التانيه كمان اتسحبت منك و بالصدفه و هيا في المرور كانت رخصتك القديمه موجوده؟؟ايه الحل ساعتها؟؟؟؟؟
ماهو لو كل واحد رخصته اتسحبت راح عمل بدل فاقد يبقي ماكنش حد غلب و كل واحد ساب رخصته تروح و يطلع غيرها . و علي فكره ممكن تكون رخصتك جات المرور بس الضابط اللي سحب من الرخصه كتب رقم الرخصه غلط في الوصل و هما بيرتبوها بتسلسل ف لما يجي يبص علي الرقم و يبص علي التسلسل عنده اكيد مش حيلاقيه و دا حصلت معايا في مره و فصلت 3 اسابيع لحد ما اتخانقت معاهم و رعقت و لقيت الموفه بتقولي انت متاكد من رقم الرخصه اللي مكتوب في الوصل ؟ببص عليه لقيته ناقص رقم عن رخصتي!!!!!!!!!! ف الاحسن انت تتاكد كويس الاول قبل ما تعمل اي خطوه غلط

**hamtle97** · 21-06-2007 05:02 PM

أوعى تستعجل وتعمل بدل فاقد من غير ما المرور يسمح لك
المفروض يديولك ختم بدل فاقد بعد مرور فترة ، فتصور الايصال ده وتحتفظ بيه زى عينك
علشان أى مسألة بعد كده
وتروح تعمل بدل فاقد بموجد الختم اللى على أخر اصال تجديد
وكدة تبقى خليت مسئوليتك وعملت بدل فاقد بعد ما قالو لك
فاذا الرخصة ظهرت وراحت الملف وعملوا لك أى جنحة
تبين الوصل اللى معاك واللى عليه ختم بدل فاقد

خالص تحياتى :) :) :) :)

**أبو_حمزة** · 21-06-2007 05:38 PM

و الله انا مش اصدى أعمل لحد مشكلة
انا حكيت اللى حصل معايا
أنا ما عملتش بدل الفاقد الا لما لأيت مفيش حل تانى
و الموظفين قالوا لو كانت هتيجى كان زامنها جت
و حاولت ادخل لحد كبير (مدير أو وكيل النيابة) قالوا لى مش بيقابلوا حد
و على فكرة أنا بعد اسبوعين روحت بالوصل أشوف ايه الأخبار (من باب الفضول)
قالوا لى برضه لسة
أنا اسف اذا كان كلامى اتفهم على اننى با اعمل للراجل مشكلة

**اسلام المصرى** · 21-06-2007 06:02 PM

على حسب غلمى و هذا ماحدث معايا الرخصة أتسحبت على المحور جددي الوصل 4 مرات كل مرة بأسبوع و لم تصل الرخصة فطلعولى واحدة جديدة و دفعت حوالى 150 جنيه و أنتهى الموضوع على كده الرخصة ضاعت فى طريقها من المحور لمرور بين السرايات :D !!!! خليك ماشى معاهم للأخر و بلاش موضوع محضر و بدل فاقد لأنه لو الجديدة أتسحبت منك و ده شىء وارد و الرخصة الأولى جت على الملف كده هيكون معاك رخصتين وده مش قانونى. نصيحة منى خليك ماشى صح.

**AHMAD_EMAD** · 21-06-2007 06:24 PM

أنا رخصتي اسحبت شهر 12 اللي فات ولسه جايبها يوم الثلاثاء اللي فات
لحد اخر شهر 2 كانت مجاتش وبعد كده أنا مسألتش علشان الامتحانات بس الوصل كان متبهدل من كتر ما يخدوه يزودوا عليه شهرين ويرجعوا تاني
وصراحة هو الاسوأ من سحب الرخصة مشوار المرور القذر بتاع فيصل ده
بس علي فكرة أنا الحوار حصل مرة مع خالي وطول ورئيس الوحدة هو اللي قاله روح طلع بدل فاقد بس طبع ده عللي مسؤليتك يعني لما تيجي تجدد لو التانية جات فيها مشكلة لو تفهموا موقفك يبقي خير غير كده ربك يستر ودول دماغهم حادفة شمال

**Mina W** · 22-06-2007 03:22 PM

شكرا يا جماعة على المعلومات دى ، اشكر كل واحد اتكرم و قال خبرته مع الحكاية دى ، انا هستنى شهر و يمكن شوية اكتر و بعد كده هسأل لو كانت وصل عندهم حتى لو الرخص اللى اتسحبت فى شهر ابريل يبقى فى امل :) و هستنى شوية كمان لكن لو لا ، يبقى مفيش امل و لا عمر و هعمل محضر زى sabbagh (اللى برضوا اشكره على اللى قاله لانه انا متأكد يقصد خير و جاب من الاخر) و امرى على الله و اطلع بدل فاقد لان مفيش حد عاقل يقول انى استنى 4-5 شهور علشان استلم الرخصة
:shock: زىAHMAD_EMAD، و الاسوء انها بعد كل الانتظار ده ممكن برضوا تكون ضاعت ، كانوا رحموا الناس و اخدوا الفلوس فورى لكن بصراحة اللى يمشى قانونى فى البلد دى يتعب

hamtle97 لو انا اضمن ان المرور هيجى يوم يقولوا بصراحة الرخصة ضاعت انا استنى بس ما اظنيش ان فى حد هيقول حاجة و انا اللى هيطلع بوزى كل مرة اجدد الوصل او ادفع للعسكرى اللى طلب 20 جنيه علشان يجدد الوصل و انا بشرب الشاى 8) و فى الحالتين لا المرور اخد المخالفة و لا انا اخدت الرخصة ، يا ترى مفروض اخد ختم بدل فاقد امتى؟؟ :?:

سؤالى لـ GhostRider77 انت عملت ايه علشان يعترفوا ان الرخصة ضاعت و تقدر تطلع بدل فاقد بدلها قانونى؟؟ :?:

اخيرا يا جماعة انا نفسى اقدر امشى قانونى بس من غير البهدلة و شكر لكل اللرد

**اسلام المصرى** · 22-06-2007 07:52 PM

شوف يا سيدى هم بيعملو كده من الأخر علشان يئرفوك :D وتمشى بعد كده جنب الحيط أى على السرعة القانونية علشان تحرم تجرى تانى :D الموضوع كلو ئرفه فى تجديد الوصل كل مرة و الذهاب الى المرور فى الصباح الباكر و الوقوف فى طابور طويل..... شر و لا بد منه المهم ياسيدى أنا قلولى من الأول هتجدد 4 مرات أى شهر لو الرخصة ماجتش لغايت بعد شهر هنطلعلك بدل فاقد لأن عدم وصولها بعد شهر معناه انها ضاعت . طبعا بيكون البيه الظابط رماها فى أى حته!! السؤال الذى يطرح نفسه هنا فين الغرامة؟؟ ولا هى كده سقطت؟؟ يمكن الواحد لما يجدد رخصة السيارة أو القيادة يلاقى الرخصة الضايعة فى الملف بتاعه و يدفع الغرامة ساعتها و الله أعلم و عجبى عليك يا زمان :D

ربنا معاك يا مينا باشا :D

الموضوع: حد يقدر يفيدنى فى المشكلة دى؟

LinkBack

أدوات الموضوع

عرض

-

-

-

-

المواضيع المتشابهه

سؤال لاستاذ طارق او اللى يقدر يفيدنى

طلب نصيحه لو حد يقدر يفيدنى

عايز راى كل واحد يقدر يفيدنى ( انا نويت اركب جنط 17 للالنترا )

يا ريت لو حد يقدر يفيدنى

حد يقدر يفيدنى

الكلمات الدلالية لهذا الموضوع

المفضلات

المفضلات

ضوابط المشاركة