طيب ما احنا دلوقتي بتقولوا العيب هيطلع في كل العربيات ... كده مطلوب من كل العربيات اللي غيرت تتصل بحماية المستهلك وتبلغ ... لان ده كده عيب صناعة ومفروض يتم استدعاء كافة الموديلات اللي فيها نفس العيب لتغير البوابة زي ما توكيلات كتير عملت حاجات زي كده
طيب ما احنا دلوقتي بتقولوا العيب هيطلع في كل العربيات ... كده مطلوب من كل العربيات اللي غيرت تتصل بحماية المستهلك وتبلغ ... لان ده كده عيب صناعة ومفروض يتم استدعاء كافة الموديلات اللي فيها نفس العيب لتغير البوابة زي ما توكيلات كتير عملت حاجات زي كده
لا ده عيب صناعة طبعا بدليل ان اللي بيتقال انها ما بتتعداش ال 60 الف كيلو وضمان السيارة 100 الف كيلو
يعني انا خارج من الضمان يوم 23 الشهر ده وعربيتي عاملة 21 الف اديني هطلع من الضمان وياعالم هيجرا ايه واعتقد اغلب ملاك 2010 كده يبقي ده عيب صناعة بيحتم علي الشركة استدعاء كل الموديلات اللي متركب فيها نفس القطعة وتغيرها ... زي ما عملت تويوتا برضو كان عيب مش في كل العربيات واستدعت كل الموديلات وكان اكبر خساير ليها في امريكا علي ما اتذكر
طيب فى خطوة ممكن نعلمها قبل حماية المستهلك وهىمحاولة حل الموضوع بشكل ودى مع رينو مصر ثم رينو فرنسا
نظبط ايميل تمام نشرح فيه الموضوع ونبعت لرينو مصر ونقول فيه على المشكلة ونطلب اتخاذ حل ولو ما تمش نقول اننا هنطر نخاطب رينو فرنسا
انا قدرتى على الصياغه مش قوى
يا ريت حد يتبرع ويعمل الاميل ده وكل واحد فينا يبعته ويحط رقم الماتور والشاسيه بتاع عربيته
انا مش فاكر مشكلة ايه الى عملنا فيها كده زمان وكانت ردود الافعال كويسه
أنا معاكو في موضوع الميل ده لاني الضمان خلص الشهر ده و عملت صيانة برة كمان
و البوابة ابتدت تهيس عندي :eee:
معرفش ليه مغيروهاش قبل كده مع اني اشتكيت انها علقت قبل كده و قلوا نضفناها + برده عيب عدم ثبات مؤشر الحرارة و نفضولي
فيه حد بعت على صفحة رينو على الفيس بوك استفسار عن كثرة أعطال البوابة فى اللوجان واستشهد بموضوعنا ده وكان ردهم كالتالى :
وزى ما انتوا شايفين : ملخص الرد هو مالكش دعوة بنايل موتورز ولم يتطرق إلى المشكلة بأى وجه.اقتباس:
نرجو عدم الحصول على المعلومات إلا عن طريق الموقع الرسمى للشركه المصريه العالميه للسيارات والتحقق من دقة المعلومات حيث يتم من خلال الصفحه التعامل بشفافيه مطلقه مع كافة الاستفسارات والشكاوى إن وجدت ويتم التعامل معها بجديه وحياديه تامه للوصول لإرضاء كافة عملائنا الكرام ، ونحرص على تقديم خدمه متميزه وراقيه ، ونرجو عند وجود اى مسأله فنيه أن وجدت التوجه لاقرب مركز خدمه للتعامل مباشرة مع الحاله الفنيه الطارئه دون الرجوع لمواقع لا تفيد فى تقديم حلول جذريه وايجابيه مفيده ... شكرا جزيلا ... ".a.s."
حضرتك لازم تروح وتعمل مشكلة فى التوكيل عشان العيب ظهر عندك فعلا
و مش من الطبيعى انى اروح قبل الضمان بعيب وعشان الضمان قرب يخلص يدونى مسكن يخلى العطل يتأجل لغاية الضمان ما يخلص ويبقى العيب بعد كده يتعمل على حسابى .. ده شغل الاسطى فهلوى مش شغل توكيل محترم
انا هعمل بوست وهجيب سكرين شوت منه هنا عشان لو الادمن بتاع الصفحة حذفه
ياريت حد يحط اللينك بتاع صفحة رينو مصر على الفيس