عايز اظبط 131 tc الماني

**ana** · 13-09-2012 05:37 AM

يا باشا ولا حاجه انت تامر بس انا عايز اطلب منك حاجه
قبل ما تسقط الماتور ده اتاكد من الميكانيكى ان الاكسات بتاعت الكارونه تخينه ولو لقاها الرفيعه هتغير مع الموتور ده الكارونه بكارونه يابانى بتاعت تويوتا كرسيدا او بتاعت 131 cl بس هتبقى ضعيفه شويه

**darch11** · 13-09-2012 02:11 PM

تمام يا باشا باذن الله هاخد معايا ميكانيكي و هنتأكد من الكرونة و لو في جديد هقولك :)

**michohat** · 13-09-2012 03:53 PM

حضرتك لو هترش
اتفقت مع بتاع الدوكو علي كام
والعربية الدوكو بتاعها القديم هينزل وهتكون ع الصاج قبل الرش ولا هيسحق و يرش فوق القديم

**ana** · 13-09-2012 04:03 PM

المشاركة الأصلية كتبت بواسطة darch11

تمام يا باشا باذن الله هاخد معايا ميكانيكي و هنتأكد من الكرونة و لو في جديد هقولك :)

ماشى يا باشا لو فى اى حاجه عرفنى

**ana** · 13-09-2012 04:14 PM

المشاركة الأصلية كتبت بواسطة michohat

حضرتك لو هترش
اتفقت مع بتاع الدوكو علي كام
والعربية الدوكو بتاعها القديم هينزل وهتكون ع الصاج قبل الرش ولا هيسحق و يرش فوق القديم

باشا اوعى تخلى حد يعمل كده ويحرق العربيه على الصاج لان دى عربيات قديمه واتدقت الف مره وهتبقى واكله معجون كتير و صاجها متشوه لو عايز الصح احرق اه بس مش على الصاج روح عند سمكرى نضيف ويحرق المعجون الزياده و واللى محتاج مللى يدق دقه ووقت متخلص عنده اطلع على البوهيجى بتاعك خليه قبل ما يعمل اى حاجه يرش العربيه طبقه دهان مط وتبقى معرف السمكرى ان لو فى فى العربيه حاجه ماخدتش بالك منها هترجعله لانهم بيزعلو من الكلام ده اوى بس يتفلق طبعا انت ليك مصلحتك ولو موافقش على الكلام ده من الاول شوف غيره من الاول

**michohat** · 13-09-2012 05:16 PM

العربية اللي معايا اترشت مرتين
اول مره بويه المصنع نزلت وبقت ع الصاج و اترشت
تاني مره البوية اتسحقت و اتلقطت معجون و اترشت
فهل كده هكون محتاج انزل كله علشان مش يكون فيه طبقات معجون كتير؟

وعاوز اعرف تكلفه الرش الميتاليك الفرن بكام لان بتاع الدوكو قال لي من 2000 : 2500
ولسه مش ابتديت شغل فى العربية خالص لسه بظبط وبشوف العربية عاوزة ايه قبل ما افك

**michohat** · 13-09-2012 05:21 PM

بعد إذن صاحب الموضوع ممكن اطرح رابط لموضوع كتبته علشان السمكري بيقول لي عاوز يغير الابواب فهل فعلا الابواب عاوزة تتغير
معلش مش عارف اخد الصور اللي فى الموضوع واحطها هنا لاني فى الشغل حاليا و إدارة النظم مقننه استخدام الانترنت
http://www.nilemotors.net/Nile/307427-4.html

**ana** · 13-09-2012 06:56 PM

المشاركة الأصلية كتبت بواسطة michohat

بعد إذن صاحب الموضوع ممكن اطرح رابط لموضوع كتبته علشان السمكري بيقول لي عاوز يغير الابواب فهل فعلا الابواب عاوزة تتغير
معلش مش عارف اخد الصور اللي فى الموضوع واحطها هنا لاني فى الشغل حاليا و إدارة النظم مقننه استخدام الانترنت
http://www.nilemotors.net/nile/307427-4.html

بيبان ال131 غاليه جدا و فى حدود 2800 : 3000 وممكن تلاقى لونه بس موضوع البيبان هتنفع ولا لا ده مينفعش احكم عليه من صوره وغير كده روح اسال سمكرى تانى غير اللى سالت عنده و لو حكمت تغيرهم شوف لو فى حد معاه تاكسى هيسلم احلال خد ال4 بيبان ب 1000 او 1200 بالكتير و شوف وقوللى عملت ايه