الحقوووووووونى

**nemnem** · 12-09-2012 04:27 PM

يا جماعة انا دلوقتى موجود فى مرسى مطروح منذ أربعة ايام و امبارح و انا ماشى بالليل حصل معايا حاجة غريبة مرة واحدة لقيت النور العالى معلق و مش عايز ينطفى و بعد كده بدأت اشم ريحة شياط جوة العربية .. طبعا انا مبقتش عارف اعمل ايه !!!
رحت راكن العربية على جنب و بطلتها و برضه النور مش عايز ينطفى و الريحة زى ما هى
رحت فاصل كابل البطارية علشان النور ينطفى و بعدين فتحت علبة الفيوزات و شلت فيوز النور و بعدين وصلت كابل البطارية تانى و دورت العربية

دلوقتى ريحة الشياط راحت و العربية تمام بس المشكلة اننى مفيش معايا نور

ممكن تقولولى اعمل ايه لان انا دلوقتى على سفر و معايا زوجتى و بنتى

ايه اللى حصل ده و ياترى سببه ايه

ارجو سرعة الرد

**MohammedAladel** · 12-09-2012 04:57 PM

سافر بالنهار وزور أقرب كهربائى لا يكون فيه مس ولا حاجة

**salsat** · 12-09-2012 05:01 PM

السلام عليكم
ده بنسبة كبيرة ذراع النور ومتقلقش ده بيتغير فى ثوانى . وترجع انت واسرتك بالف سلامة ان شاء الله.

**moumen_hs** · 12-09-2012 05:07 PM

دراع النور ساح من السخونية ومفيش حل غير تغيرة حصلت معايا فى اللانوس وأحسن تجيبة استيراد أفضل من الموجود فى السوق

**LACOSTE** · 12-09-2012 06:38 PM

الفيوز اللي انت شيلته ركبت غيره ؟ ولا رميته ومكانه فاضي ؟؟؟

لو مركبتش مكانه يبقي اعمله تشعيره كده وجرب
يعني سلك ووصله للحرفين بتوع الفيوز و ركبه و جرب

**MohammedAladel** · 12-09-2012 07:04 PM

الفيوز ضرب يبقى فيه مشكلة يوصله تانى ليه من غير ما المشكلة تتحل ؟

**bravehorse** · 15-09-2012 11:53 PM

السلام عليكم

اولا بخصوص مرسى مطروح انا فعلا لاحظت حاجه غريبه جدا ان العربيه مبتعطلش منى غير فى البلد دى وبالذات فى المصايف

مره اتخرم منى المنفول ومره سستة الشكمان ومره فرد الكاوتش كلها يظهر فيها العالى والواطى مره واحده ومره تانيه خرطوم من خراطيم الميه يتقطع

مش عارف السر فى ايه بس لاحظت انى مش لوحدى اللى بيحصله كده فى البلد دى لان ليا اصدقاء بيشتكوا نفس الشكوه لما بيسفروا مرسى مطروح

اعتقد ان العيب يا اما فى ان الطريق طويل جدا 450 كم او فى الرتوبه العليه هناك

على العموم ترجع بالسلامه ان شاء الله

بص يا سيدى فى شارع فى مطروح اسمه شارع المحطه هتلاقى فيه ورش سيارات كتير وحاجه كده شبه الحرفيين عندنا فى القاهره

وفى شارع اسمه علم الروم هتلاقى فى كذه واحد بتاع قطع غيار استيراد

وان شاء الله تكون بسيطه جدا

انا فاكر انى غيرت دراع النور من حوالى تلات سنين وجبته بـ 90 جنيه اصلى من القاهره من احمد سعيد وكان العيب عندى ان النور كان بيفصل والعيب ده مزهرش عندى غير بعد الزياره السنويه لمرسى مطروح