الحمد لله على كل حال (الشكمان)

**a_badwy** · 12-09-2012 09:30 PM

اول امبارح كنت محمل فى العربية حاجات كتير و مركب ناس كتير كنا 6 فى العربية و بالليل فكان الواحد لباخد المطبات على اقل اقل من البطء و مرة واحدة لقيت حفرة بعد مطب اول مانزلت منه العربية اتهبدت من عند الشنطة ورا سمعت بعدها على طول صوت الشكمان من تحت الباب عندى و انا سايق اكن الشكمان الفتحة بتاعته من قدام (الحمد لله)
الصبح وديتها لبتاع شكمانات فى اسكندرية و قالى الماسورة اللى نزلا من الموتور و العلبة بتاعتها اتقطمت و لازم تتغير فغيرتها بواحدة جديدة كانت عنده انا فاكك كياسها بايدى و قالى دى عاملة 220 و بتاع المهم حاسبته كله 200 و دى صور الماسورة و العلبة الجداد

يا جماعة كل واحد يخلى باله من حمل العربية و المطبات و رنا يستر علينا و يكفينا شر الطريق

**mshmshm3** · 12-09-2012 11:05 PM

معلش رُب ضارة نافعة

**engwael** · 13-09-2012 12:52 PM

الحمد لله

**a_badwy** · 13-09-2012 03:11 PM

اولا شكرا للجميع على الردود و ربنا يكفينا شر الطريق
ثانيا : الراجل بتاع الشكمانات قالى ان الجديدة احسن من اى حاجة قديمة او حتى تلحم المقطومة اللى عندك علشان الجديدة فك و تركيب بالمسامير على طول من غير اى لحام

**elshreef_hemo** · 13-09-2012 10:39 PM

فعلا الجزء ده من الشكمان هوة اوطى جزء فى العربية ودايما الخبطة بتيجى فيه
انا مرة كنت محمل العربية وخدت بكبورت فى نص العربية الخبطة جت فى الماسورة دى واتعفصت شوية