حد يقدر يفيدنى فى المشكلة دى؟

**Mina W** · 21-06-2007 02:05 PM

انا يا جماعة رخصة القيادة بتاعتى اتسحبت فى راس سدر و انا راجع من شرم للاسكندرية و اخدت وصل باسبوع، و لما راحت اسأل كنت متوقع انها موصلتتش، بس فؤجئت ان الاستاذة اللى فى الشباك فى مرور محرم بك بتقولى ازى سحبوا الرخصة بتاعتك دول لسة مبعتوش الرخص اللى اتسحبت من شهر اربعة لحد دلوقتى ، تقدر ترجع تجيبها بنفسك احسن :shock: ؟ و طبعا كان ردى لا، فقالت خلاص اعمل حسابك انها ممكن تضيع
فيا ترى اعرف امتى ان الرخصة ضاعت ؟ و اعمل ايه وقتها؟
يعنى بعد شهر مثلا و لا اكتر ؟ و هل هيقولى كده بصريح العبارة انها ضاعت و لا هلف السبع لفات الاول؟ :x

ارجو حد يفدنى يا جماعة دى اول مرة الرخصة تسحب منى، من سنة 92 لما طلعت الرخصة فمش عارف اى حاجة عن الاجراءت :?
و شكرا

**Islam_galal** · 21-06-2007 02:14 PM

بص يا سيدي
عند انتهاء مدة الوصل تروح للمرور و تاخد تمديد لمدة الوصل (غالبا اسبوع) و ممكن يزيد في حالتك و بتمشي علي هذا المنوال حتي تأتي الرخصة
الأفضل انك تشوف واسطة لأن مرور محرم بك ده عذاااااااب

**معاذ الشرباصى** · 21-06-2007 02:26 PM

الاحسن شوف واسطة و طلع واحدة جديدة

**3mr Farrag** · 21-06-2007 02:29 PM

في حركه بتتعمل....تروح تقدم بلاغ في القسم ان الرخصه ضاعت و بعديها تروح المرور تقدم البلاغ و تطلع بدل فاقد ....
بس اسأل حد علي الموضوع ده برضوا علشان سمعت انها مش صح اوي

**Hossam_Hassan** · 21-06-2007 02:34 PM

المشاركة الأصلية كتبت بواسطة 3mr Farrag

في حركه بتتعمل....تروح تقدم بلاغ في القسم ان الرخصه ضاعت و بعديها تروح المرور تقدم البلاغ و تطلع بدل فاقد ....
بس اسأل حد علي الموضوع ده برضوا علشان سمعت انها مش صح اوي

بيتهيألى ده احسن حل

**Mina W** · 21-06-2007 03:11 PM

اشكركم على الردود بس سؤالى اعمل المحضر انها ضاعت امتى على طول كده و لا استنى شوية؟ و لو استنى شوية يمكن ابقى محظوظ :mrgreen: و ترجع يبقى استنى قد ايه؟
و لو شوفت واسطة و طلعت غيرها هيبقى فى مشكلة لو رجعت الرخصة المسحوبة؟ :?:

على فكرة التجديد هو اسبوع حتى لو جاية من كولالمبور و مفيش تفاهم ، و ده اللى عملته انهاردة بس ده فعلا عذاب و بهدلة :x ، يعنى مش بس غرامة و كمان بهدلة تجديد الوصل اصعب من الغرامة و مش عارف هى مقصودة كعقوبة :roll: و لا ده سلو البلد فى كل حاجة

**NaderNabil** · 21-06-2007 03:18 PM

المشاركة الأصلية كتبت بواسطة Mina W

ده سلو البلد فى كل حاجة

**سمير يونس** · 21-06-2007 03:43 PM

و لا ده سلو البلد فى كل حاجة

هههههههههههه لأ دي مش عقوبة و لا حاجة هو ده سلو بلدنا

**memo_hefnawy** · 21-06-2007 03:49 PM

من غير كلام ده إنت حظك ميه ميه :) إن مش هايبعتوها دلوقت و ممكن يضيعوها يبقى مفيش مخالفة هاتندفع :)

روح فى أقرب وقت إعمل محضر إنها ضاعت و هاتاخد معاك أى واحد تقريبا يضمنك ببطاقته كشاهد أو حاجة كده مش متأكد ده فى الرخصة لما تضيع ولا البطاقة

المهم و إنت بتعمل المحضر بتاخد صورة فورية منه مش تستنى و تروح بعدين لأن لو إستنيت فيها وقت طويل

و تاخد الصورة و تطلع على المرور و تعمل بدل فاقد :) و مبروك الرخصة

**معاذ الشرباصى** · 21-06-2007 03:53 PM

لو شوفت واسطة و طلعت غيرها هيبقى فى مشكلة لو رجعت الرخصة المسحوبة؟

لو رجعت يبقى معاك اتنين

انا اعرف واحد عمل كده و بقى ماشى معاه اتنين فى الاخر :twisted:

الموضوع: حد يقدر يفيدنى فى المشكلة دى؟

LinkBack

أدوات الموضوع

عرض

حد يقدر يفيدنى فى المشكلة دى؟ - انشر الموضوع فى :

-

-

-

-

-

-

المواضيع المتشابهه

سؤال لاستاذ طارق او اللى يقدر يفيدنى

طلب نصيحه لو حد يقدر يفيدنى

عايز راى كل واحد يقدر يفيدنى ( انا نويت اركب جنط 17 للالنترا )

يا ريت لو حد يقدر يفيدنى

حد يقدر يفيدنى

الكلمات الدلالية لهذا الموضوع

المفضلات

المفضلات

ضوابط المشاركة