اشتريت سيراتو 2012

**mido elsakkar** · 12-09-2012 01:44 AM

الحمد لله ياجماعه انا اشتريت سيراتو 2012
خليجى سعودى وعامله 5000 كم
والعربية بسم الله ماشاء الله والله أكبر عليها
مع العلم ياجماعه انى والله ماكنت ناوى سيراتو اصلا ولاكانت فى بالى وكنت بدور على النترا
بس سبحان الله النصيب وقعنى فى سيراتو
وهيا كاملة اتوماتيك بالفتيس الجديد من غير بصمة وفتحة سقف ودول مش مهمين عندى اصلا لانى كان عندى ماتريكس كامله بفتحة سقف ومكنتش بشغله اصلا ولا كنت بفكر اشغله ولونها أبيض وجنط سبور 15 بوصة ومرايات ضم كهرباء
دلوقتى انا عايز اعرف ايه التوكيل اللى اروحة لما اعمل للعربية صيانة ال10000 كم
وايه اخبار سعرهم وياريت لأهل الخبرة بتوع السيراتو ايه اللى اخلى بالى منه دايما فى العربية مع العلم انى من النوع اللى لو حصل حاجة فى العربية مش ببخل عليها بحاجة
وياريت اعرف مميزات العربية دى وعيوبها علشان اقدر اتفاداها

**temo85** · 12-09-2012 02:28 AM

أولا 1000 مبروك على العربية ودى نفس الفئة اللى معايا بالظبط
ممكن تروح التوكيل فى ابورواش عادى جدا حتى لو انت خليجى و ممكن السبع برضه محترمين و فيه مركز انا شخصيا بفضله هو القاهرة أوتو عند كوبرى الجيش طريق السويس الstaff هناك فاهمين جدا و قلهم انك من نايل موتورز بيهتموا بالعربية أكتر و صيانة ال10 عبارة عن زيت 10 الاف و فلتر و check عام على العربية و السوائل
السيراتو عربية حساسة جدا للبنزين حاول تمون من محطات زى وطنية و إمارات مصر و إنشاء الله خير ولو فى حاجه احنا معاك هنا :)

**mido elsakkar** · 12-09-2012 02:31 AM

الله يبارك فيك وتسلم ياباشا على المتابعة
واشكرك جدا على نصايحك دى لانى بصراحة اول مرة اتعامل مع الكيا عموما
ومعلش هتقل عليك هيا تكلفة الصيانة بتتراوح من كام