يا وحش ظهر عندي رساله امبارح checkgearbox وسحب العربيه ضعيف جدا
والعلامات بتاعت النقلات مش ظاهره على الشاشه
حد عنده حل عن تجربه حقيقه علشان مدوخش كتير واتدبس
عرض للطباعة
يا وحش ظهر عندي رساله امبارح checkgearbox وسحب العربيه ضعيف جدا
والعلامات بتاعت النقلات مش ظاهره على الشاشه
حد عنده حل عن تجربه حقيقه علشان مدوخش كتير واتدبس
if you get it with check injection then check out your ignition coils
بص على الكويلات ، ممكن يكون في كويل باظ او بيشاور عقله
عموما شغل العربية وافصل كل فيشة من فيش اللي ماسكة في الكويلات على حدة ، اول ما تفصل الفيشة العربية بطلت او عملت رجرجة يبقى الكويل سليم اما لو محسيتش ان في اي تغيير يبقى الكويل بايظ ، جرب وابقى طمنا.
انا مغيرتش زيت فتيس من ازيد من 60 الف كيلوا ، ممكن يكون العيب من زيت الفتيس
ناس كتير قالوا لي غير زيت الفتيس بس مش معلومه اكيده
أيه الأعراض اللى بتظهر معاك تاني ؟
يعنى سحب ضعيف معاه برجلة فى العربية حتى لو و أنت جايب ال n ؟
أو هبدة فى النقلات ؟
يا ريت شرح أكتر.
عربيتى ماشية 108 ألف مغيرتش زيت فتيس هو كلام الكتالوج بيقول إنه بعمر الفتيس بس أنا مقلق
ع العموم اعمل زى ما الأعضاء قالوا وشوف النتيجة
أعرف برضه إن فى حالة رجرجة الموتور جامد أو لو وهو داير حركته بإيدك لقيته بيروح ويجى بتبقى قواعد موتور
بس فى حالتك معتقدش
ممكن يكون زى ما قال الأعضاء كويلات تكون العربية متلتة ولا حاجة
بلاش تغيير زيت الفتيس ألأصلي لو مغيرتهوش قبل كده.......الأصلي أحسن من اللى موجود فى السوق.
و لو متغير قبل كده خلاص غيره............بس تواظب على تغييره كل 30 أو 40 الف كم.
قواعد الموتور ملهاش علاقة بالرسالة.
هو غالباً المشكلة فى الكويلات خصوصاً أنه بيقول أن السحب ضعيف.
و هيلاقى أن العربية و هى واقفة هيلاقيها بتترج على غير العادة.
يا وحوش انا رحت كشفت على العربيه وطلع فعلا المشكله في زيت الفتيس عايز يتغير
لأن رساله checkgearbox بس اللي بتطلع ومفيش اي خبطات لو فعلا كان معاها خبطات كان يكون تغير زيت وسولنيود
هغير بكره الزيت واقولكو ان شاء الله عملت ايه
شكرا ليكو كلكو على المساعده
بصوا يا وحوش صلوا على النبي
المشكله طلعت عندي ان علبة الفيوزات فيه فيش سايحه فيها كتير
فالفيشه اللي كانت رايحه للفتيس كانت سايحه علشان كده كانت طلعت لي الرساله دي
بس انا على العموم كده كده غيرت زيت الفتيس 4 كيلو ونص والعربيه الحمد لله شغاله تماما ومفيش فيها اي مشاكل
وانا مستعد لاستفسار اي حد