فين مكان الوكيل علشان اشتري بروتون؟

**gamalo** · 12-09-2012 02:10 AM

اخواني الاعزاء بعد فترة طويلة من المقارنات عن السيارات كنت خلاص قفلت معايا ونويت علي رينو لوجان وبقيت اعمي عن اي عربية تانية لحد ماقرات عن الساجا ف هذا المنتدي العملاق بجد وعجبتني جدا وكمان شفت فيديو يوتيوب مقارنة بين الساجا والرينو لقيت فية عيوب كتيرة جدا ف تقفيل الرينو ولقيت ان هذة السيارة (البروتون) هذا العملاق الصغير تحفة بجد بس مع قراءاتي عن قطع الغيار واستهلاك البنزين متخوف شوية ----- وليا استفسار ياريت حد من حضراتكم يعرفني بية انا لو معايا ثمن السيارة كاش ممكن اعمل اية وهل ياتري الاستلام منين وبياخد اد اية من الوقت لاني من المنصورة وكان معايا سيارة 128 وبعتها وخايف من كثرة المشاوير لان لو فية وقت طويل عن الاستلام هيخليني غصب عني ادور علي غيرها لاني محتاجها الايام القادمة ضروري --انا اسف علي الاطالة بس ياريت حد يطمني من حضراتكم ولكم جزيل الشكر

**Al-Farooq** · 12-09-2012 05:08 PM

طبعاً انت ممكن تشتري من موزع وممكن تشتري من التوكيل
الوكيل هو عز العرب - طريق مصر اسكندرية الصحرواي قبل داندي مول والقرية الذكية مباشرة
طريق المواصلات ، انت بتنزل الجيزة وتروح الرماية او لو من الدائري تنزل الرماية وبتركب من الرماية القرية الذكية وتقول له عاوز انزل عز العرب
وفى التسليم بيتم الاتصال بك وبيقولك تعالي استلم ،
ولكن ميعاد التسليم غير مؤكد ومكن يتأجل كذا مرة والفترة بتاعه الانتظار ممكن تدخل فى شهرين
يعني يقولك اسبوعين والفترة تلاقيها ممكن تمتد لشهرين ،
وجايز يكون فى شحنة موجودة وظروفك حلوة وتستلتم بدري ، الله اعلم

ولو معاك ثمن السيارة كاش ، انت ممكن تحجز بالمبلغ اللى يعجبك ، او تحجز بألف جنية بس
وتكمل الباقي عن الاستلام ، و تحاول تاخد تخفيض الف جنية عن السعر الرسمي على الاقل "وانت وشطارتك" لأنك بتدفع كاش.
ودة عنوانهم من الموقع بتاعهم

http://www.proton-egypt.com/.......-us/.......-us.html

بدل النقط حط كلمة c//ontact ، واحذف ال // فى الكلمة

وممكن تتصل بمسئول مبيعات بروتون بعز العرب استاذ محسن صالح مباشرة
01005119209