قلت نفس الكلام بس انا مش هوديها كلية الهندسة غير بعد 10 الاف كم علي الأقل
هي شكلها هتفضل كده...تراكم الإيرور ومع الإستخدام بيخللي الكمبيوتر يهيس عامل زي الويندوز بتاع الكومبيوتر.
عرض للطباعة
يا جماعه لازم تفهمو ان مش الكنترول بس الي بيهيس لا كل حاجه بتبوظ في مكونات الفتيس ده وده بسبب الزحمه جدا الي عندنا العربيه دي عاوزه طرق مفتوحه الزحمه والوقفه والطالعه هي سبب انه بيجيب عيوب وتتمثل العيوب دي في طقم الدبرياج وتاكل الاسطوانه كم قليل - الاكتويتور وده عبار عن ماتور كهربا عامل كده زي ماتور الدش في عمود بيطول ويقصر وده الي بيدوس بدالك دبرياش - غير في ماتور تاني بينقل عصايه الفتيس بدالك ده برضو بيبوظ - غير السنسور برضو بيضرب الي بيحس بدوستك علي البنزين عشان الكمبيوتر يترجمها وسنسورات علي الاسطوانه عشان الخلوصات - غير ان مع الزحمه الاكتويتور ده بيتعامل مع الدبرياج كان واحد غشيم بيسوق مانيوال ورجله تقيله علي الدبرياش فمع الوقت الغوايش الي جوه الفتيس نفسه بتبوظ برضو وكل الحجات دي انا غيرتها عن تجربه وبدخل جوه التوكيل وبشوف هما بيفكو ايه وبيعملو ايه وبسئل كتير بقرفهم يعني عشان ابقي فاهم اما الكنترول يونت بقي ده الكمبيوتر الي بيدير العمليه المعقده دي لما كمان هو بيخرف بتبقي كملت
بس الحقيقة اللى لازم نعترف بيها ان اداء الفتيس تحسن بكثير عن الأول ومبقاش فيه n error نتمني الأداء يثبت علي كده
انا الأن في تويوتا التجمع الخامس هستلم العربية الساعة 4.5 .
جهاز حماية المستهلك اتصل بي وسألني عن نتيجة الإصلاح قلتلهم لم اشعر بتغيير..وبناء عليه هيتم تحديد موعد اخر.
بعد الفحص الفنى بكلية الهندسة "جامعة عين شمس" بناءا على تحويلى من جهاز حماية المستهلك نتيجة عدة شكاوي بالسيارة وليس الفتيس فقط "كانت هناك جلسة أخيرة بالجهاز امس ونتج عنها: 1- تقرير كلية الهندسة سلبى من ناحية الفتيس وورد به ان الفتيس بحالة سليمة ويعمل بكفاءة غير ان هناك تأخير لمدة ثانية واحدة بين النقل من الاول الى الثانى وانه يمكن التغلب على هذا التأخير بطريقة القيادة 2- بعد استنكار منى لما ورد بالتقرير لأن تجربة القيادة وتسجيل البيانات كانت لمدة 15 دقيقة قيادة لم يتضح بها كافة المشاكل من حيث تعليق الفتيس فى بعض الاحيان والتى ربما تظهر فى ظروف خاصة للطريق تم مد فترة ضمان الفتيس الى 100 الف كم 3- بخصوص الشكوى الاخري الخاصة بالاعطال بالسيارة تم اعطائي عدد 2 صيانة مجانا "ارضاءا للعميل"!!!!!!!!!!!!!!!!!!!!!!!!!
يعني الموقف النهائي من تويوتا ايه لمالكي ال ام ام تي ؟
حاجة متوقعة ...بيجرب العربية ولسة القطع جديدة مش هيظهر معاه اي عيب...وعلي اي حال الفتيس ممكن تمشي بيه ومش هيضرك في حاجة واي عيب فيه لايرتقي الى درجة الضرر اللى تخلي العربية متمشيش كويس ...المشكلة ان تصميم الفتيس بيخلي معدل تأكل مجموعة الدبرياج اعلي من اي فتيس مانيوال عادي خاصة ان ده يعتبر الجيل الأول من فتيس مانيوال بدواسة دبرياج كهربائية( وده لايتناسب مع متطلبات العميل من شراء سيارة اعتمادية بأقل اعطال ممكنة)...تاني حاجة الضرر الواقع من سعر إعادة بيع العربية وبيع السيارة علي انها اوتوماتيك عادي مين هيحاسب عليه؟ ....حتي لو تم حل مشكة الفتيس بشكل نهائي هيبقي هناك حق تعويض للأضرار المادية والمعنوية لكن للأسف الجهاز مش متعاون فيه لأنه شايف ان تويوتا بتقوم بواجبها.
هو لحد دلوقتي صيانه الفتيس ال mmt بتتعمل ببلاش و هتبقي كده لحد امتي ؟