ان شاء الله ناوى اجيب لاب توب فى حدود 3.500
فى ماركة معينة حد يفضلها ليا فى الشراء
انا كنت شوفت حاجة صناعة المانى و مواصفاتها كويسة هيا دى كويسة ولا فى حاجة افضل
عرض للطباعة
ان شاء الله ناوى اجيب لاب توب فى حدود 3.500
فى ماركة معينة حد يفضلها ليا فى الشراء
انا كنت شوفت حاجة صناعة المانى و مواصفاتها كويسة هيا دى كويسة ولا فى حاجة افضل
هتعمل بيه ايه
حاليا الماركات الكويسه ديل ولينوفو .
أدخل على الموقع دا وشوف العروض
www.egyptlatop.com
عامة عشان يكون فى بالك إن كل اللابتوبات صناعة صينى والله أعلم
وبصراحة الماركات كلها كويسة مفيش حاجة وحشة بس على حسب الإمكانيات اللى إنت عايزها من الجهاز جهاز هتلعب عليه وجرافيكس أو جهاز استخدام عادى
هو الديل كويس وسعره كويس كمان بالنسبة للأمكانيات
السونى جميل برضه بس سعره غالى شوية بإمكانيات أقل
عندك إتش بى
وإيسر ولينوفو وتوشيبا (على ما أعتقد بيتجمع فى مصر سعره غالى شوية فى الحديث منه عشان توكيله فى مصر بس أنا شايف إنه أكبر عيب فيه إنه تبع شركة العربى )
كل دى ماركات كويسة مفيش حد اشتكى منها فيه ناس اشتكت من سخونة الإتش بى فى بعض الموديلات ولكن بيبقى سوء استعمال أو كل جهاز بيبقى ليه ظروف عمل معينة لو مش متوفرة طبيعى إنك مش هتاخد الأداء الكامل للجهاز
بالنسبة للإتش بى ميزته إنه ضمانه عالمى
اول شى السونى تشوفه
وبعدين التوشيبا دول افضل حاجه
هو المبلغ هيحجم اختياراتك طبعا فلو عايز ماركة كويسة
كنت هقولك سوني فايو
لكن بمقدار المبلغ انصحك بسامسونج ماركة مش مشهورة في اللابتوب
بس ممكن بالمبلغ ده تجيب امكانيات عالية بالسامسونج
ونفس الكلام لينوفو الاتنين لسه جداد بس بينزلوا امكانيات عالية باسعار اقل
او لاما بقى تتجه للماركات التقليدية hp , toshiba , dell وسيبك خالص من asus , acer
او اي ماركات غريبة تلاقيها غير اللي فوق
بص يا باشا انا معايا FUJITSU لسه جايبه من 4 شهور . مواصفات :
Core i3 , 6 g RAM , 320 HD
الجهاز صناعة و تقفيل المانى 100% ده أكيد . الحاجة الوحيدة اللى فيه مش المانى البطارية : صناعة يابانى و تقفيل صينى.
الجهاز فى المجمل 100% من حيث السرعة و وقت الشغل و مبيسخنش , الميزة اللى فيه كمان ان فيه 2 مروحة للبروسيسور واحدة من تحت و التانية من الجنب و دى ميزة لان مروحة تحت ممكن تتسد لو انت حاطط الجهاز على سطح مش مستوى.
الجهاز فيه 3 usb
1 HDMI
1 RGB port
الجهاز فيه كارت شاشة محترم 1650 بيشتغل بكامل طاقته علشان الرامات 6 جيجا.
الجهاز كان عامل ايام ما جبته 2700.
فيه امكانيات أعلى فى الماركة دى ممكن تشوفها و بالسعر اللى معاك.
مفيش حاجة اسمها سيبك من أسوس وإيسر ولينوفو لسة جديد الماركات دى محترمة جدا للعلم
اللى مغلى السونى الشهرة مش أكتر مش عشان هو الأحسن دايما ولا حاجة دا من وجهة نظرى
بل بالعكس دا الناس بتشكر جدا فى اللينوفو دا بالذات وإيسر عن تجربة مع إبن عمى لاب توب جميل جدا
السونى فايو بصراحة شكله جميل من برا
والديل ستوديو تحفة برضه
والاتش بى بافيليون بكل أنواعه جميل شكلا وامكانيات
حضرتك لو فكيته هتلاقي الرام مش صناعة الشركة وصيني ايضا المروحة صيني
وبالاضافة للبطارية كما قلت وايضا الشاحن وده مش عيب فيه لكن كل الماركات اصبحت متشابه
الا فموديلات العالية
عموما بالمبلغ ده شوف توشيبا هيكون امكانيات متوسطة بجودة معقولة
او ديل امكانيات هتكون اعلي من التوشيبا
او اسوس وده لو عاوز مقاش شاشة 14 وهيكون الخيار الوسط وضمان سنتين
والله اعلم ..
وزى ما قال العضو الفاضل فوجيتسو سيمنز كويس برضه
بس أعلق على حتة المروحتين مش عشان فيه مروحتين يبقى نسد الفتحة اللى تحت أعرف الاول تصميم المروحتين دول لأنى شفت جهاز سيمنز فى حالة السخونة بتشغل مروحة بتدوس على زرار
يعنى دى مش ميزة ولا حاجة تميزه بيها عن باقى الأجهزة لأن كل جهاز ليه نظام معين تصميم معين
عامة كل الأجهزة مينفعش تقعد بيها وتحطها على قماش السرير مثلا عشان متسدش فتحات التهوية
لأنه المروحة بتسحب هواء من تحت ترميه برا من الفتحات اللى على الجمب
حدد الاول مواصفات للجهاز قبل ما تدور على ماركته
البروسيسور i3 و اللا i5 .. بتفرق الف جنيه فى ثمن الجهاز
الرامات على الاقل 4 جيجا
الهارد على الاقل 500 جيجا
كارت الشاشه لو عايز جهاز يشتغل و خلاص يبقى intel 3000 ... لو عايز تلعب يبقى ATI 6000 فأعلى ... لو عايز تصميم و جرافيك يبقى Geforce 520 فأعلى ... نوعيه كارت الشاشه بتفرق 500 جنيه فى ثمن الجهاز
لو الميزانيه اقل من 4000 يبقى شوف الموديلين دول lenovo G570 - Dell Inspiron 5110
لو اكثر من 4000 يبقى توشيبا و ياريت يكون من عائله C6 او C8 (بمعنى موديله مثلا C660-A40 مش C360-A100 )
معدى 5000 يبقى على طول sony Vaio او Dell XPS
شوف المواصفات و حدد الموديل اللى انت عايزه الاول و شوف سعره على الانترنت فى egprices او egyptlabtop و بعدين انزل بنفسك و اسال فى المولات اللى فى مصر الجديده ناحيه روكسى او مول البستان اللى فى التحرير لان الاسعار على النت تقريبية ...
اتاكد طبعا ان الجهاز معاه ضمان ... و حاول تشترى جهاز معليهوش windows لانهم بيحملوا ثمن نسخه الويندوز على الجهاز (300-400 جنيه) انت اولى بيهم و تبقى تاخد DVD ويندوز من اى حد تنزلها ...
بالتوفيق ان شاء الله
يا باشا الرامات و المروحة مش هما الجهاز :الجهاز فيه البروسيسور و الهارد ديسك و السى دى و الشاشة LED و لوحة المفاتيح و كارت الشاشة و باقى القطع كله المانى . سؤال ليك انت فتحت الجهاز ده؟؟ ..... مهما كان اكيد افضل من الصينى ( الصناعة و التقفيل).
لا يا باشا دى ميزة و عن تجربة مع جهاز HP Pavilon مع اخويا الجهاز باظ منه علشان كان بيشتغل بالجهاز على تربيزة عليها مفرش و مكنش بياخد باله ان المروحة من تحت.و كمان الجهاز لو حبس المروحة على رجليه بيبقى بطيييييييىء و بيهنج.... مروحة السيمنز كل واحدة بتشتغل على حدة لكفائة تبريد اقوى و ده من موقع سيمنز. المروحتين للبروسيسور . غير مروحة للهارد و كارت الشاشة.
عموما الجهاز فى المجمل جيد جدا بالنسبة لشغلنا العادى .. انما لو عايز جهاز للجرافيكس العالى يبقى تشوف اجهزة core i5 : توشيبا , سيمنز , سونى ,
dell inspiron N series
ع العموم شكرا للتوضيح
بس أجهزة سيمنز مشهود ليها بإنها بتستحمل الظروف الشاقة ومعظم المصانع بتعتمد عليها
انت مقلتش استخدامك للجهاز لسه
الاخوة فادوك قوي شوف بقا انتا عايز اية وعلى ما اعتقد ان لينوفو الاسم الجديد للماركة الشهيرة قديما ibm
طبعا بعد كلام الاخوة الأفاضل مافيش كلام و لكن:
اولا لازم فعلا تحدد اللي انت عاوزه من الجهاز لان لو استخدامك زيي انا مثلا يادوب اكسيل و نت و باوربوينت و الكلام الماضي ده ممكن توفر فلوس كتير و تجيب حاجة علي قدك لان انا الشغل التقيل باعمله علي ديسك توب لاني مش بارتاح في اللاب انما لو العاب يبقي ليه مواصفات تانية و البرمجة حاجة تانية كده يعني
ثانيا: لابات مصر كلها من الصين تحت اشراف الشركة المصنعة و الالماني او الياباني الاصلي سعره بيعدي بمراحل خيالية و ده بسبب الجمارك لانها بتفرق في بلد المنشأ و عن تجربة شخصية من سنة بالضبط فوجيتسو من مصر ب 4500 و نفس الجهاز من المانيا بالضبط ب10500 سوني فايو من مصر ب 17000 و نفس الجهاز من أمريكا ب35000 أظن الفرق واضح جداااا
ثالثا الصناعة الصيني مش معيوبة دول عملوا أقمار صناعية و صواريخ العيب في اللي بيروح يجيب منهم
رابعا 80% من انتاج الرامات خصوصا و الهاردات عموما صيني او ماليزي و ده عشان فرق سعر الأيدي العاملة
خامسا اللاب يتصنع في اي مكان في العالم عادي جدا مادام تحت اشراف الشركة المصنعة لانهم كلهم بيعدوا بنفس مراحل الانتاج و اختبارات الجودة بالضبط لان مافيش شركة هاتحب تضيع سمعتها هي بس بتدور عالتسهيلات و رخص الأيدي العاملة بما لا يؤثر علي جودة المنتج
توشيبا العربي من افضل الشركات في الجودة في العالم و للعلم إنتاجها كله للتصدير و قليل
جدا منه في مصر لكن خدمة العملاء زبالة زيهم زي اي توكيل لاي سلعة في مصر حاطط في دماغه اننا مش بشر
و أخيرا كله زي بعضه في الماركات المعروفة و الفروقات طفيفة جداااا و لن تشعر بها لانك لازم تلاقي في كل جهاز حاجة