شباب .... عاوز اعرف هو مكونات النيسان صني الجديدة يابانية 100% .... ولا فيها حاجة كده ولا كده ؟؟؟؟ وعاوز اعرف العربية متجمعة ومتقفلة فين ؟؟؟؟؟ شكرا ليكو جميعا
عرض للطباعة
شباب .... عاوز اعرف هو مكونات النيسان صني الجديدة يابانية 100% .... ولا فيها حاجة كده ولا كده ؟؟؟؟ وعاوز اعرف العربية متجمعة ومتقفلة فين ؟؟؟؟؟ شكرا ليكو جميعا
العربية 40% من المكونات مصرية .. زي مثلا كاوتشات الابواب و الكراسي و الفرش و البطارية و الضفيرة .. العربية متقفلة في مصر
باقي المكونات من الهند
المحرك و الجيربوكس من اليابان
الصني الجديدة لا تنتج في اليابان اصلا لكن في الهند والصين والمكسيك
بس بيقولوا الموتور والفتيس ياباني والباقي هندي على مصري والله اعلم
هو الصني كده امكانيات كويسة بسعر اقل من مثيلاتها بفرق الصراحة
بس ياإما بقطع يابانية ذات تكنولوجيا قديمة شوية (الموديل القديم) يعني بتوفر وتشتري اقدم شوية وايه يعني هو خلاص يعني لازم احدث حاجة هو اصلا موتور الالنترا جي دي ااي بينزل مصر!1
ياإما تكنولوجيا كويسة بس بقطع مصري على هندي كتير (الموديل الجديد) برضه مش مشكلة الهندي مش وحش والفيرنا شغالة تاكسي وعال العال
الخلاصة ماتنتظرش سعر اقل للامكانيات دي سذاجة من الشركة ماكله عاوز يكسب لكن الرخص له مقابل بتتنازل عنه (تكنولوجيا قديمة ثم قطعه هندي كتييير) بس السؤال هل يفرق معاك
رأيي صفقة رابحة للي مايوصلش لتمن الالنترا أو حتى السيراتو الي فيها نفس امكانياتها
لكن لو فرق السعر مايفرقش معاك ادفع واشتري الكوري 100% وهتاخد مقابل لفلوسك صدقني
تقبل مروري
وال60% الباقية بين اليابان والهند ..
وللمعلومية كل مصانع العربيات فى العربيات لا تصنع اى عربية بنسبة 100%
فهناك مصانع مخصصة لصناعة المواتير واخرى للفتيس واخرى للصاج واخرى لكل جزء
كما يتم التعاقد مع بعض المصانع لتوريد باقى اجزاء السيارة لكافة خطوط الانتاج بانحاء العالم كلها
والهدف الاساسى فى كل عملية الانتاج هو خفض التكلفة عن طريق الاستعانة بعمالة ارخص ومصاريف تشغيل اقل ووسائل شحن ونقل ارخص ومكونات اوفر ... الخ
والعرف السائد فى اخر 10 سنوات من صناعة السيارات بالعالم هو اعلاء شعار (صنع فى نيسان - صنع فى هوندا - صنع فى تويوتا - ..... الخ) وليس صنع فى احد البلدان
ويتم اختيار مواقع مصانع خطوط الانتاج والتجميع على مستوى العالم حسب السياسة التسويقية لكل شركة وتقليل تكلفة الانتاج التى اصبحت باهظة جداااااااا فى بلدان صناعة السيارات الام مثل اليابان والمانيا وغيرها
والتوجه فى الفترة الاخيرة بات من نصيب الصين - الهند - شمال افريقيا - المكسيك - امريكا (بطرازات معينة فقط تستهدف السوق المحلى) - رومانيا - التشيك - ... وغيرها
وهذا مطبق فى كل الصناعات والشركات العالمية الكبرى من اتصالات وصناعة الاطارات وغيرها وليس فقط فى السيارات ..
لذا لزم التنويه ..
شكرا ليكو يا رجالة المنتدى .....
لا شكر علي واجب و اهلا بيك بقسم نيسان نايل موتورز
أحب أضيف الكوتش ماكسيس تايلاندى بعد مكان بريدجستون يابانى
المحرك والفتيس طبعا فيه مصانع مخصوص لانتاجهم وبييجوا لخط التجميع فى مصر متقفلين ع التركيب
لكن باقى اجزاء العربية بالكامل بيتم من الالف للياء من اول الواح الصاج قطعة قطعة للحامات الشاسيه وتركيب كافة القطع عليه والدهان بطبقاته وكل شىء حتى تخرج للموزعين بعد اختبارها بيتم فى المصنع ب6 اكتوبر
قريبا باذن الله سيتم طرح موضوع متكامل عن زيارة اعضاء نيسان نايل موتورز للمصنع فى مصر وأكيد سوف يتم التطرق لكافة التفاصيل التى لم يتم نشرها من قبل .. ابقوا معنا :Y_hi_3[1]:
وانت طيب ..
ايوة الشاسيه بيكون متقطع وبيتلحم هنا زيه زى اى عربية بتتجمع فى العالم وفى مصر بما فيهم المرسيدس والبى ام دبليو
يعنى بيكون الواح وقوايم وعوارض وعلب شاسيه وبتتجمع فى بعضها وبعدين يتم تثبيت الرفارف والكبوت والشنطة والسقف والابواب ..
مفيش هيكل عربية بيتم تجميعه فى اى مصنع فى العالم بيدخل خط الانتاج ويتم نقله كامل !!!
ااولا الاخ يوسف قلب الاسد و بيشو بيس مان قالو المفيد
ثانيا: اختلف معك فى نقطة يا عزيزى يوسف فى مصانع بتجمع قفط بتيجى الهياكل جاهزة على التجميع و العيال تركب بس ( اذكر شفت فديو لده فى الهند او المكسيك ححاول اشوف لك الفيديو اذكر انه كان مصنع حاجة تانية خالص غير نيسان)
لكن مصنع نيسان مصر بيجى له الموتور و الجير بوكش متقفلين لكن الشاسيه و الصاج بتيجى قطع
الكاوتش ماكسيس صبنى مش تايلاندى
تسلم يا دكتور ..
لا اختلاف ولا حاجة .. لأن طبيعة السؤال اللى اتطرح هى اللى دفعتنى للرد بالمشاركة السابقة لقطع الشك باليقين ان العربية بتتجمع بالكامل فى مصنع مصر
لكن طبعا برة المصانع اكبر وبيكون فيها اجزاء مخصصة فقط لتجميع ولحام الهيكل ثم وضعها على خط الانتاج وتتجمع عليها باقى الاجزاء لكن فى محيط نفس المصنع والنقل بيتم بصورة ميكانيكية فيها روبوتات وقطارات واوناش مختلفة الاحجام .
انما فى مصر فعلا زى ما كلنا عارفين كله بيتلحم من الالف للياء لأنه استحالة نيسان مصر تستورد الهيكل متلحم جاهز من برة وييجى هنا عشان نحط فيه باقى الحاجات من موتور وفتيس وكماليات وفرش !!!