تقـــــــــــرير صيانة 20.000 كم :: النترا 2012 ::

**BUNSH** · 12-09-2012 10:29 PM

السلام عليكم ورحمة الله وبركاتة

أحبائى فى الله .. بعتذر عن غيــــــــابى طوال الفترة السابقة بسبب ظروف خاصة بيـــا (بس حمدلله عدت على خير) ..

نيجى بقى للمهم كنت على موعد لصيانة فــــــلة (الــ20.000 كم) المهم اتصلت بيهم وحجزت فى (غبـــــور العبور) وكان ميعــــــادى اليوم الســــــــاعة 12:15 ظهرا ورقمـــــــى 81 ,, فأنا وصلت متأخر 5 دقــــائق بالظبط وقابلت المهندس عادل (محترم وذوق) وكانت ملاحظاتى ::

(1) صوت صادر من قفل وفتح الباب (اليمين/الخلفى) .
(2) الاكصدام الامامى كــــــان مريح شوية .

وطبـــــعا قــــالى الكلام دة هيتظبط فى قسم الهياكــــــل وقــــالى على اللى هيتغير و التكلفة هتكون كـــــــذا (===) .. فقولتلة تمـــــــــام .. واستلمة منى على الساعة 12:45 بالتمام والكمال .
وطلعت القاعة العلوية لمتابعة الانسة فلة ودخلت ومحدش هوب جنبهــــا لغاية الساعة 1 وابتدوا الشغل فيــــــها ,, وقاعد فى امانة الله الاقى العامل وقف شغل ومشى (لية يابن الحلال مانت ماشى كويس) وشوية واتصلوا بيا ,,

خدمة عملاء هبور : فلان الفلانى !
أنا : ايوة ياافندام ,, اؤمر .
خدمة عملاء هبور : كنا بنبلغ حضرتك ان تيل الامامى اللى عندك ضرب وعايز يتغير

أنا :

!!
خدمة عملاء هبور : ياافندم حضرتك معــــــــايا ؟!
أنا : أنا سرحت شوية (وفى عقل بالـــــى ياولاد =%#@&) وقولتلة معـــــاك طب ادينى دقيقة وهكلمك تانى !

وهنا كلمت اخويا الكبير م/سمير الشهــــاوى وطبعا حكيتلوا على الحوار دة وطبعا اتصدم زي !
وطبعـــــا بعد مناقشات دارت بيننا قررت اغيرة لأنى استحــــالة ارجع تـــــانى وكمان اخويا هيسافر الساحل الجمعة القادمة (بأذن الله) فمش هجازف وقررت تغـــــيرة (وتوكلت على الله) .

ورجعوا لشغل تــــــانى وخلصوا على الساعة 4 عصرا .. وقابلنى المهندس ووضحلى اى اللى اتغـير والتكلفة وروحت دفعت وأنا حاسس ان حد رزعنى قفـــــــــا !

:: شـــــــووية صور ::

:الفـــــاتورة:

:البوجيهــــــات:

:فلتر الهـــــواء:

:تيل امامـــــــــــى:

وطبعــــــا كنت واخد معــــــايا زيت فالفولين :

وكدة بقى الاجمــــــــــــالى بسلاطــــــــات 1645 جندى

تفتكروا الحاجات اللى اتغيرت فوق كــــــانت محتاجة تغيـــــير ولا لأ .

وطبعـــــــا انطباعى عن المكان والشغل والوقت :

المكان مـــــازال محتفظ برونقة ونظافتة اكنة لسة مفتوح جديد ومعظم المهندسين والفنيين كويسين الى حد مــــا ومحدش بيمد ايدة فى العربية غير فى شغلة وبس

.. والعربية طلعت نضيفة ومش متبهدلة (بعكس قليوب زيتولى قايم الباب الشمال) ,, وفية شوية ملاحظات عليها علامة ؟ ومنها المصنعيــــــــات وقطع الغيـــــــار مولعة وعدد فنيين قليل .. وبكدة اكون انتهيت من تقريرى وطولت عليكم :)

**AshTurbo** · 13-09-2012 02:57 AM

مبروك يابنش عقبال صيانة ال100 ألف سعر التيل حراق شوية مفروض يبقى أرخص وطبعاً مصنعيات نار كالعادة .

**AHMEDCAR** · 13-09-2012 03:16 AM

التيل شكله يمشى 7 الالف كمان على الاقل بالسواقه الهاديه و 5 بالسواقه العنيفه انا بقول على الاقل

**S O P H O S** · 13-09-2012 05:51 AM

الف مبروك الصيانة
ورجوعك يا باشا ..

**Samir Elshahawy** · 13-09-2012 10:51 AM

الاخ الكريم / أحمد

أولا بأشكرك علي التقرير و الوصف التفصيلي و الصور

بداية أحب أقول ان مستوي الخدمة في مراكز الخدمة سواء الخاصة بالتوكيل أو المراكز المعتمدة بدأ يتحسن بشكل ملحوظ عن الاول و ده يعد أستجابة لشكاوي العملاء و أقتراحاتهم لتحسين مستوي الخدمة بما يدل أن غبور بدأ فعلا يهتم بأرضاء عملائه و لكن ...

هذا لايمنع من وجود بعض السلبيات و التصرفات الغير مفهومة و التي نرجو توضيحها من التوكيل علي سبيل المثال :
1- كيف يتم تغيير تيل لسيارة جديدة بعد 20000 كم بهذا السعر ؟
لو افترضنا أن نوعية التيل جيدة بما يبرر ارتفاع سعرها فعلي الاقل يجب أن يتم تغيرها بعد فترة اطول
2- لماذا الاصرار علي تغيير البوجيهات كل 20000 كم لسيارة مكتوب في الكتالوج الخاص بها أن تغيرها يتم كل 90000 كم ألا أذا اشتكي العميل من اداء المحرك ؟
3- لماذا لاتوجد قائمة أسعار ثابته وواضحة و معلنة لصيانات كل موديل علي حدة أو يتم أبلاغ العميل عند حجز الصيانة أن التكلفة المبدئية لتلك الصيانة كذا ؟

دي بعض الاستفسارات اللي نفسي اجد لها أجابة من توكيل هيونداي في مصر

**Ashraf_Ibrahim** · 13-09-2012 10:55 AM

سعر التيل مرتفع جدا ومش منطقي ابدا !
انا افتكر ان اول مرة اغير فيها تيل كان على 20000 كم برده
عموما مبروك الصيانة يا بنش وعقبال ال 100000 كم بغض النظر اني مجربتش عربيتك لسة :d
يابني قلتلك عاوزين نثبت ان العربية دي بتقفل عدادها وانت خايف مش عارف ليه :p :d

**Hosam_Optrawy** · 13-09-2012 01:51 PM

مبروك الصيانه ياباشا وربنا يباركلك فيها

اللى مغلى الصيانه طبعا التيل ومصنعية تغييره , بصراحه كتير معرفش ليه المفروض يبقى اخره 300-400 بمصنعية تغييره ومفيش حاجه اسمها مصنعية تغيير تيل امال هو واخد 280 ليه

غير كدا باقى الحاجات اسعارها عادى

عقبال ال 200 الف

**BUNSH** · 13-09-2012 01:51 PM

المشاركة الأصلية كتبت بواسطة john55

انا جالي احباط

وعقبال الصيانه الجايه

وأنا جـــــــالى اكتئــــاب ونفسى اعيــــش

وعقبال الصيانة اللى الجاية بس متكونش حلاقة زى كــــدة وشكــــرا .

المشاركة الأصلية كتبت بواسطة AshTurbo

مبروك يابنش عقبال صيانة ال100 ألف سعر التيل حراق شوية مفروض يبقى أرخص وطبعاً مصنعيات نار كالعادة .

الله يبارك فيك ياباشــــا ,, وفعلا تيل مولع جــــدا طب عارف لو كتبوا علية made in germany كـــانت هتبقى مبلوعة شوية

المشاركة الأصلية كتبت بواسطة AHMEDCAR

التيل شكله يمشى 7 الالف كمان على الاقل بالسواقه الهاديه و 5 بالسواقه العنيفه انا بقول على الاقل

والله يا أحمد باشا ماليش فى الجرى ولا تخميس ولا هرت ومع ذلك يقولك ضرب ,, بس مش مفروض لو تيل خلصان زى مابيقولوا مش مفروض بيبقى ممسوح أنا شايف دة طالع فبريكة (ولا أنا بيتهيألى)

المشاركة الأصلية كتبت بواسطة S O P H O S

الف مبروك الصيانة
ورجوعك يا باشا ..

الله يبارك فيك يابوحميد وربنا يخليك .. مفيش اخبار عن عمدة تويـــــوتا (ميدو بك)

المشاركة الأصلية كتبت بواسطة SE_coralsea

الاخ الكريم / أحمد

أولا بأشكرك علي التقرير و الوصف التفصيلي و الصور

على اى يابشمهندس :)

بداية أحب أقول ان مستوي الخدمة في مراكز الخدمة سواء الخاصة بالتوكيل أو المراكز المعتمدة بدأ يتحسن بشكل ملحوظ عن الاول و ده يعد أستجابة لشكاوي العملاء و أقتراحاتهم لتحسين مستوي الخدمة بما يدل أن غبور بدأ فعلا يهتم بأرضاء عملائه و لكن ...

اكيـــــــــد طبعا ومعـــــاك فى كل كلمة قولتة .. ونأمل فى مزيد من التحسن .

هذا لايمنع من وجود بعض السلبيات و التصرفات الغير مفهومة و التي نرجو توضيحها من التوكيل علي سبيل المثال :
1- كيف يتم تغيير تيل لسيارة جديدة بعد 20000 كم بهذا السعر ؟
لو افترضنا أن نوعية التيل جيدة بما يبرر ارتفاع سعرها فعلي الاقل يجب أن يتم تغيرها بعد فترة اطول

مفروض ولا تيل نــــــازل مضروب فى عربيات ولا عربيـــــات لأ لأنى برضة شوفت 2 النترا بيتغير ليها تيل امــــــامى !

2- لماذا الاصرار علي تغيير البوجيهات كل 20000 كم لسيارة مكتوب في الكتالوج الخاص بها أن تغيرها يتم كل 90000 كم ألا أذا اشتكي العميل من اداء المحرك ؟

وبالنسبة لبوجيهـــــات اللى خارجة من العربية أنا شايفها عادية ومش متحمصة !

3- لماذا لاتوجد قائمة أسعار ثابته وواضحة و معلنة لصيانات كل موديل علي حدة أو يتم أبلاغ العميل عند حجز الصيانة أن التكلفة المبدئية لتلك الصيانة كذا ؟

مفروض وميخدوش العميل على عماة @!

دي بعض الاستفسارات اللي نفسي اجد لها أجابة من توكيل هيونداي في مصر

المشاركة الأصلية كتبت بواسطة Ashraf_Ibrahim

سعر التيل مرتفع جدا ومش منطقي ابدا !
انا افتكر ان اول مرة اغير فيها تيل كان على 20000 كم برده
عموما مبروك الصيانة يا بنش وعقبال ال 100000 كم بغض النظر اني مجربتش عربيتك لسة :d
يابني قلتلك عاوزين نثبت ان العربية دي بتقفل عدادها وانت خايف مش عارف ليه :p :d

متفكرنــــــــــــيش بتيل بقى !!
وبعدين تجرب فين هــــــوة احنا لحقنا نقعد مع بعض ,, الله يبارك فيك ياعمونا .

**BUNSH** · 13-09-2012 01:57 PM

المشاركة الأصلية كتبت بواسطة Hosam_Optrawy

مبروك الصيانه ياباشا وربنا يباركلك فيها

اللى مغلى الصيانه طبعا التيل ومصنعية تغييره , بصراحه كتير معرفش ليه المفروض يبقى اخره 300-400 بمصنعية تغييره ومفيش حاجه اسمها مصنعية تغيير تيل امال هو واخد 280 ليه

غير كدا باقى الحاجات اسعارها عادى

عقبال ال 200 الف

الله يبارك فيك ياحسام باشا ,, أنا لغاية دلوقتى مش مصدق سعر التيل

(بس حمدلله على كل شئ ) ,, وكل شوية يزودة المصنعية الاول كانت 250 دلوقتى بقت 280 وربنا العالم بقى هيوصلة لفــــــين !! بس محدش خد بالة من الوردة ام 6 جندى ؟!
وربنا يخليك ..

الموضوع: تقـــــــــــرير صيانة 20.000 كم :: النترا 2012 ::

LinkBack

أدوات الموضوع

عرض

تقـــــــــــرير صيانة 20.000 كم :: النترا 2012 :: - انشر الموضوع فى :

-

-

-

-

-

-

المواضيع المتشابهه

النترا 2012-كيا سول 2012 - بيرسونا اليجانس 2012

النترا 2012 ولا شارك 2012 ولا بومه 2012

النترا 2012 ولا شارك 2012 ولا بومه 2012

صيانة 5000 لهيونداى النترا 2012

صيانة 5000 النترا 2012

الكلمات الدلالية لهذا الموضوع

المفضلات

المفضلات

ضوابط المشاركة