الموضوع: افضل معطر جربته في حياتي

المشاركة الأصلية كتبت بواسطة moumen_hs

موجود عند كذا واحد فى التوفقية وفى واحد فى مول هناك فى شارع زكى على الشمال مول ب 20 جم معطر جميل فعلا

أنا نزلت امبارح التوفيقية ولقيته ب 25 جنيه وبناء على كلام الراجل صاحب المحل هو بيقول ان اللى عنده الاصلى ونفس اللى كان بيتباع فى on the run وفيه مضروب شبيه ليه فى السوق ... ما علينا من كلام التجار التجربة حاتبقى خير برهان

بالنسبة لمكان المحل فهنا المشكلة لانه فى زخانيق التوفيقية وحاحاول اوصفه على قد ما اقدر .... انت تدى ضهرك لسنترال رمسيس وتخش فى الشارع اللى فيه محلات ارخصهم والارخص بتوع الصوتيات تفضل ماشى لغاية اما تلاقى على اليمين مول وعلامة المول ده انك حتلاقى فى وشك محل اسمه سيمفونى حتلاقى قدام المول ده ممر ضيق ادخل فيه قبل نهايته حتلاقى على اليمين ممر تانى هو عبارة عن مدخل عمارة تطلع السلم للدور الأول حتلاقى فى وشك المحل ... واسمه الزغل

انا عارف ان الوصفة موال بس لو سألت باسماء المحلات اللى أنا قلت عليها حاتسهل شوية الوصول.

وعلى فكرة انا قلت لصاحب المحل عن المنتدى وان ممكن ناس تجيلك منه فقالى ممكن يبقى يعمل تخفيض ولا حاجة .. فاللى يروح يبقى يقله انه جايله من منتدى العربيات يمكن يعمل معانا الواجب

حاجة كمان وياريت تغفروا لى جهلى ... أنا لما جيبت العلبة وفتحتها لقيت ان المعطر متغلف ببلاستيك فشيلته وحطيت المعطر فى العلبة الصفيح علطول وسيبت العلبة مفتوحه فتحة بسيطة علشان يطلع الريحة ... هو كده صح ولا ايه ؟