| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 7 من 7

  1. #1

    الصورة الرمزية maeeaeg

    رقم العضوية : 79474

    تاريخ التسجيل : 04Sep2010

    المشاركات : 26

    النوع : ذكر

    الاقامة : الاسكندرية

    السيارة: لا امتلك

    السيارة[2]: لا امتلك

    دراجة بخارية: لا

    الحالة : maeeaeg غير متواجد حالياً

    افتراضي نفسي اعرف هستلم عربيتي امتي - Facebook Twitter whatsapp انشر الموضوع فى :

    hasad">

    معلش هي الحكاية طويلة شوية بس ياريت تستحملوني عشان انا اتخنقت

    انا مندوب دعاية في شركة ادوية و الشركة بتدينا قرض عشان نشتري بيه عربية عشان تساعدنا في الشغل المهم القرض بتاعي كان خالص علي نص شهر يوليو و كنت خلاص استقريت علي اللوجان عن تجربة شخصية لصديق لي يمتلكها و سؤالي تقريبا لاكتر من 100 واحد في اسكندرية معرفهمش عن رايه في العربية و ايه اللي مش عاجبه فيها حتي و لو كان حاجة تافهه زي مكان الكلاكس مثلا.....المهم رحت حجزت العربية في التوكيل يوم 19/7 و قالولي اني هستلم العربية اللي فيها يو اس بي و بلوتوث و ده هتبقي اغلي 500 جنيه من التانية قلت وماله هستلم امتي يا عم قالي علي اخر الشهر

    المهم جالي اتصال يوم 28 تعالي استلم عربيتك عشان وصلت فروحت التوكيل لقيتها من غير يو اس بي و لا بلوتوث فرفضت استلمها و عملت مشكلة ...ماشي يا عم ما تزعلش هنحطك علي اللستة اللي جاية بس ده هتتاخر و هتبقي بعد 20/8 بعد العيد يعني... ماشي يا عم هستناها

    عدي يوم 20/8 و روحتلهم يوم 26 هاه وصلت...لا لسه يا افندم...طب ده كلام ما ينفعش كده خلاص يا باشا هدي نفسك و الناس عملتلنا مشاكل و هنجبهالك وشوية كلام من الا لا يودي ولا يجيب المهم قالولي هتستلم يوم 8/9

    قبل ما ييجي يوم 8/9 كان جالي اتصال من طارق اسماعيل ان فيه عربيات وصلت من اللي فيها يو اس بي بس نص كماليات عشان زمايلي كانو حاجزينها عنده و انا كنت حاجز الكاملة عند التوكيل المهم فسألت علي الكاملة رد عليا و قال ده مش هتوصل مصر غير علي اخر شهر اكتوبر و جالنا اميل بكده من المصنع في المغرب.....قمت مكلم النوكيل فقالي الطارق كداب و مفيش حاجة وصلت لا نص و لا كاملة و قالي معلش يا افندم عربيتك هتتاخر لشهر اكتوبر و لو عايز تاخد فلوسك اللي حاجز بيها تعالي خدها

    طبعا روحت لغيت الحجز في نفس اليوم بس قالولي هتاخد فلوسك كمان 3 ايام قلت ماشي و بعديها رحت حجزت العربية عند الطارق بس من غير بلوتوث و لا يو اس بي

    بعديها بيوم مضيت شيكات القرض و دفعت المقدم و قالولي يومين هنخلص الورق و نروح معاك نرخص و نخلص

    المهم روحت اشوف فلوسي اللي في التوكيل لقيتهم بيقولولي ده لسه المحاسب هيروح العامرية و هتتمضي و مش عارف ايه المهم هتاخدها بعد اسبوع!!!!!.........فكلمت واحد صاحبي الصراحة عشان انا مبعرفش اتعارك و خدته و روحتلهم بعديها بيوم و صاحبي ده علي فكرة مش بلطجي ده محاسب قانوني المهم هددتهم اني هعملهم محضر....طيب روح وورينا هتاخد فلوسك ازاي....كده ماشي و كنت لسه هروح اعمل المحضر لقيتهم بيتصلو بيا بيعتذرولي و عطوني الفلوس بتاعتي

    روحت بقي عشان استلم العربية من الطارق قالولي معلش يا فندم عربيتك موجودة بس للاسف الافراج الجمركي لسه مخلصش فهتتأخر شوية و الكلام ده كان امبارح 10/9 .....ام العربيات علي عايز يشتريها ده ايه النحس ده....ده انا لو اشتريت توك توك مكانش هيحصلي كده و لا ليه ورق و لا تراخيص و لا اي حاجة

    المهم بعد كل المعمعة ده انا عندي سؤالين عشان انا فعلا اتخنقت و كرهت كل العربيات رغم اني ماكنش بحب حاجة في الدنيا غيرها:
    1-هو انا هستلم عربيت امتي او الافراج الجمركي ده بيخلص في وقت اد ايه؟؟؟؟؟
    2-هو توكيل رينو فعلا محترم؟؟؟؟!!!!!

    اسف علي الاطالة


  2. #2

    الصورة الرمزية amr.elsayed

    رقم العضوية : 32825

    تاريخ التسجيل : 13Feb2009

    المشاركات : 3,559

    النوع : ذكر

    الاقامة : alex

    السيارة: Lanos 2016

    السيارة[2]: Logan 2010..Elantra 2014

    دراجة بخارية: ..............

    الحالة : amr.elsayed غير متواجد حالياً

    افتراضي -

    موضوع الورق دة عادى ساعات بيتاخر بالذات عندنا فى اسكندرية علشان الورق بيخلص فى القاهرة
    وبياخد اسبوع ان شاء الله وتستلم
    .....
    توكيل رينو انت محتاج منه حاجات تانية غير الورق والكلام دة .. انت محتاج من رينو صيانة محترمة وضمان محترم
    ودة متوفر ان شاء الله وحاول متبوظش فرحتك بالعربية


  3. #3

    الصورة الرمزية ali_333

    رقم العضوية : 20110

    تاريخ التسجيل : 25Sep2008

    المشاركات : 393

    النوع : ذكر

    الاقامة : الجيزة

    السيارة: رينو لوجان

    السيارة[2]: رينو لوجان

    دراجة بخارية: لا

    الحالة : ali_333 غير متواجد حالياً

    افتراضي -

    ربنا معاك بس لازم تشد عليهم ولو حتى تمثيل الناس بتخاف من الشخص الشديد الجامد معدش في ضمير

    ولو حد غلس معاك من الموظفين استناه برة وامسكو انت واتنين صحابك ومضوه على وصولات امانة

    حتلاقيه تاني يوم خلصلك كل حاجة وجابلك الرخصة لحد عندك كمان


  4. #4

    الصورة الرمزية بوب ميجو

    رقم العضوية : 127942

    تاريخ التسجيل : 23Jul2012

    المشاركات : 111

    النوع : ذكر

    الاقامة : القاهرة

    السيارة: رينو

    السيارة[2]: شاهين

    دراجة بخارية: جامبو

    الحالة : بوب ميجو غير متواجد حالياً

    افتراضي -

    ان شاء الله هتستلمها على خير ومبروك مقدما بس حضرتك ليه مستنتش مع التوكيل بالرغم من اللى انت حجزتها عند الطارق باردو بدون اضافات الكاسيت


  5. #5

    الصورة الرمزية ahmed_m_ashraf

    رقم العضوية : 111740

    تاريخ التسجيل : 29Aug2011

    المشاركات : 857

    النوع : ذكر

    الاقامة : Alex

    السيارة: none

    السيارة[2]: Logan 2012 AT

    دراجة بخارية: بتلعب في دماغي

    الحالة : ahmed_m_ashraf غير متواجد حالياً

    افتراضي -

    معلش تجزبة مرهقة> المشكلة إن التوكيل في البيع مقرف ومواعيد تسليمه بعيده.
    الطارق خلصلي الورق في ٣ أيام. أنا كنت شاري كاش، فأخدت العربية وروحت بيها وبعد ٣ أيام كلموني روحت خدت الورق وطلعت على المرور مع واحد تبعهم، خلصلي كل حاجة في أقل من ٤٥ دقيقة وإديتو إللي فيه النصيب.


  6. #6

    الصورة الرمزية pharmacology

    رقم العضوية : 95302

    تاريخ التسجيل : 19Apr2011

    المشاركات : 301

    النوع : ذكر

    الاقامة : damietta

    السيارة: ----

    السيارة[2]: LOGAN AT

    دراجة بخارية: no

    الحالة : pharmacology غير متواجد حالياً

    افتراضي -

    يا راجل هون علي نفسك شويه :) .. بالنسبة للافراج الجمركي انا برده لما استلمت العربية من المصرية مخدتش الورق بتاعها غير بعد حوالي 3 او 4 ايام علي ما اعتقد عشان موضوع الافراج الجمركي .. متخفش الورق هييجي ان شاء الله والتاخير مش بيكون من عند الموزع ..


  7. #7

    الصورة الرمزية maeeaeg

    رقم العضوية : 79474

    تاريخ التسجيل : 04Sep2010

    المشاركات : 26

    النوع : ذكر

    الاقامة : الاسكندرية

    السيارة: لا امتلك

    السيارة[2]: لا امتلك

    دراجة بخارية: لا

    الحالة : maeeaeg غير متواجد حالياً

    افتراضي -

    hasad">

    استاذ amr.elsayed
    هم فعلا محترمين في الصيانة اينعم بتدفع فلوس كتير بس علي راي واحد صاحبي بتبقي برنس بعكس التوكيلات التانية اللي بتدفعك و بتبهدلك معاها في نفس الوقت.....و متخافش انا فرحان بالعربية و مقتنع بيها لدرجة اني اقنعت لحد دلوقت عشرة انهم يشتروها و بخلص مع تلاتة دلوقت بس مخهم ناشف شوية هههههههههههه

    استاذ ali_333
    كل صحابي نصحوني بكده والله عشان كده انا قررت اغير نظرتي في التعامل بعد كده هبقي بلطجي و هاخد حقي بدراعي و مش هصبر عليهم ههههههههههههههههههه

    استاذ بوب ميجو
    انا كنت حاجز في التوكيل من يوم 19/7 و فاضلو يماطلوا معايا في معاد التسليم لحد اما قالولي هتستلم علي اول اكتوبر و ده كتيررر اوي ده انا حاجز المانيوال مش الاوتوماتيك(ربنا يكون في عون اللي حاجزينها) و انا مقدرش انتظر اكتر من كده لسببين:
    1- ان القرض بتاعي بيتحسب عليا من اول شهر اغسطس فطول ما انا مخدتش العربية الاقساط اللي بتدفعهالي الشركة بتروح عليا
    2- احنا الكارير بتاعنا كله بهدلة بنلف علي دكاترة كتير و بنودي طلبيات فالواحد ما بيصدق يستلم العربية عشان بتساعد كتير في الشغل و بترحمنا من بهدلة المواصلات

    استاذ ahmed_m_ashraf
    ما هم قالولي هتستلم بعديها بيومين و هنروح معاك نرخص و نخلص في نص ساعة بس للاسف العربية طلعت جديدة اوي و داخلة مصر في اول سبتمبر فورقها لسه مخلصش مع ان صحابي كانو حاجزين النص كماليات باليو اس بي و البلوتوث و داخلة في نفس الوقت و ورقهم خلص بس يالا كل تأخيرة و فيها خيرة

    استاذ pharmacology
    مرسي علي ردك و بما انك شاكلك صيدلي فاحنا ولاد كارير واحد بلاش تتعامل مع المصرية او تنصح حد انه يروحلهم عشان هم مش كويسين انا زمايلي كانو حاجزين النص كماليات عندهم علي 68.5الف و اول ما وصلت زودوا السعر ل69 فصحابي رفضوا فقالولهم هو ده السعر و روحوا اشتروها من بره لو لقتوها والحمد لله لقوها عند الطارق و اشتروها ب 68.5

    شكرا جدا علي ردودكم يا جماعة رفعتوا معنوياتي انا كنت قربت اكره العربية قبل ماجبها



 

المواضيع المتشابهه

  1. مشاركات: 16
    آخر مشاركة: 10-09-2010, 02:35 AM
  2. (ان شاء الله) هستلم عربيتي الشيفورليه لانوس بعد يومين...ادعووووولي
    بواسطة BOSsS في المنتدى دايــو+شيفرولية لانوس
    مشاركات: 39
    آخر مشاركة: 29-09-2009, 01:26 AM
  3. لو هاحجز حد عارف هستلم امتي؟
    بواسطة mashakib في المنتدى هـــــــوندا
    مشاركات: 1
    آخر مشاركة: 14-12-2007, 07:24 PM
  4. امتي اعرف ان البوجيهات لازم تتغير؟
    بواسطة عاشق الفولفو في المنتدى ورشـــة نــايل مــــوتـــورز
    مشاركات: 12
    آخر مشاركة: 08-08-2007, 12:00 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2