اقتراح للاداره لتطوير المنتدى

**mado83** · 12-09-2012 11:20 AM

عندى اقتراح مقدم الى الاستاذ كريم منير واداره المنتدى الكرام
ليه مانطورش المنتدى بحيث انه يكون فيه حاجه زى الشات اللى موجوده فى الفيس بوك تقدر تعرف الاعضاء الاون لاين واكيد طبعا هيكون فى اضافه زى الصداقه
ونقدر نتكلم اون لاين مع بعض
طبعا ده مجرد اقتراح لان الواحد فعلا بيحاول جاهدا انه يرفع من شأن نايل موتورز على قد مابيقدر وبصراحه بحس فيه انى مع اسرتى واصحابى ومش عاوز حدف طوب ده مجرد اقتراح

**Dr_Mido** · 12-09-2012 11:25 AM

صعب جدا لسببين الاول انه هيحتاج موارد مضاعفه للسيرفر ودة معناة تكاليف كبيرة للادارة

ثانيا هيبقى صعب السيطرة ومراقبه كل المحادثات دى منعا للمعاكسات والهبل اللى ممكن يحصل دة غير ان المنتدى ليه جروب فى الفيس بوك تقدر تشترك فيه وتتكلم براحتك

https://www.facebook.com/groups/6659976101/

**mado83** · 12-09-2012 11:29 AM

المشاركة الأصلية كتبت بواسطة dr_mido

صعب جدا لسببين الاول انه هيحتاج موارد مضاعفه للسيرفر ودة معناة تكاليف كبيرة للادارة

ثانيا هيبقى صعب السيطرة ومراقبه كل المحادثات دى منعا للمعاكسات والهبل اللى ممكن يحصل دة غير ان المنتدى ليه جروب فى الفيس بوك تقدر تشترك فيه وتتكلم براحتك

https://www.facebook.com/groups/6659976101/

انا عارف طبعا الكلام ده ولكن الفيس بوك برضو ممكن يحصل فيه معاكسات
انا بقول انه لازم يكون فى اضافه صداقه علشان تتم المحادثه
وكمان المنتدى يتطور ليصل الى مستوى الفيس ونصبح مثله ليه لا

**Dr_Mido** · 12-09-2012 11:35 AM

المشاركة الأصلية كتبت بواسطة mado83

انا عارف طبعا الكلام ده ولكن الفيس بوك برضو ممكن يحصل فيه معاكسات
انا بقول انه لازم يكون فى اضافه صداقه علشان تتم المحادثه
وكمان المنتدى يتطور ليصل الى مستوى الفيس ونصبح مثله ليه لا

انا بقلك الرأي الفنى واللى غالبا هيبقى الرد بتاع الادارة زيه دة مش موقع شات دى منتدى متخصص

**ali_333** · 12-09-2012 11:39 AM

هو اقتراح جميل خاصة لو بتناقش مع حد عن سعر او حاجة فنية او شراء عربية الموضوع بيكون عاوز شات في السريع احسن مانضيف بعض برة عالايميل المنتدى يكون فيه شات

ونقطة لازم قبول الاضافة للتمكن من استخدام الشات فكرة حلوة

وياسلام لو في شات جماعي دردشة مواضيع عامة وسياسة

**mado83** · 12-09-2012 11:42 AM

[QUOTE=ali_333;3874516580]هو اقتراح جميل خاصة لو بتناقش مع حد عن سعر او حاجة فنية او شراء عربية الموضوع بيكون عاوز شات في السريع احسن مانضيف بعض برة عالايميل المنتدى يكون فيه شات

ونقطة لازم قبول الاضافة للتمكن من استخدام الشات فكرة حلوة

هو ده بالظبط اللى انا اقصده

**Nader** · 12-09-2012 01:40 PM

إضافة الشات لمنتدى متخصصة صعب، لأن من خلاله ممكن يتم طرح استفسارات ومعلومات متخخصة في مجال السيارات ولن يستفاد بها إلا متابعيها فقط في وقت إجراء المحادثة، لكن قد نصل لصورة أخرى للمحادثات ولكن بشكل مختلف.

على فكرة موقع نايل موتورز به إمكانية إجراء محادثات "شات" مثل الفيسبوك في القسم المخصص لبيع وشراء السيارات، يمكنك من خلاله إذا سجلت عضوية بالموقع التعرف على عدد الأعضاء الموجودين اونلاين ومحادثتهم، ممكن أن يسهل كثيراً عمليات التواصل بين البائعين والمشترين .

NileMotors – Used Cars – السيارات المستعملة

**thunder155** · 12-09-2012 02:13 PM

المواضيع لما بتطرح للمناقشة العامة بيبقى فيها استفاده اكتر , و بتبقى مرجع للناس اللى ممكن تقراها بعد كده , لكن المناقشه فى الشات محدش حيقدر يعمل سيرش عليها بعد كده و يقعد يقراها

**Karim_Monir** · 12-09-2012 02:46 PM

اضافة لكلام استاذ نادر
اول ما ينضم الاجتماعي تاني للمنتدي
هايتعمل حاجتين
قسم اسمه فيس بوك نايل موتورز
وده للناس اللي عايزة تحط اي كلام عادي وصور وتعلق زي الفيس بوك جروب بالظبط
وتقدرو تسمو مثلا موضوع (جروب محبي الرمرمة) ويبقي الموضوع مرجع للرمرمة وهكذا
وهانعمل بقي موضوع هانسمية
تهييس الخميس:-)
وده موضوع عام مفتوح لاي كلام بسيط(باش اقول تافه) لان ساعات الواحد بيكون عايز يفصل ويهيس
بس تهييس بادب بدون خروج عن الاداب العامة

يبقي انا كدة عملتلكم كل اللي انتو عايزينة

بالمناسبة
تهييس الخميس ده كان احد موضوعات قسم الاشراف لان المشرفين كانو ساعات بيفصو ويهنجو من تصرفات بعض الاعضاء وجنانهم :-)
فعملتلهم موضوع اسمه تهييس الخميس وانا كنت اول المهيسييين جوة :-)
وكنا بنهيس طول الاسبوع بس الخميس كان اوفر شوية :-)