المشاركة الأصلية كتبت بواسطة mohammedaladel
السلام عليكم
وقت ما اشترينا العربية الفرامل كنت بلمسها بتجمع معايا
دلوقتى بدوس لحد النص مش بتعمل حاجة يكون إيه دا ؟
ولا جايز عشان رجلى اتعودت عليها وهى كانت كدا من الأول ؟؟؟
بس بتجمع بعد كدا كويس يعنى حصل معايا موقف خطير كنت ماشى على الزراعى على 100 وعربية لفت قدامى وأنا تقريبا على 90 الفرامل أنقذتنى من حادثة مؤكدة بفضل الله
لكن أنا حاسس إن فيه حاجة غلط
إنتوا شايفين إيه ؟ للعلم تيل الفرامل الأمامى كويس جدا الخلفى مش متأكد من حالته بس هو قديم شويتين
برضه ملاحظ حاجة فيه رشح زيت كدا بسيط من تحت العتبة من جوا من جمب خرطوم أسود كدا معرفش دا بيمشى فيه زيت الفرامل ولا إيه
مستوى زيت الفرامل عندى قليل لكن أنا مش هزوده غير لما اللمبة تنور وقتها هكشف على التيل وأشوف العيب من التيل فعلا إنه أتاكل ولا فيه تسريب