عايز اظبط 131 TC الماني من حيث الموتور و غيره انا كل العايزه جري و دريقت فيا ريت حد يقولي اعمل ايه انا معايا 15000 للتظبيط و با ريت محدش يقولي bmw موديل 80-89 عشان انا والله شوفت اكتر من 12 bmw e30 كلهم يا شاسيه يا عفشة ضايعة
عرض للطباعة
عايز اظبط 131 TC الماني من حيث الموتور و غيره انا كل العايزه جري و دريقت فيا ريت حد يقولي اعمل ايه انا معايا 15000 للتظبيط و با ريت محدش يقولي bmw موديل 80-89 عشان انا والله شوفت اكتر من 12 bmw e30 كلهم يا شاسيه يا عفشة ضايعة
ممكن تسقط ماتور عدل فيها و دة فى حدود 6-7 غير العفشة الرياضية و جنوط و كدة , بس انا هقولك رائى ظبط الى معاك دى ودلعها زى ما انت عاوز من غير ما تفتح على نفسك فى الماتور و العفشة وكدة و بردو هتلعب بيها :) و شيل الفلوس ربنا يكرمك و تزودهم و تبيع الى معاك و تجيب عربية جديدة رياضية ( او بمعنى متظبطة جاهزة )
فكرة حلوة يا shade انا ممكن اصرف بس حوالي 5000 و اسيب الباقي اصل انا عايز اسقط موتور بتكيف و شغل فايبر و كدة
سقطلها موتور ارجينتا 2000 سى سى بالتكييف والفتيس والضفيره وهيعمل حوالى 4000 او 4500 بالكتير وغير الكارونه بكارونه تويوتا كرسيدا او ممكن تسيب اللى عندك لو الاكسات اللى عندك التخينه مش الرفيعه ووطى العربيه وحطلها جنط 15 وصدقنى والله هتدعيلى ومش هتبيع عربيتك دى نهائى بس اتاكد ان الموتور الارجنتا ال2000 مش موتور ال132 العاديه وربنا يوفقك
صحيح اوعى تعمل اى شغل فايبر من اى نوع فى ال131 لان لو عملت ايه شكلها بيبقى وحش قووووووووووووووى سمكره نضيفه والاكصدامات الفبر اللى بضوافر قصيره وعتب شاهين الفبر و شيل باكتات البيبان وغير كده صدقنى والله يبقى عك وعلى فكره انا كان معايا 131 وقعدت مع الحاج 17 سنه ومعايا 3 سنين ولسه بايعها من سنه وكنت عامل فيها اللى بقولك عليه وكانت الناس بتقف تتفرج عليها وبجد عربيه محترمه جدا جدا واصيله جدا وانا الحمد لله راكب دلوقتى بيجو 406 بس والله لو شوفت 131 نضيفه بقف اتفرج عليها وهفضل احترم العربيه دى طول عمرى ربنا يباركلك فيها ويديك خيرها ويكفيك شرها
100 / 100
ربنا يخليك يا باشا علي الرد بس لو سمحت ممكن اعرق اجيب الموتور ده منين انا في القاهرة ؟
اعرف*
موجود فى بورسعيد والوكاله وعزبه شلبى بس اضمن مكان تجيبه منه وتضمن انه متقفل على ابوه فى بنك الاسكان بورسعيد وممكن تلاقيه فتيس اوتوماتيك بس نصيحه هاته مانيوال لو عايز جرى و شد وخد طبعا ميكانيكى معاك و لو عندك اى استفسار انا تحت امرك
ربنا يخليك يا باشا والله ما عارف اشكرك ازاي :)