سؤال عن الريو ...ومشكلة مع سمير ريان !!

**2CODE** · 13-09-2012 05:02 PM

عايز تشتري كيا عموماً اشتري من التوكيل ما شاء الله في كل انحاء الجمهورية وتاخد العربية وانت مطمن ومرتاح وتعامل فوق الممتاز دا ياراجل مسؤل المبيعات بتاع الفرع لما بتصل بيه على سؤال او استفسار هو بيقفل الخط عليا وبيتصل هو

بصراحة تعامل ممتاز لحد الان من التوكيل علشان كده انصحك تشتري منهم وتدخل الضمان معاهم

**hany121** · 13-09-2012 05:13 PM

المشاركة الأصلية كتبت بواسطة moha4tec

متشتريش منه اصلا
دايما بيلعوا فى حته الكوتش دى
الجنط فاضى من غير الكوتش هيعمل 2000 جنيه فرده وحده فقط و الكوتش هتلاقيه من 1100 الى 1300 يعنى الحوار بيتكلم فى 3000 جنيه تقريبا
لو هتشترى العربيه نزل ال 3000 جنيه دول لو وافق تمام جدا و لو موافقش متشتريش

++++++++1

**bassem.naguib** · 13-09-2012 07:58 PM

المشاركة الأصلية كتبت بواسطة kingrab

أنا معرفش أيه نظام الكيا الريو .. بس أنا أعرف إن فيه عربيات مبتنزلش بإستبن
أنا أخويا معاه فولفو s80 مو 2012 جنوط سبور طبعاً .. ولسه إمبارح بس بالصدفة ببص على الإستبن صعقت ...
الإستبن أولاً طاسة مش جنط سبور ومقاس غريب جداً .. رفيع زى كاوتش الموتوسيكل بالظبط !!!!!!!!

ده اتجاه لمعظم صانعي السيارات في العالم .. وذلك لعدم أخد مساحة كبيرة من الشنطة لوضع الأستبن وكذلك لتقليل وزن السيارة وحمولتها .. والكاوتش الرفيع ده بيكون مجرد أنه يمشيك لأقرب محطة خدمة لإصلاح الكاوتش .

المشاركة الأصلية كتبت بواسطة الغزالى

هوا ممكن الاستبن يبئى امريكانى الى هوا لسرعه 80 كيلو .. اه
وممكن تكون العريبه جنوط بس الاستبن حديد ... انما عربيه تنزل من غير استبن ... مش بى ام هيا عشان تصدق .. انما الريو ... انا كا واحد شغال فى معرض عربيات مفيش عريبه بتنزل من غير استبن الا لو الكاوتش run flat tire زى البى ام مثلا

المشاركة الأصلية كتبت بواسطة formulator

الحالتين الوحيدين اللى مايكونش فيهم إستبن:

1- كاوتش run-flat زى الـbmــات.
2- الكاوتش اللى راكب عـ الجنوط يبقى re-inforced sidewall.. (بيبقى مكتوب zr-17 مثلا مش r17)
وفـ الحالة دى لاااااااااااااااازم فـ العدة-الشنطة يبقى فيه kit إسمها fix&go
(كومبريسور بمقياس ديجيتال وممكن يبقى معاهم fast-fit)
غير كده إنســــــــــــــــــــى.. ده حرامى وبيشتغلك؟!!

عـ الأقل إستبن أمريكانى الرفيع 80 كم/س، أو عجلة steel (مش جنط سبور) عليها كاوتش بنفس المقاس اللى راكب عـ الجنوط الـ4

btw: نادر أوى حكاية الـ5 عجلات (4+الإستبن) يبقوا جنوط alloy-wheels؟؟!!!
موجودة بس قليل، وبترفع فـ ثمن العربية كتييييييييييير!!

الترجمة يا رجالة لو سمحتم .. أو المزيد من التوضيح لما تحته خط .

**Ahmed_Adham** · 15-09-2012 09:50 PM

الطبيعى ان يكون الاستبن حديد (حتى لى العجل الاساسي جنوط) وكمان ممكن يكون حديد ورفيع اللى هوه بيمشي على 80 كيلو ده (عشان توفير المساحه فى الشنطه او تحتها) وأنا عندي فى الكارينز النوع التاني الرفيع ده وموجود تحت الشنطه.

لكن جديده موضوع ان العربيه مفيهاش استبن دى. اول مره اسمعها وعلى العموم ممكن تتأكد من التوكيل ان كل الخمس فئات بتوع البيكانتو فيهم استبن وايه نوعه.

**hugan** · 15-09-2012 09:57 PM

فين صاحب الموضوع

**الغزالى** · 16-09-2012 04:39 AM

المشاركة الأصلية كتبت بواسطة karimshady

انا هنا يا رجالة ...:)

أنا قلت للراجل في سمير ريان أنه ينزل السعر مرضيش..وقال أخري معاك هنزلك 250 جنيه ...فوقفت الموضوع الصراحة ...

سألت في التوكيل قالوا كله بالاستبن ..بس مفيش عربيات دلوقتي ...وقالوا كمان شهر :(...حقيقي الشهر ده ولا هستنى كتير :) ؟

لا الوكيل افتكر موجوده
والخليجى موجوة عندى جاهزه ان شاء الله ... ولعلم حضرتك الريو غليت الوكيل تقريبا 3 والخليجى 1 او العكس انا سمعت الخبر ده قبل وانا فى المعرض بس مش متذكر اوى