اخير حجزت رينو لوجان 2013

**the lawyer** · 11-09-2012 04:36 PM

اخيراً بعد تفكير طويل استقريت على اللوجان مانيوال فول اوبشنز ( تقسيط مباشر مع التوكيل بدون بنوك وقرف ) ، وحجزتها من التوكيل اللي موجود عند سور نادي الزمالك بالمهندسين .
بس في حاجة مخلياني قلقان مدير المبيعات هناك قالي ان صوت الموتور بعد 100كم صوته بيبقى عالي فهل في حد من الأعضاء معاه 2013 يفيدنا في الموضوع دا .
الحاجة التانية انا سألته على موضوع السخونة اللي بتطلع من الدواسات ، فقالي ان الموضوع دا اتعالج في موديل 2013 وزوده العزل .
الحاجة التالتة انا نسيت اسأله على الكاسيت هل هو الشكل القديم ولا فيه بلوتوث ويو اس بي ، فهل كل موديلات 2013 فيها يو اس بي وبلوتوث ولا لا

شكراً

**amr.elsayed** · 11-09-2012 05:52 PM

والله يا فندم نصيحة منى تقبل العربية بمميزاتها وعيوبها ومتخليش حد يملى عليك باراء بالذات بعد ما تشترى
صوت الماتور انت اصلا ممكن ما يكونش عالى بالنسبة لك وحتى السخونة ممكن ما تحسش بيها حتى لو موديل 2010
حاول تستمتع بالعربية العسل دى وماتفكرش فى ملاحظاتها التافهة ... وان شاء الله الكاسيت حيكون مزود بيو اس بى وبلوتوث
وتستلم على خير ان شاء الله

**the lawyer** · 11-09-2012 06:27 PM

المشاركة الأصلية كتبت بواسطة amr.elsayed

والله يا فندم نصيحة منى تقبل العربية بمميزاتها وعيوبها ومتخليش حد يملى عليك باراء بالذات بعد ما تشترى
صوت الماتور انت اصلا ممكن ما يكونش عالى بالنسبة لك وحتى السخونة ممكن ما تحسش بيها حتى لو موديل 2010
حاول تستمتع بالعربية العسل دى وماتفكرش فى ملاحظاتها التافهة ... وان شاء الله الكاسيت حيكون مزود بيو اس بى وبلوتوث
وتستلم على خير ان شاء الله

متشكر جداً

**بوب ميجو** · 11-09-2012 07:16 PM

اولا : مبروك لحضرتك وان شاء الله تستلم على خير
ثانيا : ميعاد الاستلام قالو لحضرتك امتى ولا قالك بعد 4 شهور ولا ايه

**the lawyer** · 11-09-2012 07:52 PM

المشاركة الأصلية كتبت بواسطة بوب ميجو

اولا : مبروك لحضرتك وان شاء الله تستلم على خير
ثانيا : ميعاد الاستلام قالو لحضرتك امتى ولا قالك بعد 4 شهور ولا ايه

الله يبارك فيك ، هما قالوا اني حستلم كمان 8 اسابيع

**ibrahimkais** · 11-09-2012 09:02 PM

ألف مبروك و ربنا يبارك لك فيها و يكفيك و يبعد عنك شرها
ممكن تقولنا نظام التقسيط مع التوكيل إزاى؟؟

**Khaled Online** · 11-09-2012 09:07 PM

ألف مبروك وربنا يباركلك فيها

**the lawyer** · 11-09-2012 09:35 PM

الله يبارك فيك
الأوراق المطلوبة :-
1- صور البطاقة
2- ايصال كهرباء أو غاز
3- لو ساكن في عنوان غير المثبت في البطاقة تقدم ما يفيد ( عقد ايجار - عقد تمليك )
4- مفردات مرتب

الدفع :-
25 % دفعة مقدمة ( تدفع عند استلام السيارة )
والباقي يسدد على 60 شهر فايدة 9,4 % ( لو لوجان فول اوبشنز حتدفع قسط 1330 جنيه )
طبعاً لازم تجيب وثيقة تامين

الموافقة بتصدر خلال 48 ساعة ( من تقديم الطلب وبتدفع 100 جنيه رسوم استعلام )

ملحوظة اخيرة :- انا عارف ان الفايدة عالية بس انا مضطر لأن معظم البنوك بترفض تتعامل مع فئات معينة زي ظباط الشرطة والمحامين والقضاة والدبلوماسيين ........... ( وانا محامي ) فإضريت اني اقسط مع التوكيل علشان ابعد عن وجع الدماغ .

**Porsche911TT** · 11-09-2012 10:49 PM

المشاركة الأصلية كتبت بواسطة the lawyer

اخيراً بعد تفكير طويل استقريت على اللوجان مانيوال فول اوبشنز ( تقسيط مباشر مع التوكيل بدون بنوك وقرف ) ، وحجزتها من التوكيل اللي موجود عند سور نادي الزمالك بالمهندسين .
بس في حاجة مخلياني قلقان مدير المبيعات هناك قالي ان صوت الموتور بعد 100كم صوته بيبقى عالي فهل في حد من الأعضاء معاه 2013 يفيدنا في الموضوع دا .
الحاجة التانية انا سألته على موضوع السخونة اللي بتطلع من الدواسات ، فقالي ان الموضوع دا اتعالج في موديل 2013 وزوده العزل .
الحاجة التالتة انا نسيت اسأله على الكاسيت هل هو الشكل القديم ولا فيه بلوتوث ويو اس بي ، فهل كل موديلات 2013 فيها يو اس بي وبلوتوث ولا لا

شكراً

ألف مبروك مقدماً يافندم وربنا يسعدك بخيرها ويكفيك شرها.

أنا لسه شاريها نفس الموديل وبرضو مانيوال فل أوبشنز من حوالي 5 أيام.
موضوع الصوت فوق الـ100 مقدرش أفيدك فيه لأني لسه في التليين.
بخصوص العزل ده محستش بحرارة خالص من عند الدواسات لكن نسيت أبص على المواسير معزولة بخرطوم ولا لأ زي ما أحد الأعضاء هنا عامل موضوع مثبت عن خرطوم العزل ركبه بنفسه مكلفوش أكتر من 10 جنيه.
بالنسبة ليا أنا اشتريتها من محمد زكي وقاللي المانيوال مابينزلش فيها ستريو "بلو توث" و "يو اس بي" ، لكن في وصله AUX ممكن توصل أي جهاز فيه وصلة مخرج صوت عن طريق وصلة "أوديو-أوديو" ويبقى كأن عندك Amplifier وربنا يباركلك فيها.

**Porsche911TT** · 11-09-2012 11:54 PM

كنت نازل أشتري حاجة فبصيت على المواسير اللي جنب الدواسات ملاقيتش عزل ، المواسير عريانة.
بس الغريب اني طلعت بيها مشاوير طويلة ممكن توصل لـ 3 ساعات لكن محستش بيها وهي على فكرة مش جنب الدواسات بالضبط لكن عالية عنها بحوالي مايزيد عن شبر.