من بيبيع فوانيس ديبو Depo للميجان في مصر؟ وبتعمل كام دلوقتي؟؟؟؟
عرض للطباعة
من بيبيع فوانيس ديبو Depo للميجان في مصر؟ وبتعمل كام دلوقتي؟؟؟؟
نصيحه مش تجيبها
لو بتحب سفر وكده نورها وحش قوي معاك
وعلى العموم هاتلاقيها في بورسعيد عند حماده غزي
نزلت صقر امبارح لقيت كل الموجود نوع تاني غير ديبو..والاستيراد بـ600 جنيه الواحد واغلبهم من عربيات دريكسيون يمين..
بصراحة غالى كدا
بس هتفرق إيه عربية دركسيون يمين من شمال
بعدين المشكلة فى إنك لو جبت واحد جديد سواء ديبو أو أصلى هيبقى فارق عن القديم
يعنى أنا مثلا عندى الفانوسين مبهتين كدا مش بيلمعوا زى الفوانيس الجديدة فلو جبت فانوس جديد أصلى أو ديبو هيبقى فارق فى الشكل وكمان الأضاءة بتاعته
هتلاقيه عند رينو عين شمس بتاع مصطفى كامل
16 عين شمس الشرقية
ب 275
ظبطة الاضاءة في الفوانيس بتختلف من يمين لشمال (بالنسبة للدريكسيون) وبما إن مافيش في مصر اجهزة لقياس ظيط الاضاءة يبقى بلاش منه...
بالنسبة لرينو عين شمس دا اروح له ازاي من عند جسر السويس من الحرفيين؟؟؟
هى أيه المشكلة عندك يا h ؟
حاجة أتكسرت لا قدر الله و لا مشبرين أو لونهم أغمق ؟
يعنى حضرتك بتسألنى أنا اللى من المنيا ههههه
أنا من 3 سنين كنت ساكن شهر فى القاهرة فى النعام قريب من قهوة عماد كنت بتمشى فى الشارع دا على طول لحد ما أوصل لميدان الزيتون
بعدين كنت بمشى شمال بعدى على نادى كدا مش فاكر تبع القوات المسلحة ولا إيه وبعدين كنت بلاقى الحتة اللى اسمها جسر السويس فى وشى
وصلت ولا لسة ؟
الديبو ده تايوانى مش صح برضه ؟؟
فعلا قواعد الفانوسين اتكسروا وبقيت تقريبا مش بينورا على الشارع :-) تقريب بينورا النجوم
وصلت يا باشا..بالعافية واللف والدوران والزحمة المستحيلة..بس وصلت واشتريت وبركب دلوقت..هو فعلا اقل من اي حد في السعر..دا غير إن ديبو دا اصلا شكله نادر اليومين دول
هو فعلا تايواني
لا يا باشا..انا لسة ما عملتش زيك :-) عارف المسمار إللي بيربط الفانوس من فوق..الحتة دي إللي اتكسرت في الفانوسين مرة واحدة!!!!!! فطبعا الفوانيس بتلء وبتتحرك مع كل حركة على الطريق
المشكلة في المواتير بتاعة الفوانيس..الموتورين دول بيقروا بعض علشان يوقفوا الاضاءة على نفس الارتفاع..فمع كل رجه الفانوس يقعدوا يلعبوا كل شوية علشان يظبطوا نفسيهم calibration
إنت باينلك خبرة قوى فى موضوع الفوانيس دى
أنا فعلا كنت ملاحظ إن الارتفاع فى الأضاءة فى فانوس أعلى من التانى بس حضرتك قلت إن فيه اختلاف الشمال عن اليمين
انا لما ظبطت من الفانوس اليمين بيعلى الفانوسين مع بعض لكن الشمال جربت ألعب فى الرجلاش بتاعه معملش حاجة
هو الظاهر مع الحرارة والشمس المسامير دى الفبر بتاعها بيضعف وميستحملش اللف
طيب هو الفوانيس الجديدة بمواتير ولا من غير ؟
من غير مواتير..لازم تفك المواتير وتركبها في الجداد...وفي مشكلة تانية خااااالص.. الفوانيس الجديدة بتيجي من غير القاعدة التحتانية (اسفل الفانوس)..لازم نفور برشام قواعد الفوانيس القديمة وبعدين نبرشمها في الفانوس الجديد...ومكان برشامها موجود في الفوانيس الجديدة
جبتهم بكام ؟؟؟؟؟
الواحد ب 275 أوصفلك العنوان ؟ هههههههههه
أزيك يا أستاذ شريف عامل إيه واحشنى
يا سلام دا حضرتك تشرفنى وأنا هبقى سعيد جدا