عرض للطباعة
سلام عليكم....
بعد مستقريت على الريو اخيرا..وبعد ماشفت الألوان وكله تمام ...حصل موقف غريب ...
الرجل بتاع سمير ريان كلمني بيقوللي الفئة ده نازلة من غير استبن !!...
1) هو أصلا فيه عربية من غير استبن ؟؟
2) أنا العربية جنوط ...الاستبن بيبقى جنط برده ولا عادي ؟
3) أنا لو حبيت اجيب جنط على حسابي ...هلاقي نفس الشكل ولا لأ ؟؟
عايز رأيكم يا رجالة :))
شكرا
ايه الكلام الفاضى ده !!! لازم بيكون فيه استبن و جنط كمان زى كل الكاوتش
لو قفلت خالص ماتوقفش البيعه علي جنط وانزل واسئل في الاجنصات لو كلامه مظبوط اتكل علي الله .. وهو الجنط مش هيكلفك اكتر من 800 جنيه
دي سرقة عيني عينك اي عربية بييجي معاها جنط وانا لو منك اوقف معاه على جنط الريو مش هتلاقي شبه ولا زيه وفي التوكيل اسعاره غالية ليه اتكلف تاني هي ناقصة كمان على سعر العربية ؟اقتباس:
المشاركة الأصلية كتبت بواسطة bkaltalamana
يا جماعة احنا اللي بنعود التجار علينا بنتساهل في كل حاجة خلاص ناخد على دماغنا بقى ومنزعلش
أنا الصراحة ناوي اوقفها على الجنط ..علشان أنا مبحبش حد يضحك عليا...وكمان قلتله طب نزلي في السعر...يقولي لأ...اقوله هاتلي طيب الجنط وهدفعلك نفس التمن ..يقولي لأ...طب حضرتك اتفضل قل لي وجهة نظرك فالمشكلة ...يقولي خد الأعلى منها...أنا مش معايا فلوس للأعلى منها...يقولي طيب خلاص هنزللك 250 جنيه...على أساس إنه مثلا بعطف عليا ولا بيديني صدقة !
أنا معرفش أيه نظام الكيا الريو .. بس أنا أعرف إن فيه عربيات مبتنزلش بإستبن
أنا أخويا معاه فولفو s80 مو 2012 جنوط سبور طبعاً .. ولسه إمبارح بس بالصدفة ببص على الإستبن صعقت ...
الإستبن أولاً طاسة مش جنط سبور ومقاس غريب جداً .. رفيع زى كاوتش الموتوسيكل بالظبط !!!!!!!!
صعبه أوى عربية من غير استبن .... عموما الله أعلم .... بس زى ما زميلنا رد عليك أسأل فى أكترمن مكان ولو الكل أكد على الموضوع ده ..... أشترية من أى مكان ولو حتى مش شبه المتركب فيها ....عموما ده أستبن
السرقة شغالة الله ينور ولسة حيعتبرو كراسى العربية اوبشن ويحاسبونا علية اية البلد دة !!اقتباس:
المشاركة الأصلية كتبت بواسطة karimshady
يا استاذ كريم انا معايا ريو 2012 توكيل ومعاها نفس الجنط اللي راكب فيها دي حركة من المعرض تلاقيه باعها ولا اخدها ليه هو او حد من اللي شغالين معاهاقتباس:
المشاركة الأصلية كتبت بواسطة karimshady
انت ليه بتشتري من معارض ماتذهب للتوكيل مباشرتاً هتلاقي العربية معاها الجنط الاصلي نفس اللي راكب عندك ومفيش عربية كيا مش معاها ستبن نهائي دي المعرض سارقها من العربية
هههههه يا لهوى هى ممكن توصل لحد كدهاقتباس:
المشاركة الأصلية كتبت بواسطة mohamed.ramah
هوا ممكن الاستبن يبئى امريكانى الى هوا لسرعه 80 كيلو .. اه
وممكن تكون العريبه جنوط بس الاستبن حديد ... انما عربيه تنزل من غير استبن ... مش بى ام هيا عشان تصدق .. انما الريو ... انا كا واحد شغال فى معرض عربيات مفيش عريبه بتنزل من غير استبن الا لو الكاوتش Run flat tire زى البى ام مثلا
متشتريش منه اصلا
دايما بيلعوا فى حته الكوتش دى
الجنط فاضى من غير الكوتش هيعمل 2000 جنيه فرده وحده فقط و الكوتش هتلاقيه من 1100 الى 1300 يعنى الحوار بيتكلم فى 3000 جنيه تقريبا
لو هتشترى العربيه نزل ال 3000 جنيه دول لو وافق تمام جدا و لو موافقش متشتريش
لازم يكون فيه استبن وممكن يكون حديد مش جنوط وممكن يكون رفيع عشان مياخدش مكان فى الشنطة
فى الريو الخليجى بينزل جنط زى اللى راكبين
انت عربيتك خليجى ولا وكيل
عن تجربة مع سمير الريان انا مش بدافع بس ده الى حصل معايا
كنت عايز الريو اعلى فئة خليجى ومكنتش موجودة وقالولى هتيجى يو الاحد وكنا ساعتها سوم الثلاثاء الى قبلة
وكنت شفت العربية فى مكان تانى وحجزتها بس اللون مكنش عاجبى واجلت الاستلام ليوم الاتنين بحيث اشوف العربيات الى هتيجى لسمير ريان على كلام الناس بتوع المعرض
كلمونى فعلا يوم الاحد الصبح قالولى العربية جت بس هتستلمها بعد يومين علشان هى لسة عند المستورد بس خلاص انت اوكى نجيبهالك
قلتلهم احنا معادنا النهاردة لو مشفتهاش بعنيا النهاردة مش عايزها
فعلا رحت المعرض وطلع معايا واحد من المندوبين
ورحنا عند المستورد وشفت العربية فى المخزن هو كان مشوار بس معلش ولاقيت المستورد نفسه هو الى بيقولى والله يا بشمهندس كل العربيات الى جت فى اللوت ده من غير طفاية
انا اصلا مش بدخن فالموضوع مش فارق معايا فقلت اوكى
الى انا عايز اقوله بلاش نتهم الريان لان الموضوع من تجربتى مكنش بايدة المستورد هو الى ماخدش بالة ودى مشكلته هو مش مشكلة المعرض الى يادوب بيبيع
واعتقد هتلاقى المشكلة دى فى كل المعارض مش عنده بس
بس نصيحة لو الجنط ال 17 هات الفئة الاعلى لانك مش هتلاقية ولو لاقيته هتلاقيه غالى جدا
الحالتين الوحيدين اللى مايكونش فيهم إستبن:
1- كاوتش Run-flat زى الـBMــات.
2- الكاوتش اللى راكب عـ الجنوط يبقى Re-inforced sidewall.. (بيبقى مكتوب ZR-17 مثلا مش R17)
وفـ الحالة دى لاااااااااااااااازم فـ العدة-الشنطة يبقى فيه kit إسمها Fix&Go
(كومبريسور بمقياس ديجيتال وممكن يبقى معاهم Fast-Fit)
غير كده إنســــــــــــــــــــى.. ده حرامى وبيشتغلك؟!! :beatbrick:
عـ الأقل إستبن أمريكانى الرفيع 80 كم/س، أو عجلة Steel (مش جنط سبور) عليها كاوتش بنفس المقاس اللى راكب عـ الجنوط الـ4
btw: نادر أوى حكاية الـ5 عجلات (4+الإستبن) يبقوا جنوط Alloy-wheels؟؟!!!
موجودة بس قليل، وبترفع فـ ثمن العربية كتييييييييييير!!
ده كلام فارغ طبعا تلاقيهم شالو الاستبن من اربع عربيات جنطه بيها عربيه خامسه وبيع يا معلم
متشتريش من سمير ريان , انا كنت شارى منه و ندمت انى جبتها منه مبيرضاش ينزل من سعر العربية غير 100 جنيه و كان تمنها 110 ألف !!!! هو خلاص أغتنى و مش هامه الزباين و ادانى غطا معفن كده ميجبش أكتر من 50 جنيه و طقم دواسات من بتاع التكاسى ملوش لازمه خدت كل ده و جبت غيره تانى انا عشت معاه أسابيع أيام ما كنت بشترى من الأخر حسسه انك ممكن تفكس للبيعه كلها و انك بايع القضية هتلاقيه بيجرى وراك ولو مخدتش حقك و اللى انت عاوزه منهم متشتريش , من حقك تاخدها بجنط زى بقيه ال4 كوتشات و السعر تنزل فيه غير كده شوف جابر عبد الشهيد أو المصرية و فى معارض كتير فى شارع الطيران و مصر الجديدة كلهم خليجى
ومن الحاجات اللى بتنرفزنى فى سمير ريان ان لو انت رايح تاخد بى إم او باسات مش سيراتو ولا ريو هتشوف فرق المعامله و الهدايا اللى بتتطلع مع العربية وممكن العربية تجيلك لحد البيت كمان , من الأخر فى طبقية واضحة فى المعاملة بين الزباين
اقتباس:
المشاركة الأصلية كتبت بواسطة kingrab
الكارينز 2013 نازل معاها نفس الإستبن الصغير ده برضو .. دي مقبولة لإن أصلاً مكان الإستبن اللي تحت العربية ميشيلش عجلة كاملة فواضح إنها بتطلع من الشركة كده .. لكن معتقدش إن شركة كيا ممكن تطلع عربية من غير إستبن و الأغلب هو إن سمير ريان بيستهبل .. لو عاوز تقطع الشك باليقين كلّم 19542 و إسألهم هي بتنزل بإستبن ولا من غير و لو بإستبن مقاسه كام و الجنط نوعه ايه أو روح أي معرض تاني و شوف عنده الوضع ايه .. و نصيحة لو إنت مش مرتاح ما تشتريش لإنك هتتضايق بعدها .. خد راحتك و متدفعش غير و إنت مرتاح و متطمن 100%
استاذ كريم هو حضرتك ليه مصمم تاخد عربيه من المعرض؟؟؟؟؟؟؟؟؟؟؟؟
اشتريها من الوكيل نفسه او اى مكان تانى مضمون
وياعالم المعرض ده مقلب ايه من العربيه تانى
باشا أنا معايا الريو 2012 هاي لاين وكيل و نازلة باستبن نفس جنط العربية و مقاس الكاوتش، نصيحة متخدهاش على الوضع دة.
عايز تشتري كيا عموماً اشتري من التوكيل ما شاء الله في كل انحاء الجمهورية وتاخد العربية وانت مطمن ومرتاح وتعامل فوق الممتاز دا ياراجل مسؤل المبيعات بتاع الفرع لما بتصل بيه على سؤال او استفسار هو بيقفل الخط عليا وبيتصل هو
بصراحة تعامل ممتاز لحد الان من التوكيل علشان كده انصحك تشتري منهم وتدخل الضمان معاهم
++++++++1اقتباس:
المشاركة الأصلية كتبت بواسطة moha4tec
ده اتجاه لمعظم صانعي السيارات في العالم .. وذلك لعدم أخد مساحة كبيرة من الشنطة لوضع الأستبن وكذلك لتقليل وزن السيارة وحمولتها .. والكاوتش الرفيع ده بيكون مجرد أنه يمشيك لأقرب محطة خدمة لإصلاح الكاوتش .اقتباس:
المشاركة الأصلية كتبت بواسطة kingrab
اقتباس:
المشاركة الأصلية كتبت بواسطة الغزالى
الترجمة يا رجالة لو سمحتم .. أو المزيد من التوضيح لما تحته خط .اقتباس:
المشاركة الأصلية كتبت بواسطة formulator
السلام عليكم
بص يا استاذي موضوع الاستبن و الكلام ده المعارض بتاخذه او بيستبدلوه
لسبب بسيط
انا عربيتي ريو 2013 خليجي اعلى فشة و اشتريتها من سمير ريان
بردو استغبرت من الموضوع لكن لكن انا عندي ستبن لكن الصغير مش جنط زي باقي العجل
و مفروض كمان يبقى فيه عدة صيانة و شنطة طوارئ دي اساسي في العربيات الخليجي مش موجودين بردو
يعني انا مشتري الريو خليجي ب 129.5 الف و الاستبن صغير و رفيع كأنه بتاع فزبة
الطبيعى ان يكون الاستبن حديد (حتى لى العجل الاساسي جنوط) وكمان ممكن يكون حديد ورفيع اللى هوه بيمشي على 80 كيلو ده (عشان توفير المساحه فى الشنطه او تحتها) وأنا عندي فى الكارينز النوع التاني الرفيع ده وموجود تحت الشنطه.
لكن جديده موضوع ان العربيه مفيهاش استبن دى. اول مره اسمعها وعلى العموم ممكن تتأكد من التوكيل ان كل الخمس فئات بتوع البيكانتو فيهم استبن وايه نوعه.
فين صاحب الموضوع
انا هنا يا رجالة ...:)
أنا قلت للراجل في سمير ريان أنه ينزل السعر مرضيش..وقال أخري معاك هنزلك 250 جنيه ...فوقفت الموضوع الصراحة ...
سألت في التوكيل قالوا كله بالاستبن ..بس مفيش عربيات دلوقتي ...وقالوا كمان شهر :(...حقيقي الشهر ده ولا هستنى كتير :) ؟
لا الوكيل افتكر موجودهاقتباس:
المشاركة الأصلية كتبت بواسطة karimshady
والخليجى موجوة عندى جاهزه ان شاء الله ... ولعلم حضرتك الريو غليت الوكيل تقريبا 3 والخليجى 1 او العكس انا سمعت الخبر ده قبل وانا فى المعرض بس مش متذكر اوى
نفس اللى حصل معايا فى السيراتو 2013 الاردنىاقتباس:
المشاركة الأصلية كتبت بواسطة kingrab
طبعا نصبببب
اقتباس:
المشاركة الأصلية كتبت بواسطة montasereliraq
يا باشا الالفئة دة بتنزل بنفس الجنط استبن بس المعارض بخدوة و يحطوة دة لانوا نازل 17 كاوتش كونتننتل و طبعا غالى جدا علشان كدا بيسرقوا دة سرقة معارض و هى دة مصيبة الخليجى متبقاش فاهم العربية فيها اية و مفهاش اية انا شفت معارض حاطة الجنط و شفت معارض كمان شايلة الكاسيت
عندك الف معرض أنزل وهاتها من أي معرض تاني او من التوكيل وسيبك منهم دي سرقه عيني عينك
والله مش لاقي معارض عندهم خالص.اقتباس:
المشاركة الأصلية كتبت بواسطة mohamed moataz
ابعد بلاش نصب ................. مش كفاية تمن العربيه
يعني الي يخلي المعارض تشيل الكاست بتاع العربيه الي ثمنه لا يقل عن 4 الاف جنيه و يخليلك دي في دي ب 500 جنيه و بيتباع في شارع سوريا ب 900 جنيه يا فرحتي شاشة كبيرة في التبلوهاقتباس:
المشاركة الأصلية كتبت بواسطة ekrami
و الي يخليلك ويب كام ورا على ان العربيه فيها كاميرا و يزود على سعرها 1500 جنيه مع ان الكاميرا ب 200 ولا 300 جنيه
سياسة بشعة و استغلاليله بيتبعوها اكثر المعارض المصريه للعربيات للأسف
اتصل بالوكيل واسأله ورالرقم 19542
السلام عليكم انا لسه جايب السيراتو 2013 هاي لاين ومعاها الاستبن جنط فياريت لو ترجع للمندوب الي بعلك العربيه او ادخل للحج سمير وشوف ازاي الموضوع ده.اقتباس:
المشاركة الأصلية كتبت بواسطة dr.makram