نصيحة: اتلككوا على تغيير البوابة قبل نهاية الضمان. البوابة الأصلية بها سم قاتل

**Egyzizo** · 13-09-2012 01:39 AM

.
.
فى خلال الأسبوع الأخير بدأت عندى أعراض خلل فى البوابة وهى تتمثل فى أن العربية أحياناً بتبطل على السلانسيه (3 مرات فى خلال هذا الأسبوع) ، وأحيانا يرتفع الـ rpm لوحده بدون سابق انذار ليصبح 1.5 مثلاً بالرغم من أنى على وضع التموير (حصلت مرتين فى خلال هذا الاسبوع)

انتهزت فرصة حلول موعد صيانة الـ 50 الف لاصلاح هذه العيوب ، فقاموا بغسل البوابة ، وكتبوا فى التقرير بأنه تم غسل وبرمجة البوابة ، وفى حالة تكرار العطل تستبدل البوابة ..

وأنا باستلم العربية ، لسه بادورها لقيتها بطلت ، نزلت لهم وقلت لهم (لقد تكرر العطل) فقاموا بطلب بوابة جديدة فى الضمان ، أنتظر وصولها لكى يتم استبدالها.

ولا أخفيكم سراً أن نتيجة غسل البوابة أصبحت أسوأ لأنه بينما حدث تبطيل العربية معى 3 مرات فى أسبوع ، فقد حدث 15 مرة فى مشوار العودة من الصيانة فقط (60 كيلومتر).

نيجى بقى للمهم ، لما طقست ورا الموضوع ده عرفت ان بوابة اللوجان الأصلية فيها مشكلة ، وان مافيش عربية بتعدى 60 ألف من غير ما يحصل فيهما مشكلة البوابة .. وأن الشركة على علم بهذه المشكلة فأصبحت البوابات الجديدة التى يتم تركيبها خالية من هذا العيب.

علشان كده يا ريت تتلككوا على تغيير البوابة خصوصاً لو كانت فترة الضمان لديك قد قاربت على الانتهاء.
لأن بعد كده مافيش عندهم يا أما ارحمينى والبوابة بـ 1400 جنيه.

أرجو المشاركة فى الاستطلاع أعلاه لتأكيد المعلومة التى وصلت لها.

**mo_x5** · 13-09-2012 09:58 AM

شكرا على المعلومه....بس يا ترى المشكله دى موجوده فى موديل 2010 فقط .....يعنى هل تفادو المشكله دى فى الموديلات اللى بعدها

**gebreel** · 13-09-2012 10:07 AM

كنت بعمل صيانة ال30000 لل2010 من حوالي اسبوعين او 3 و كانت مشكلة البوابة دي حصلت قبل كدة في ال20000 و نظفوها و اشتغلت تمام

و انا في صيانة ال30000 قلت للمهندس متخليهم ينظفوا البوابة عادي يعني من باب الصيانة بردو قالي لأ انا مش هنضفها علشان ممكن تراب يدخل و تعلق و كلام ميدخلش الدماغ كدة قلتلوا ماشي و الحمد لله انو منظفهاش لأن بعدها بيومين لقيت العربية الrpm بيعلى لوحدو و باقي الفيلم المعروف ده رحت حاجز و طالع عليهم قلتلهم ثاني مرة تحصل و عاوز اغيرها قعد يلف و يدور على سبب يخليه ميغيرهاش في الضمان الحمد لله ملقاش و ختم العربية في الضمان و اتغيرت البوابة الحمد لله

**Egyzizo** · 13-09-2012 11:31 AM

المشاركة الأصلية كتبت بواسطة mo_x5

شكرا على المعلومه....بس يا ترى المشكله دى موجوده فى موديل 2010 فقط .....يعنى هل تفادو المشكله دى فى الموديلات اللى بعدها

أنا فكرت فى السؤال ده ، بس ألله أعلم.

المشاركة الأصلية كتبت بواسطة a_nbm

ممكن نعرف حضرتك اطقست منين بالظبط، عشان نأكد المعلومه بس مش اكتر

من مهندس فى أحد مراكز الصيانة نقلاً عن زميل على جروب اللوجان على فيس بوك ، ودى مشاركته عن حوار بينه وبين المهندس فى الجزء المتعلق بالبوابة:

موضوع البوابه بتاعت الانجيكشن هي مفيهاش مشكله عندي بس المهندس قالي مفيش بوابه بتعدي ال 60000 الف والشركه حلت المشكله دي بانها بقت تجيب بوابات المونيه مش بتبوظ خالص لان البوابه اللي فيها بلاستيك وهو قالي احنا دلوقتي بنتلكك اي عربيه تبطل مره على المطب بنغير البوابه على طول وبنركب الجديده

د اسامه رجب

**a_nbm** · 13-09-2012 02:40 PM

المشاركة الأصلية كتبت بواسطة egyzizo

أنا فكرت فى السؤال ده ، بس ألله أعلم.

من مهندس فى أحد مراكز الصيانة نقلاً عن زميل على جروب اللوجان على فيس بوك ، ودى مشاركته عن حوار بينه وبين المهندس فى الجزء المتعلق بالبوابة:

شكرا يا باشا .... تمام كده

**zkralla** · 14-09-2012 10:00 PM

شكرا يا باشا
ربنا يستر انا الضمان يخلص فى اول شهر 11 ومعدتش ال 20000 لسه ( بامشى بالعربية قليل )
بس الموضوع ده ما حصلش عندى لغاية دلوقتى

**ali_333** · 15-09-2012 01:59 AM

طيب ضمان البوابة كام كيلو او الفترة؟

**Egyzizo** · 15-09-2012 09:42 AM

ضمان البوابة من ضمان العربية 3 سنين أو 100 ألف كيلو.

**alaaosmanakl** · 15-09-2012 06:53 PM

طيب الكلام ده في الاتوماتيك كمان ؟؟؟؟
ولحد أنهي موديل البوابة كانت بلاستيك ؟؟؟
يعني البوابات اتغيرت المونيوم ابتداء من انهي موديل ؟؟؟؟

مشاهدة نتائج الإستطلاع: بخصوص خلل البوابة (العربية بتبطل ، أو الـ rpm بيعلى لوحده)

الموضوع: نصيحة: اتلككوا على تغيير البوابة قبل نهاية الضمان. البوابة الأصلية بها سم قاتل

LinkBack

أدوات الموضوع

عرض

نصيحة: اتلككوا على تغيير البوابة قبل نهاية الضمان. البوابة الأصلية بها سم قاتل - انشر الموضوع فى :

-

-

-

-

المواضيع المتشابهه

كارثة بجد محتاجة الخبراء (تغيير البوابة بعد التنظييف )

زنة فى البوابة

تجربة تغيير كوعة المياه و تنظيف دورة المياه و البوابة لe46 318i M43 engine بالصور

تغيير حساس البوابة لنوبيرتى

البوابة

الكلمات الدلالية لهذا الموضوع

المفضلات

المفضلات

ضوابط المشاركة