كورولا 2007 اشتريها ولالا بسرعه قولولي بسرعه

**Mohyeldin1974** · 13-09-2012 02:27 AM

الاخ الفاضل
انت الوحيد القادار على اتخاذ القرار ، والزملاء اجابوك كلا حسب معطياته وخبراته وكذلك انا ، طبعا انت بتقارن بين كورولا مستعمل و بومه زيرو
افض موديل نزل للكورولا هو الموديل ده عربيه هايله من كل شى شكل خارجى وداخلى وتكييف وصالون وشنطه وقطع غيار وتوكيل الا وزنها الخفيف على السرعات العاليه غير كده لا يعيبها شى غير انها مستعمله ، اما البومه فأعتقد مفيش بيت فى مصر مفيهوش العربيه دى اللى نجحت اوى فى مصر بس شكلها استهلك فى الشارع
فى رايى المتواضع اذا الكورولا نضيفه توكل على الله ولو فى ادنى شك فى حالتها يبقى البومه الزيرو اضمن وان كان السعرين غاليين حبتين
للعلم فقط انا كان معايا كورولا 2006 كامله وبعتها 2011 للسفر وبندم اشد الندم انى بعتها لانى مش هلاقى بالسعر ده عربيه كده

**hossam_elwani** · 13-09-2012 02:33 AM

المشاركة الأصلية كتبت بواسطة abdohtaby

طيب ايه رايكوا في اوكتافيا 2009 انا لاقيت واحده ب 122 الف ايه رايكوا فيها والله شكلها مش متبهدله ومش راشه وماشيه 86 الف كيلو ايه رايكوا فيها

برضه الجديد جديد هو فيه حد يشترى فوق المية الف مستعمل !!!!!!!!!!!!!!

**Y a r i s** · 13-09-2012 04:06 PM

حبيبي يا حسام كل ده علشان قولت على النيسان وحشة ، خلاص ياعم النيسان حلوة وامورة وبنت حلال كمان ... ههههههه. كبيبي يا حسام باشا بص ياسيدي الجديد جديد مختلفناش بس اقتناء افضل موديل في التويوتا. ومن الاشكال الجميلة الي نزلت وهو ٢٠٠٧ كمان ده ليه تمن تاني خالص .... ولمن تبقى معاليك نازل من تويوتا كورولا الملكة غير لمن تكون نازل من حتت عربية لانسر اسمها بومة وتلات تربع الشعب راكبها وفيها انواع كتير بمعنى انا مثلاً من فترة كنت نازل اجيب عربية قولت طيب ما اجيب لنسر ماهي حلوة وامورة وهادية وبنت حلال ويباني .... جيت بصيت في السوق لقيتها بحرررررر اشي حاجة اسمها كلاسيك واشي حاجة اسمها هاف اسبور واشي اسبور واشي حاجة اسمها فانشن ولا فاكشن. مش فاكر بالضبط والاربع انواع دي في منهم المصري وفي منهم الخليجي وفي منهم الاردني وفي منهم ابصر ايه .... فاحترت. وتفاوت في الاسعار غريب ومخيف وعنيف. فقلت لايعم فكك من الكلام ده وخليني ارجع للتويوتا تاني على الاقل عربية فاهمه. وواضحه وصريحة وكل الناس بتحلف بشرفها .... عيب التويوتا الوحيد لمن توئقع في ايد تجارر بيولعوا في اسعارها. بشكل خطيررررر وكل واحد تقولوا ليه يقلك ماهي تويوتا ياباشا ... ترد عليه طبعاً انتا : ما انا عارف انها تويوتا حد قالك اني كنت فاكرها هوندا بس ليه المبالغه في اسعارها
يقولك : سلو بلدنا كده ياباشا
والميستوبيشي والتويوتا. هيا مدرستين مختلفتين واحد بيميل للمدرسة التيوتاوية وفي ناس بتميل للمدرسة الميستوباشية وفي كلى الحلات لصاحب الموضوع لو اشتريت دي ولا اشتريت دي مش هتندم .... لان الاتنين ياباني. وبيقولك المثل ان فاتك الياباني اتمرمغ في ترابوا .... لكن المعروف عن المستوبيشي انوا علشان تستمتع بيه لازم تكون رياضية مش اول فئة والكلاسيك والكلام ده لانوا بيقلك بتختلف اختلاف كلي وكامل والكلام ده من ايام الكريستالة بخلاف التويوتا. الي حتى اول فئة فيها راحة ونقلة نوعية وكلية

وبقول برضو لشقيقي صاحب الموضوع واخويا. ( نام على الجنب الي يريحك ) لانك سواء انمت على جنبك اليمين ( كورولا ) ولا الجنب الشمال ( الانسر) ولاحتى نمت على ظهرك ( نيسان) . فانتا نايم في سرير ( الياباني) والمثل بيقولك ايه الياباني ملهوش تاني وبرمشوا رماني .... ومبيخلينيش اعاني .... وتحياتي

**ali_333** · 15-09-2012 09:08 PM

الكورولا جامدة كشكل انما بالنسبة للفئة والراحة اوكتافيا تغلب وبقوة

**S O P H O S** · 16-09-2012 05:07 AM

المشاركة الأصلية كتبت بواسطة ali_333

الكورولا جامدة كشكل انما بالنسبة للفئة والراحة اوكتافيا تغلب وبقوة

مع اني شايف ان الاوكتافيا اجمل كشكل ..

**S O P H O S** · 16-09-2012 05:23 AM

المشاركة الأصلية كتبت بواسطة mhmhmh75

بص يا باشا صدقني الجديد جديد وهتبقا عارف سر العربية فية فئة في الشارك ب124 مش عارف وعندك تيدا جميلة قوي لوعايز العملية بنفس السعر او يزيد قليل ولو 120 بس خليك في الزيرو الي قدامك مع ان التيوتا دي جميلة جدا بس لو تضمن صاحبها قوي قوي قوي ورغم ذالك بردة الجديد كفاية انك اول رجل حتى يا باشا ريحة العربية ليها فرحة ربنا يوفقك يارب

راي ممتاز