الستيب واي بتلعب ف الجمجمة
من الآخر كدة انا ان شاء الله حاستلم السانديرو الاوتو مع أول دفعة تنزل.
أنا شفت اللوجان والستيب واي 2013 نزلو السانديرو لسة.. فا حاجة بتلعب في دماغي (بما اني ناقصلي اسبوع علي ال 6 شهور)
أساوم التوكيل بدل ما ألغي الحجز (مش حادفع مليم عشان ال 6 شهور عدو) اغير واستلم ستيب واي فوري.. اللي عاجبني فيها شكلها ستايل والاي بي اس والجنوط.. وانا مابعارضش سواقة المانيوال.. وفيه حاجات أساسا انا مابعتبرهاش عيوب ف الستيب واي زي الزجاج ورا عادي (أحسن من المكان الزبالة اللي فيه الزراير ورا) والمرايات مش كهربا (اساسا ماحدش حايركبها غيري فا مش حاغير ظبطتها وتبقي أرخص لما أغيرها).
الشؤال هنا لناس ساقت المانيوال والاوتو في اللوجان.. ايه احساسك بالفرق؟ أنا ممكن أسوق الاتنين عادي مش باتكلم ع الغيار مانيوال ولا اوتو.. باتكلم علي احساس السواقة نفسه.. المانيوال أحسن ولا الأوتو؟ يا ريت بس الرد بسرعة عشان ألحق أحسم قراري.