ألف مبروك
رقم العضوية : 129176
تاريخ التسجيل : 06Sep2012
المشاركات : 44
النوع : ذكر
الاقامة : القاهرة
السيارة: لا يوجد
السيارة[2]: كيا كارينز
الحالة :
[justify]
اشتريت عربيتي (كارينز 2010) من شهرين ومن يوم ماشتريتها والتكييف بيضعف وكنت مكسل اصلحه ، ويمكن خايف يتكلف كتير في ايام دخول المدارس الصعبة دي ، وكان فيه موضوع في المنتدى بيتكلم عن بتاع تكييف شاطر وأمين فى شبرا اسمه محمد جابر وكنت دايما بافكر اعدي عليه اشوف النظام عنده ايه.
المهم النهارده كنت معدي بالعربية من مكان قريب منه افتكرته وفتحت المنتدى شفت العنوان بالظبط وطلعت على هناك وقلت ابص على الورشة من بعيد اشوفها الاول وبعدين اقرر .. الورشة عبارة عن محل مش كبير لكن نضيف وفيه صنايعية كتير وحاطط جهازين شحن تكييف كومفورت بره المحل وفيه عربيات مرسيدس وجيب وتويوتا موديلات حديثة شغالين فيها فاطمنت ودخلت على المحل مالقيتش محمد جابر موجود وقابلني محمود اخوه وبدأ الكشف على العربية.
قاس الشحن لقى الفريون 14% وعمل تست على جودة الفريون وقالي نكبس (اختبار تسريب في دايرة التبريد ) وبعدين نشحن .. قلتله توكل على الله.
بدأ الكبس وكان فيه تسريب واضح والصنايعي بيحط صابون على المواسير عشان يعرف مكان التسريب مافيش .. السربنتينة تمام .. قالي طالما كده ممكن يكون التلاجة أو الكومبريسور ودلوقتي نكبس التلاجة لوحدها ونجرب .. وأسقط في يدي (ده اللى كنت خايف منه) .. يالا يا عم توكل على الله وربنا يستر .
الراجل بيدور على كونفرتر عشان كبس التلاجة ظهر محمد جابر وجه بص على العربية وساعد الصنايعي في توفيق كونفتر وبدأ الكبس .. الحمد لله تمام .. نشوف بقى الكومبريسور .. الصنايعي لسه هيفك الكومبريسور قاله محمد جابر استنى .. نزل بص على العربية وشيك على كل الوصلات .. قال للصنايعي الكومبريسور في الغالب سليم .. ركب المواسير واكبس تاني ممكن تكون المشكلة كانت فى الكبس والدايرة تمام .. وفعلا الراجل كبس .. تمام التمام .. استنى شوية .. تمام التمام .. كمان شوية .. تمام التمام .. اشحن يا عم .
بدأ الصنايعي الشحن تمام التمام .. غسيل السربنتينة بالمياه .. تنضيف الفلتر .. مافيش فلتر .. لازم نركب فلتر يا باشا عشان نحافظ على التلاجة .. ركب يا عم وأمرنا لله .. ركبنا الفتلر وجربنا التكييف .. تلاجة تلاجة .. تمام ياباشا ولو حسيت بأي حاجة تعالى فى اي وقت والمكان مكانك .. الحساب يا باشا .. كبس وشحن وفلتر وغطا بلاستيك 200 جنيه (أحمدك يا رب) .. سلام سلام وطلعت على الشغل مستمتعا بالنسيم العليل للتكييف .
ملاحظات على الزيارة اللى استمرت حوالى 3 ساعات
- الورشة جيدة جدا وسمعة الراجل في المنطقة زي الفل ومعروف جدا هناك.- اصحاب العربيات الموجودة مرتاحين جدا من تعامل الراجل وواحد كان عنده مشكلة وشكو فى الكومبريسور وغيروه واستمر العيب وكان الراجل جاي يرجع الكومبريسور وياخد فلوسه وماحصلش أي مشكلة.[/justify]
- الراجل أكد عليا وانا ماشي انى ارجعله تاني بعد كام يوم نتأكد ان كله تمام.
اللون الاحمر مخصص فقط للمدخلات الادارية والاشرافية
مشرف 4 ب
12/9/2012
10.16 pm
رقم العضوية : 120598
تاريخ التسجيل : 17Feb2012
المشاركات : 7,632
النوع : ذكر
الاقامة : المنيا
السيارة: لا يوجد
السيارة[2]: Megane II 2007
دراجة بخارية: عجلة فاين آند فاين
الحالة :
ألف مبروك
سبحان الله والحمد لله ولا إله إلا الله ولا حول ولا قوة إلا بالله العلى العظيم
رقم العضوية : 68443
تاريخ التسجيل : 20Apr2010
المشاركات : 7,562
النوع : ذكر
الاقامة : الأردن
السيارة: chery QQ3
السيارة[2]: suzuki maruti
دراجة بخارية: suzuki 2002
الحالة :
شكرا لنقل التجربه ولكن ممنوع الكتابه باللون الاحمر في المنتدى لانه خاص بالاداره فقط
تحياتي
don't judge a car unless you have driven it
hm414 سابقا
رقم العضوية : 36100
تاريخ التسجيل : 21Mar2009
المشاركات : 112
النوع : ذكر
الاقامة : imbaba
السيارة: no
السيارة[2]: nissan super salon
دراجة بخارية: no
الحالة :
[QUOTE=معتز الدهشورى;3874517326][justify]
، وكان فيه موضوع في المنتدى بيتكلم عن بتاع تكييف شاطر وأمين فى شبرا اسمه محمد جابر وكنت دايما بافكر اعدي عليه اشوف النظام عنده ايه.العنوان فين فى شبرا بالظبط وشكرا لسيادتك والف مبروك على التكييف
رقم العضوية : 50444
تاريخ التسجيل : 19Oct2009
المشاركات : 1,434
النوع : ذكر
الاقامة : مصر
السيارة: سابقا كيا سيفيا وكيا برايد
السيارة[2]: الفا روميو 156 والحمد لله
دراجة بخارية: لا
الحالة :
عنوانها فين الورشة دى أو فين رابط الموضوع اللى بيتكلم عنه؟
رحلتى مع الالفا روميو156 : http://www.nilemotors.net/Nile/359168-156.html
رابطة ملاك الكيا برايد : http://www.nilemotors.net/Nile/211218-a.html
رقم العضوية : 59825
تاريخ التسجيل : 23Jan2010
المشاركات : 193
النوع : ذكر
الاقامة : cairo
السيارة: -----------------
السيارة[2]: corolla 2013
دراجة بخارية: --------------
الحالة :
شكرا لنقل التجربه
رقم العضوية : 44422
تاريخ التسجيل : 03Aug2009
المشاركات : 984
النوع : ذكر
الاقامة : cairo
السيارة: Cerato 2011
السيارة[2]: Corolla 2008
دراجة بخارية: none
الحالة :
فين مكانه بالظبط ؟
رقم العضوية : 25254
تاريخ التسجيل : 15Nov2008
المشاركات : 11,512
النوع : ذكر
الاقامة : القا هره
السيارة: شاهين 1400 /97
السيارة[2]: 516.2008 تيجو2013
دراجة بخارية: دايون 150
الحالة :
في انتظار العنوان
ياتقول كلام في محله يا تقول حلو ياحلو
http:///photos/a.879931698703941.107...370587/?type=1
رقم العضوية : 58100
تاريخ التسجيل : 06Jan2010
المشاركات : 5,727
النوع : ذكر
الاقامة : السعوديه
السيارة: not yet
السيارة[2]: ..
دراجة بخارية: no
الحالة :
الف مبروك
إنا لله وإنا إليه راجعون
ولا تحسبن الذين قتلوا في سبيل الله أمواتا بل أحياء عند ربهم يرزقون
رقم العضوية : 129176
تاريخ التسجيل : 06Sep2012
المشاركات : 44
النوع : ذكر
الاقامة : القاهرة
السيارة: لا يوجد
السيارة[2]: كيا كارينز
الحالة :
فى البداية اعتذر عن الكتابة باللون الاحمر وشكرا على التنبيه
الموضوع اللى عرفني بالورشة ده اللينك بتاعه
http://www.nilemotors.net/Nile/298222-a.html
وده رابط المشاركة اللى خلتنى افكر اروح
http://www.nilemotors.net/Nile/29822...post3874419599
بخصوص العنوان هو بين شارع الترعة وشارع احمد احلمي عند خلوصي قدام باب مدرسة تقريبا اسمها رمسيس برضه زي مدارس رمسيس اللى على شارع الترعة وانا اصلا كنت مفكر انه ناحية شارع شبرا واول ما سألت عليه فى خلوصي هناك وصفولى المكان ولما قربت سألت بتاع محل قطع غيار وصفلي المكان لان المنطقة دي فيها شوارع ضيقة كتير .
المنطقة دي زمان انا فاكر ان كان فيها توكيل بيجو
المفضلات