الحمد لله انا جبت الصني 2009 يا شباب
وكنت حابب اغير زيت
فيا ريت تفيدوني اغير زيت ايه بالظبط ؟ غير الماتور ؟
وزيت الماتور اغيرله زيت كل كام كيلو يكون افضل ال5 الاف ولا ايه
و اغيره فين
معلش هتعبكم معايا
عرض للطباعة
الحمد لله انا جبت الصني 2009 يا شباب
وكنت حابب اغير زيت
فيا ريت تفيدوني اغير زيت ايه بالظبط ؟ غير الماتور ؟
وزيت الماتور اغيرله زيت كل كام كيلو يكون افضل ال5 الاف ولا ايه
و اغيره فين
معلش هتعبكم معايا
يسعدني أني اكون اول واحد يهنيك و يقول لك الف مليون مبروك علي العربيه و ربنا يحميها لك يا رب و يستر لك طريقها
بالنسبه لموضوع الزيت فأنا جربت زيوت كتير و من افضلها شل بأنواعه
انك تجيب التخليقي بالكامل كويس و بيتغير علي ١٠٠٠٠
او فيه شل معدني و الجركن لونه اصفر ده تغيره كل ٣٠٠٠
في المحطه بيقولوا ٥٠٠٠ لكن انا بفضل ٣٠٠٠ علشان الحر و الوقوف الكتير فو الزحمه و التكييف شغال
يعتبر برضه شغل علي الموتور فخلليك في المضمون
و طبعا فلتر الزيت يستحب مره و مره يعني مره زيت و فلتر و مره زيت فقط
ده حايحافظ لك علي الدوره نظيفه بقدر الإمكان
مره تانيه الف مبروك علي العربيه
الف مبروك يا باشا ..
مبروك يا باشا عربية حلوة
ألف مبروك ربنا يباركلك فيها
مليون مبروك علي العربيه
الف الف مبروك العربية يا باشا
كنت عايز اسأل حضرتك العربية عامله كام كيلو و اوتتوماتيك ولا مانيوال
و عايز اعرف سعر الشراء .. شكرا جزيلا
مبروك على العربيه ربنا يباركلك فيها و يفضل زيت تخليقى 10000 كيلو
1000 مبروووووووووووك .. وانضم للعضو بيشوى PeaceMan فى اسئلته..
----------------------------------
افضل انواع زيوت المحرك للصنى بالترتيب (ليكوى مولى توب تيك - فالفولين ماكس لايف - كاسترول ماجنتيك او ايدج) وجميعها معامل اللزوجة يكون 5W40
يتم تغيير زيت المحرك التخليقى مرة كل 10.000 كم او سنة على الاكثر (ايهما اقرب)
يتم تغيير فلتر الزيت مع كل مرة يتغير فيها الزيت وذلك للتخلص من الرواسب مع ملاحظة ان ثمن الفلتر داخل التوكيل 50ج وخارجه 40ج تقريبا (الموضوع مش مكلف ولا يستدعى التوفير)
الصنى N16 تحتاج كمية زيت محرك قدرها 2.5 لتر (بدون فلتر) او 2.7 لتر (مع الفلتر) لكن الشائع هو 3 لترات
يفضل شراء 3 عبوات واحد لتر افضل من عبوة 4 او 5 لترات خاصة اذا كان استهلاكك فى الكيلومترات اقل من 20.000 كم / السنة (يعنى باقى الزيت هايتركن حوالى 6 شهور او اكثر)
بالنسبة لزيت الفتيس الاتوماتيك .. يتم تغييره مرة كل 40.000 كم
وافضل انواع زيوت الفتيس على مستوى العالم فالفولين
بالنسبة لزيت الفتيس المانيوال .. لا يتم تغييره الا اذا تم فكه ولكن يتم تزويده اذا نقص المنسوب وغالبا لا يكون قبل 100-150 الف كم
بالنسبة لزيوت الباور والفرامل .. يتم تغييرها مرة كل 3 سنوات تقريبا ع الاكثر (وقاية) او قبل ذلك للعلاج
بالنسبة لمياه الراديتير .. يتم تغييرها كوقاية مرة كل 40.000 كم او سنتين (ايهما اقرب)